تجربتى في استئجار سيارة في باريس

منتدى السياحة

:: مسافر ::
إنضم
2 يناير 2015
المشاركات
20
مستوى التفاعل
0
النقاط
0
تجربتي بشكل سريع عام 2005 في استئجار سيارة في باريس

كنا 4 شباب متواعدين في باريس اثنين من امستردام وواحد من برشلونة والاخير من الرياض دايركت
بعد ما اكتمل النصاب <---- متعوب عليها توجهنا للبحث عن فان عشان ناخذ راحتنا فيه ونتبطح ونرمي عفشنا بدون ترتيب المهم تفاجأنا بعدم توفر فان في اكثر من 6 شركات ومنها شركات كبيرة مثل يورب كار وبدجت وايفيس ..... المهم لقينا عند هرتز مواصفات على كيفنا وقالوا اللي تبونه نجيبه لكم حلووووين نبي اخر موديل 2005 ..... موجود ونبيها توماتيك ..... موجود ....... ونبي المراتب الاربعه مفصوله <----- شكلنا نبي نلعب بلوت قالوا موجود .. ونبي ديزل ... موجود .... ونبي نسلم السيارة في اي مكان نبي قالوا على كيفك بس اهم شيء في الاتحاد الاوروبي <---- شكله قال هذولي بيطيرون للصين هاه شباب تدللوا قلنا مانبي المرتبه اللي ورا قالو نشيلها عندنا قالوا ما تبون جي بي اس قلنا لاااا معنا واحد .. المهم طقطق وطلعت غاليه ... ما اذكر بكم بس بعد الطقطقه على الاله الحاسبه (طبعا اللي في جوالي) طلعت في اليوم 90 يورو ... قلنا نستاهل ما حجزنا ولا خططنا لان السفره جت خبط لزق
قالوا تعالوا بكره وخذوها قلنا حلو لان واحد من الشباب اصلا عنده شغل بكره الصبح
المهم جينا وطلبوا منا واحد تكون السيارة بأسمه الشباب كلهم قالوا ما معنا رخص :36_1_25: سلااامات قالوا يالله يا ابو الجوري حطها باسمك <--- اللي هو انا قلت هذا وانا اصغركم و التفت على واحد منهم واقوله وانت يالشايب تراني كبر ولدك قال ايه هين لو تدري ام الجوري انك فوق الثلاثنين كان تنهبل ... المهم مسكت بكم خط
في الاخير لعبوا على الصغير وصار كل شيء باسمي
السيارة كيا جديدة 2005 وبصراحه فخمه من جوا ومريحه جدا
لا ويوم جت السيارة عبوها فل من قراش الشركة عندهم مضخة بنزين <---
والحمدلله كل شيئ تمام الا ان طول الرحلة كنت انا اللي اسوق تخيلوا اكثر من 3000 ميل بس يحمدون ربهم اني احب السواقه والا كان علوم

في الاخير وصلنا فرانكفورت وبعدها للمطار وسلمناها هناك والاجراء كان سهل جدا انهينا الاجراء في مواقف المطار كان لهم زي الكشك

وحنا رايحين للمطار وقفتنا الشرطه لاننا مسرعين ماشي 45 مايل والسرعه 30 بس نقز واحد من الشياب الله يذكره بالخير قال انا اعرف ان السرعه مفتوحه عندكم قال في الهايوي بس لكن داخل المدن لااااا المهم قال تبون تدفعون عطيتكم ايصال قلت ايه ندفع لاننا مسافرين اليوم ودفعنا على ما اعتقد 25 يورو

وفرع هرتز اللي اخذنا منه الموتر في باريس كان حول الشانز عند دوار قوس النصر

منقول
 
رد: تجربتى في استئجار سيارة في باريس

وكذالك يوجد مكتب تاجير السيارات الفخمة والاقتصاديه : السعدي لتاجير السيارات في دبي ويقدم افضل الأسعار

الامارات العربية المتحدة - دبي ☎️ +971505454563

Wtsp +971529007996
يوجد توصيل الى المطار مجانا
 
أعلى