رد: مجمع شقق استون مارينا في جاكرتا aston marina
مجمع شقق راسونا سعيد
15 برج تقريباً كل برج 33 دور تقريباً
فيه كل شي تقريباً
حتى الصراف موجود بداخله ( هذا الصراف طلبت منه يصرف لي 1000 ريال قال ب 3 مليون طبعاً سعر الصرف خايس لأنه كان ب 3 مليون و 200 ألف روبيه تقريباً المهم تناحلت معه كثير والنتيجة صفر رفض أن يزيد فوق ال3 مليون روبية وحده المهم قلت أمري لله هااااات سلمته 1000 ريال وصرفها وعد الروبيات 4 مرات تقريباً واستلمتها منه وعديتها طلعت 4 مليون :biggrin: عديتها مره ثانية طلعت 4 مليون قلت هذي كاميرا خفيه :smile: خليني اخرج واختبره خرجت عادي طيب خليني ارجع للي نشف ريقي رجعت له وأنا مستانس هذي المرة جاء في بالي اقول له ترى الفلوس ناقصه مليون لكن تعوذت من الشيطان يمكن مايحب المزح اعطيته المليون الزايد وقلت له تراك غلطان صار 
يحك براسه لين رجعت للسعودية )
بجواره مطعم ومقهى الفراعنه .. المطعم هذا فيه شربة عدس اللي مايجربها اذا راح لهالمطعم ما أبي أشوفه هناك 
نزلت فيه غرفتين ب 550 ألف
بصراحة أنا ما أعرف كثير بجاكرتا
لكن المجمع هذا أرتحت فيه كثير مقارنة بالفندق
