هنا ان شاء الله تعالى جميع المعلومات التى تهم
كل المسافرين الى فرنسا من سياح الى طلبة الى رجال أعمال...
1- باريس
ابرز معالمها برج ايفيل واشهر شوارعها جادة الشانزلزيه
الحدائق
وفيه حديقة غابات بالونيا الشهيره والتي يوجد فيها بحيرة مفضله
للعشاق الرومانسيه والجو اللطيف وكذلك يمارس اغلب السكان فيها
رياضة المشي والجري في جنبات الحديقه ويمر بها نهر السين ولقد عدل
مجرى نهر السين بحيث يدخل في وسط العاصمه باريس ويشقها بالنصف تمام
مدينة الألعاب دزنى يوروب
وعلى بعد مسافة نصف ساعه على طريق السريع فرنسا المانيا يوجد مدينة
الالعاب الشهيره دزني يورب ( والت ديزين ) وفي المدينة دزني لاند يوجد
ستة او خمسة فنادق بمختلف المستويات والمطاعم وجميع الخدمات وكما
ان الالعاب فيها لكافة الاعمار كبار وصغار
المطاعم
هناك يوجد في باريس مطاعم عربيه تقدم الاطباق العربيه وهي مطاعم
راقيه جدآ مثل مطعم الديوان وهو يطل على نهر السين
يوجد في جنوب العاصمه الحي الاتيني وهو حي يسكن فيه العرب من
شمال افريقيا من المغرب والجزائر
اغلب السياح من العرب هم من الخليجين والذين يفضلون المشي طوال فترة
المساء في شارع الشانزلزيه متنقلين بين المقاهي الراقيه والمطاعم
وشارع او جادة الشانزلزيه تبدأ من تجمع عدة طرق او شوارع رئيسيه تلتقي
في دوار على بوابة قوس النصر ثم ينتهي بك الشارع الى دوار ميدان سله
اهراميه قديمه يكون فيها اغلب الاحيان او تقام عليها العروض الوطنيه والعسكريه
المشى والتجول
المشي على هذا الشارع هو المتعه الحقيقه حيث الرصيف الواسع والمحلات
الكبيره الراقيه والناس تزدحم فيه ليل ونهار
الطرق في باريس مرصوفه بالحجارة القديمه مما يعطي انطبعآ مميزآ وجذاب
عند السائح وكذلك جمال مبانيه وبيوتها القديمه واللتي يصل عمر بعضها الى
لثلاثة قرون او اربعه وكذلك يوجد مباني حديثه مميزة
الـــــمـــــعــــالـــــ م :
برج ايفل Eiffel Tower.. اعلى مكان في باريس .. ارتفاعه 276 متر وتطلع له بالمصعد والا بالدرج (ايه هين ) ويفتح من الساعة 9 الى الساعه 12 في الليل ..
متحف اللوفر ..
من اشهر المتاحف في العالم وموقعه خلف ساحة الكونكورد اللي في نهاية الشانزاليزيه .. وفيه اشهر لوحه .. اللي هي الموناليزا ..
