رد: سيدني & غولد كوست
انا زرت استراليا في 2007 و 2010
و سكنت فقط في جولد كوست
في 2010 سكنت في شقق فندقية circle on cavil
موقعه مميز قريب من المطاعم و محلات التسوق
تقييمي له ممتاز
يقع في منطقة سيرفرز برادايس منطقة حيوية جميلة على الشاطئ
رابط الفندق في بوكينغ
Condo Hotel Mantra Circle On Cavill, Gold Coast, Australia - Booking.com
لم اقم بحجز اي سيارة لكن تعاملت مع شركة سياحية داخلية اسمها لاوند Lawand اللي يشتغلون فيها عرب
رتبت الرحلات من خلالها و اييلك الباص لين الفندق و يرجعك مرة ثانية
طبعا اذا خذت سيارة راح توفر فلوس اكثر لانك تدفع فلوس التذاكر للمكان اللي تزوره و أريح لك لانك ما تلتزم مع الشركة و تروح الوقت اللي يناسبك مع الشركة ممكن تتأخر و يروح عنك الباص
اطلب سيارة فيها نفيچيشن
اسبوع كافي لجولد كوست
انا سرتها ٩ ايام مع العائلة لكن الاطفال كانو حابين يتمون فيها فترة اطول
انا ما اعتقد ابداً ان شهر ٥ مناسب ولا انصحك افيع لو تقدر تأجله للصيف مثل شهر ٨
لان الليل عندهم في شهر ٥ طويييل و النهار قصير يعني ما يمديكم اتدورون على راحتكم في بعض الاماكن لانها تغلق مع الغروب تقريباً
معلوماتي بس منحصرة عن جولد كوست لان لم يسبق لي زيارة سيدني لكن على علمي و الاراء اللي سمعتها ٧ كثير عليها يكفيها ٣ ايام
ان شاء الله قدرت افيدك واذا عندك اي سؤال او استفسار انا حاضر
