بروح الهند بعد العيد

عرض العطلة
ع

عبدالرحمن الحبسي

:: مسافر ::
25 يوليو 2014
3
0
0
#1
هلا اخواني واخواتي
ان شاء الله بروح الهند بعد العبد وذلك لغرض تجارة الاقمشة والسواري والعود والمصار

فارجو مساعدتي في ذلك
ماهي افضل منطقة للتجارة في الهند؟
كيف اسعار السلع في الهند؟؟
اسعار المواصلات في السكن؟؟
اجواء الطقس منتصف اغسطس؟؟

ارجو مساعدتي لكي اتاجر في الخليج
محبكم
 
#4
رد: بروح الهند بعد العيد

أسواق الساري في مومباي:

Delicacy in printed and other exclusive Sarees and Suits.

Wedding Shopping In Mumbai, Wedding Shops In Mumbai, Indian Wedding Shopping

بس هذا اللي أعرف عن الساري!

=========

مفروشات: الموقعين بيفيدوك إن شاء الله:

Mumbai Furniture Companies

Mumbai Business Directory

=============

ولا تنسى تزور : The Bombay Store
موقعه : https://www.bombaystore.com/


منقول للافادة
​
 
#5
رد: بروح الهند بعد العيد

resize2.php
اوتامز

إنه المتجر الوحيد الذي يبيع ساري فيشيترا المطرز والمطبوع والمظلل.
تبدأ الاسعار من 2150 إلى 15000 روبية
هاتف: 911123363384 / 23363766
 
عرض العطلة
#7
رد: بروح الهند بعد العيد

اماكن في الهند مدينه غوا للتنزه وتقرير مفصل نوعا ما ومتواضع اعددته لكم:

سعرالتذكره كويت غوا كويت خطوط الهنديه دايركت بدون توقف دينار130
وتقدم جوازك طلب فيزا بسعر تقريبا 22 دينار وتحط رقم تلفونك ويتصلون عليك مقابله يسالونك ليش تروح الهند وهياط علا الفاضي بس تعب المشوار سفارتهم في منطقه الدعيه بالكويت
راح اقدملكم شرح متواضع وبلهجتي العاميه تحمولني عاد
مده الرحله 4 ساعات علا الخطوط الهنديه قديمه الطياره شوي والله يعينك علا الريحه الخفيفه ونصيحه قبل لاتروح اخذ ابره من المستشفى تطعيم حق الكوليرا وماشابهها نفس ابره الحج ياجماعه اهم شي صحتكم سوو مثلي وتوكلو علا الله الهند ماتخوف بس الاحتياط واجب والبس شي خفيف برمودا علشان الجو اول ماتطب رطوبه خفيفه أول شئ اخذنا تاكسي من مطار مدينه غوا بسعر 1200 روبيه 7 دنانير تقريبا مشوار ساعه تقريبا الديره كلها اشجار وخضره عجيبه بس عيبها شويه ارطوبه ومرات مطر وصلنا لفندقنا 4 نجوم حجزته عن طريق السفريات بالكويت مكتب بالفروانيه شغله ثقه وتعامله ممتاز جنب باسكن روبنز / اخذت ثلاث ليالي 65 دينار مع الفطور لك عليه فطورهم ماشي الحال وفندق ميت شوي مافيه اي شي ينعش بس حمام سباحه صغير علا الصباح يفتحونه لما العصر وتطلع لغرفتك تدور قنوات عربيه مافيه كله قنوات هنديه تظيق الخلق اكملكم المهم وحجزته وبعد فترته اقامتي وطلبت شيك اوت قالو ادفع المبلغ ابلغتهم بان المبلغ مدفوع عن طريق الكويت كاش في مكتب السفريات وسألتهم ليش ادفع قالو هذاحق رقم بطاقه عندك حركات نصابين يحسبوني سكران او غشيم وعصبت عليهم وهذي حركه حراميه يتحايلون عليك بس بذرابه علشان ماتكتشفهم بديرتنا مساكين نعطف عليهم وهم شيوخ بديرتهم موحيل شعبيين يعني نص ونص واعتذروا مني يقولون اسفين بالغلط بيني وبينكم مجرد حركه نصب بس موعارفين شلون ياخذون حقهم الا في هالطرق القذره وبعدها توجهت احسن من مكاني الكئيب رحت الى حي باغا وسكنت فندق اسمه (ريسورت ريو )مستواه 5نجوم سعر الغرفه باليوم 5500 روبيه تعادل بالكويتي 24 دينار تقريبا وثلاث ليالي غرفه ديلوكس مع الافطار خوش فطور وجدا راقي ونظيف اكله وبسعر 16الف روبيه هنديه تقريبا جيد جدا وغرفتنا الدور الرابع رقم414 مطله مباشره علا المناظر الخلابه والانهار والمسبح يعجبكم ويطل عليه بار حق اللي بيشرب جميع المشروبات هههههههه الله يعينكم علا اصوات الغربان ونعيقها هههههه لانها تعيش علا الاشجار
والغرف اللي تطل علا المسبح تبدا الدور الاول للرابع لاجيتوا هناك اطلبوا تسكنون في الغرف رقم 414/415/314/315/21 215/214نصيحه لكم علشان المناضر الطبيعه وفيها بلكونه كبيره شوي وباقي غرف الفندق ماتسوا تسكنها لانها ماتطل علا شي حلو