قوس الدفاع او لا ديفانص Grande Arche de la Défense القوس هذا صاير في مقابل لقوس النصر بس في مكان بعيد
مونباغناس montparnasse وهذي اطول بنايه في اوروبا ارتفاعها ياصل الى 209 متر وفيها مطعم يطل على باريس كلها (فرحانين بالجلوب؟؟ )
نهر السين
طوله 13 كيلو جزر فيه رحلات سياحيه في النهر على سفن اسمها باتيموش تاخذ فيك لفه على النهر .. وفيه سفن فيها مطاعم تضرب فيها عشوه رايقه
الملاهي :
ديزني لاند باريس Disny Land Paris
وهي تبعد 25 كيلومتر عن وسط باريس .. وتقدر تروح لها بالسيارة او بالقطار او بالباص .. منطقة الديزني عبارة عن منتجع كامل .. يعني تلقى فيها فنادق وحدائق وملاهي ومطاعم مثل بلانيت هوليوود.. وبالنسبة للملاهي اول ماتدخلها تلقى مكاين تبيع كروت اسمها فاست باس Fast Pass
ملاهي استريكس Parc Asterix
ملاهي جميله وتبعد عن وسط باريس 36 كيلومتر
اكوا بولفار Aqua Boulevard مدينة مائيه روعه .. للكبار والصغار
رد: السياحه في فرنسا وباريس وصور من السياحه في فرنسا
الحدائق :
حدائق باريس كثر شعر راسي بس بنذكر اشهر الحائق الموجوده فيها
جاردان دو شام دو مار Jardin du Champ de Mars
غابة بولونيا Bois de Boulogne الغابة هذي ولا مخطط المطار !! ( ياعيني على التشبيه ) الغابة هذي في وسطها حدائق وبحيرات .. ويامحلا لعب الكورة فيها
بارك دو مينسو Parc de Moncesu الحديقة هذه رايقه وبشده .. وموقعها في شمال الشانزاليزيه
جاردان دو تيليريه Jardin Des Tuileries حديقه حلوه و فيها بشر !! وهي عن الشانز اليزيه دزبله ( قبله ) وفيها مدينة ملاهي حلوه .. حديقة النبات
الاسواق :
... لكن اشهر سوق موجود في باريس هو القاليري لافاييت GALERIES LAFAYETTE وهو في منطقة الاوبرا او باريس 9 على شارع بولفار اوسمان boulevard Haussmann .. ويتكون من سبعة او ثمانية ادوار..ويفتح من الساعة 9 ونص صباحاً الى 7 ونص مساءً .. السوق هذا في اي شي تبيه .. وبس!! هذا اللي نعرفه عن هالسوق
اللي يجي باريس وماخذ معه شيكات سياحيه .. عادة ماتكون توماس كوك او امريكان اكسبريس ..مشكلة المحلات والمطاعم في باريس مايعترفون كثير في الشيكات السياحية ..معنى هالكلام انك يبيلك تحولها الى كاش .. لو مشيت للصرافين العاديين بياخدو عمولة ، وغالبيتهم ياخذون 3% ..لكن تقدر تحولها بدون عموله من الشركة اللي بترجع ليها شيكاتك.. بالنسبة لتوماس كوك فروعها منتشره في كل مكان الشانز اليزيه بس فيه ثلاثة فروع لهم !! ومنطقة الاوبرا اللي نعرفه فيها اثنين ... اما بالنسبة للامريكان اكسبريس هذولا علل فروعهم قليله لكن فرعهم القريب موجود في منطقة الاوبرا وبتلقى مركزهم كبير وواضح .. وصرافينهم موجودين في قبو المركز .. بس ماتنسى تجيب جوازك اذا جيت تصرف !!! لو تجيب اي اثبات ثاني مايعترفوا .. لازم الجواز
التنقل في باريس
اما عن طريق المترو او التاكسي .. المترو اول شي تشوف خط سيرك والمحطة اللي تبي تمشيلها وبعدين تقص تذكره سعرها تقريباً 1ونص يورو وتوصلك للمكان اللي تبيه ... وانتبه ترمي التذكرة اذا دخلت .. لان الشرطة احيانا دير حملات تفتيش على التذاكر واذا مالقوا التذكرة دخلت في سين وجيم .. وانتبه من النشالين .. اساليبهم كثيره ... والتاكسي من 7 الصباح الى 7 المساء تختلف تسعيرته عن بعد الساعة 7 في المساء .. طبعاً في المساء تكون اغلى !!وممنوع انك توقفه من اي مكان .. لازم تاخذه من عند موقف التكاسي وتلقى لوحه مكتوب عليها TAXI اوقف تحتها وبيجيك التاكسي ..
مطاعم انصحك تزورها :
مطعم لو قراند كافيه Le Grand Cafe في منطقة الاوبرا ومن المطاعم اللي تفتح 24 ساعه ،مختص بالماكولات البحريه واكلهم خياااااااااالي
مطعم انتركوت .. فيه نوعين من مطاعم انتركوت في باريس واحد فخم مره ولايفتح الا من بعد الساعة 6 المساء وبصراحة ما اتذكر اسم الشارع بس اسميه شارع العصارات عشان مطاعمه كثيره .. وهو في شارع يتفرع من فرانسوا الاول ... والنوع الثاني من مطاعم انتركوت هذا تلقاه في كل محل .. ومشهور بطبق الانتركوت اللي هو شرايح ستيك وبطاطس مقلي وصوص لونه اصفر وهو السر طبخه والمطعم مايقدم الا هالطبق
