أ
أبــوعبدالله
:: مسافر ::
السلام عليكم ورحمة الله وبركاته
أخواني وخواتي الغالين جايب لكم شركة الزاجل
الشحن للامانه هذي اول مره أتعامل معاهم
من تجارب آهل الامارات كانو ساكنين بالفندق اللي كنت ساكن في
ولفت انتباهي الساعه الواحده ليلا سياره الشحن واقفه آمام باب الفندق وسئلت الاخوان من
الامارات عن هذي الشركة قالو احنا نتعامل معاهم من زمان ثقه وامان العفش وسرعة التوصيل
واخذت على كلامهم وتوكلت على الله
ونزلت الشنط وتم الوزن الشنط وسعر الكيلو 1.60 باوند مع البوليصه
وطلعت الفيزا كرت قالي احنا مانتعامل بالفيزا لازم كاش انت عندك
خيارين تبي باجر الصبح اخذ منك المبلغ او اذا رجعت ديرتك استلمت الشنط وبعدين نرسل لك رقم
الحساب البنك وتبعث لنا المبلغ براحتك
للامانه انصدمت من الموقف اول مره اتعامل معاهم ويقول لي احنا راح نبعث لك الشنط الي ديرتك
واستلمهم وجيك على اغراضك في شئ ناقص او لا وفوق هذا لم ياخذ اي مبلغ
وفعلن سافرت ورحت الامارت ورجعت الكويت واللي يتصلون على شركة الطيران الجوي
للشحن الكويتي عندك اغراض قلت نعم قالو تعال استلم الشنط وصلوا ورحت استلمت الشنط
والحمدالله خلال يومين وصلو ولا شئ ناقص واتصلت على الشخص وقلت استلمت الاغراض
قال هل في شئ ناقص قلت بيض الله وجهكم بالعكس كل شئ سليم
وقال باجر ان شاءالله راح ابعث لكم رقم الحساب بالبنك
وهذي عن تجربتي الشخصيه
وكان بتاريخ
30-8-2013
أرقام السواقين السيارة الشحن
كمال /00447903858111
كريم / 00447415270064