البيكي دسكو مدهر الدخول 2000 للشخص حلو ونظيف وصالته صغيره والتكييف موذاك الزود وريحه شويه ويقولون انه مرتب الاول في غوا مستواه عالي اشوفه عادي جدا ولايستاهل واذا بتجلس برا علا النهر والطاولات تقدر والشرب مفتوح

مكان ألعاب للترفيه
اربورا /مكان العاب سيارات ومسابح اكوا بارك وفندق ريو

حي كاندوليم /نفس اللي ساكنينه فندقنا جولدن توليب

بناجي /مكان للتسوق كبير العاصمه جميله ونظيفه حوالي20 دقيقه

حي كلانق قود
بحر وشواطي بس حوسه زحمه
كوبانا كلب كوبانا مطعم علا الشاطي
اكله نظيف ولذيذ نوعا ما والشخص تقريبا غداه 400الي 500 روبيه

انجونا /شاطي صغير نوعا ما والمغرب انحش علشان ماتتوهق تدور تكسي ومكان جميل وهواء لطيف وحلو ومحلات للسياح ومختلطه سياح وجوها جميل جدامع ازعاج البائعين وقت النهار وتشوف كلاب بس الليفه ماتقول شي ونصيحتي لاتشتري منهم وخل اللي بتشتري عند منطقه مفساشوب احسنلك واوفرلك وروح اول النهار علشان وقت غوا ينتهي الساعه11 ليل وانصحكم تفطرون زين في مكانكم وبعدها تقدر تروح للسوق وانت شبعان ومفطر مشوارها من غوا الى سوق مفسا شوب مايقارب300/ 400 روبيه وعيبهم التكاسي استغلالين ويرفعون عليك السعر نوعا ما واذا بتاخذ دباب سيكل يوم كامل يطلع عليك 300 روبيه

باغا /دسكو تي توز احلا دسكو وجلسات طاولات شموع مضاءه ليل علا البحر مباشره ومحلات للسياح وشرب شيشه وغيره علا الشاطئ مع ازعاج الموسيقي الصاخبه بس احلا مافيها محد يتعرضك ويتلقف عليك يعني امشي محترم كلهم يحترمونك


منطقه مفسا شوب محلات الملابس والاشياء الهنديه رخيصه نوعا ما وزحمه شوي عن مكان فندقنا ريسورت ريو في حي باغا ببعد تقريبا بالسياره 15 ربع ساعه تكسي تقريبا 300/400 روبيه ياخذ للمشوار

فندق لاكا ليبس مروح علا الطل ريحه الغرفه قرف وزهيويه مكتومه منطقه /باغا
قريب منه شارع باغا كلاندي قود مطعم انديان سبايس
مطعم لابأس فيه

دسكو سينق كلوب


عندهم فاكهه كبيره اسمهت كوكونت تشبه البابايا لذيذه طحت فيها هههههههه

فيفانتا تاج
شي راقي احلا فندق واكبر اوتيل شفته 56 فدان وعليك الحساب وتركب بسياره كهربئايه توصلك لحد مكانك داخل الفندق فلل ومسباح وزرع ومسطحات وحدائق تفتح النفس واسم الفندق فيفانتا تاج جلسته لتناول الشاهي والقهوه والاكل يرد الروح مثلا 2 قهوه كافي لاتيه وواحد شاي وماء سعره 500 روبيه في حي غوا كاندوليم

بجانب فندقنا شاطئ شارع باغا مدهر مطعمهم اللي بالزاويه طيحنا فيه كل يوم غدانا فيه ومختلط جنسيات وهو قلب باغا في مدينه غوا


يوجد كذا مكان للتنزه مثل الشلالات تبعد عن باغا ساعتين بالسياره تسمى داده سقار
وحديقه الحيوان بوندولا زو تقدر تتمشى داخلها بالسياره وسوق السبت اليلي ومكان اسمه هيري تاج فليج مثل الشواطئ والرحلات البحريه
 
#8
رد: بروح الهند بعد العيد

عبدالرحمن الحبسي قال:
هلا اخواني واخواتي
ان شاء الله بروح الهند بعد العبد وذلك لغرض تجارة الاقمشة والسواري والعود والمصار

فارجو مساعدتي في ذلك
ماهي افضل منطقة للتجارة في الهند؟
كيف اسعار السلع في الهند؟؟
اسعار المواصلات في السكن؟؟
اجواء الطقس منتصف اغسطس؟؟

ارجو مساعدتي لكي اتاجر في الخليج
محبكم
أنقر للتوسيع...
السلام عليكم
أخوي عبد الرحمن كل عام وانت بخير
بالنسبه للمدينه الاقتصاديه في الهند معروفه هي مدينه ممباي
جميع تجار الاقمشه والعطور والعوده والبخور تحديدآ تجدهم في ممباي وهناك يوجد شارع معروف قريب من منطقه كلابا إسم الشارع شارع الموضه (street fashion) فيه كل انواع الملابس والاقمشه بالإضافه إلا منطقه وشارع محمد علي .
ما استطيع خدمتك فيه وانت في السعوديه هو إنني أساعدك في إستخراج تأشيره تجارية تسافر بها مرتين في السنه إلا الهند من غير العوده للسفاره في كل مره تريد السفر فيها (فيزا دبل) مدتها سنه من تاريخ إصدارها.

ملاحظه: في حي كلابا هناك يتجمع التجار العرب تحديدآ من السعوديه واليمن وسوف يساعدونك في امور كثيره.

تمنياتي لك بالتوفيق والرزق الحلال الكثير
 
عرض العطلة
عرض العطلة