جنيفا ف شهر مايو

[anna rosace]

السلام عليكم ،،


حبيت استفسر عن جنيف بعد الاطلاع على بعض المواضيع المطروحه بخصوص سوسيرا بشكل عام ..


حابين نروح جنيف بداية شهر مايو مدة اسبوع

شنو آفضل فندق من ناحية الآمان والمكان كموقع استراتيجي وتكون جنبنا آغلب الآماكن السياحيه ومراكز التسوق والطبيعه للاستجمام !


متى آيام الويكند عندهم وشنو ساعات العمل !

رشحوا لي سايق ياخذنا من المطار للفندق والعكس !

شنو آفضل آو اسهل وسيلة للمواصلات علما اني متعوده ع لندن كل سنه ونظام باص آو تاكسي !

العمله اللي يفضل ان نصرفها هناك !

وهل في تاكس فري ونظام نستلمه بالمطار وقت العوده او شنو طريقتهم !

عندهم اوتلت وشنو نظامه !

آهم مراكز التسوق والمطاعم واذا عندهم شارع مخصص للعرب !

شنو الفيزا اللي لازم نطلعها !



آتمنى تفيدوني :redface:

 

[أبــوعبدالله]

رد: جنيفا ف شهر مايو

اخي الفاضل انصحك لا تقعد بجنيف للامانه قبل سنتين حاجز فندق خمس نجوم

فندق كمنسكي جنيف اول مادخلت الفندق تمت سرقه جنطه زوجتي باللوبي ويوم رحت الشرطه قالو جنيف معروفه باللصوص

حاول تستأجر سياره من مطار جنيف تروح المناطق القريبه لها

حبيت احذرك من اللصوص جنيف فقط
​

 

[anna rosace]

رد: جنيفا ف شهر مايو

اخي الفاضل انصحك لا تقعد بجنيف للامانه قبل سنتين حاجز فندق خمس نجوم

فندق كمنسكي جنيف اول مادخلت الفندق تمت سرقه جنطه زوجتي باللوبي ويوم رحت الشرطه قالو جنيف معروفه باللصوص

حاول تستأجر سياره من مطار جنيف تروح المناطق القريبه لها

حبيت احذرك من اللصوص جنيف فقط
​

اذا مو جنيفا وين نروح بسويسرا ! احنا ف بالنا اسبوع جنيفا ونرجع فآرجوا الافاده بالاستفسارات اللي طرحتها

 

[محمد بن عمر]

رد: جنيفا ف شهر مايو

اهلين فيك اخوي مسافر جديد
احب اني اساعدك بما اقدر عليه والاخوان المشرفين وخبيرين السفر للاراضي السويسريه ماراح يقصرون معك باذن الله .

بس بداية حبيت اعرف تاريخ السفر متي راح يكون بالضبط
ومدة الرحله لسويسرا كم يوم وهل راح تزور دول اخرى او لا