رد: مساعدة ..... لبرنامج سياحي الى تركيا لشهرديسمبر2014
مساء الورد
اول شي مبروك على الزواج
والله يجعله زواج مبارك ان شاء الله
الجو في شهر 12 راح يكون بارد وفي أغلب الأيام ممطر في اسطنبول ماراح يكون في ثلج بس راح تحصل الثلج في جبل الاولوداغ في بورصه
اول يوم توصل راح تكون مرهق
بس انصحكم في السكان في سيركجي المنطقة اللي بين السلطان احمد وبين السوق المصري ومحطة امينينو
انا اسكن في فندق اسمه https://www.kasseriahotel.com
elite kasseria hotail
الفندق صغير بس نظيف وآمن ومعاملة ممتازة ومتابعة اول بأول معاك عن طريق الايميل وانصحك تحجز من موقعهم بالنت مباشرة
في غرفة رباعية وغرف ثنائية
طبعا عندهم تقدر تحجز وتغير الحجز اوتلغية قبل 24 ساعة او تقدر تحجز حجز اكيد وتدفع نفس الوقت من النت ويكون ارخص بس ماتقدر تلغي
الفندق عند محطة جولهانة للترام موقف المحطة عن الباب
التاكسي مايوصل عند الباب بس ينزلك على بعد 100 متر فقط
قيمة التاكسي على العداد من مطار اتارتوك على الفندق 36 ليرة
راح احطلك الجدول على عدة مشاركات اليوم ان شاء الله
