رد: اليسياحه في اسبانيا برشلونة
حان وقت العوده والنزول
هذولي ثنائي مبدع 
وصلنا لبيت غاودي ومعروض فيه أثاثه وبعض المقتنيات من بيته وأنجازاته
.
.
أول ما تدخل تواجهك هذي اللوحه مكتوب بها نبذه من أنجازاته وسيرته الذاتيه
هذي الصورتين مكمله لبعضهم .. المباني المنجزه من غاودي وأماكنها في مدينه برشلونه
المكان كان ضيق مره ولا قدرت آخذ الصوره كامله
هذي مدري أيش هي بالضبط .. يمكن مرجيحه للصغار 
وفي الختام صورتين لرمز الحديقه المشهور
الى هنا أحبابي وصلت للنصف الأول من اليوم الثاني ... أتمنى أكون وفقت بسرد تفاصيله بالشكل المطلوب 
بعد زيارتي لحديقه بارك جويل ، قضيت فيها ما يقارب الساعتين بسبب كبر حجمها ورغبتي في الصعود للقمه 0
.
غادرنا الحديقه متوجهين لمحطه الوقوف التاليه وهي :
.
جبل Tibidabo
تكلمت عن هذا الجبل سابقاً وأنه يحتوي بقمته على محطه انطلاق للتلفريك وملاهي صغيره مخصصه لصغار السن بشكل أكبر .. وللطلوع للجبل ستحتاج ركوب قطار جبلي أو ما يسمى بالترام .
.
بالنسبه لي ما كانت لي رغبه للطلوع وما شفت اللي يميزه خاصه و اني ما فكرت اركب التلفريك ، لكن نزلت بالمحطه وقت وصولنا بسبب حديقه اعجبتني 
.
لاحظو بالخريطه مكان النجمه هي الحديقه وبجانبها صوره القطار اللي يوصل لأعلى الجبل
الحديقه هاديه جداً ويقصدونها سكان الحي وقليل تجد سياح او بالاصح قليل تجد احد فيها
اسم الحديقه بالاسباني
la tamarita
.
مدخل الحديقه
بعض المقتطفات داخلها
.
.
لاحظوا في هذي النافوره أعلاها بالنص المفترض فيه جرّه لكن مكسوره والقطع المكسوره واضحه
.
وأنا أتفرج عليها قام شايب من الكراسي وجاني 
>> شوفو رجله بزاويه الصوره 
بدا يسولف علي ويشرح لي بالأسباني وأنا مدري وش يقول 
والرجال متحمس ويوصف وانا أقول يس يس 
الرجال واضح أنه زعلان ومتضايق وأحاول أعيش معه الجو وأتفاعل معه وأهديه
في الأخير اللي فهمت من لغه الأشاره ومن جلسه الشايب اللي دامت 15 دقيقه .. صار يبي يوضح لي أن الأطفال هذا الوقت صارو ما يقدرون الحفاظ على ممتلكات الأماكن العامه وتغيرو .. وبالأخير صار يعتذر عن الأعمال التخريبيه هذي وأنها تضايق السياح
طبعا مشيت من عنده وانا أقول في نفسي
جعلك ما تجي عندنا 
الديره كلها عباره عن عمل تخريبي
.
.
بهذي الصوره غادرت الحديقه والصراحه حديقه جميله تمنيت ان عندي وقت كان جلست فيها مده أطول
نرجع للخريطه ومسار الباص أوضح لكم المحطات وما تحتويه
.
الوجهات بالترتيب كالتالي :
النجمه الحمراء : عباره عن قصر أثري يقع في حي قديم يعكس لكم الطراز الأسباني في مساراه المشاه الضيقه وأرضيتها الحجريه والأبواب الخشبيه .
النجمه الصفراء >> (ما حطيت اللون أصفر لأنه غير واضح ) : كنيسه قديمه مبنيه عام 1984م وهي عباره عن قصر كبير يجمع بين كنيسه ومتحف خاص بآثار لقساوسه وقسيسات .
النجمه الخضراء : عباره عن حديقه كبيره جداً جداً وحسب بحثي قبل السفر أشوفها أكبر وأفضل الحدايق في برشلونه كحجم وكأهتمام من الدوله , وهي من المحطات اللي أنتظر النزول فيها
توقف القطار بمحطه وشدني منظر كنيسه كان فيها لحظات زواج
وأخذت كم لقطه سريعه
أعجبتني فكره العرض المستقبلي للمبنى .. بحيث يكون لوح على كامل المبنى ويخفي أعمال البناء ويعطي طابع جميل
.
وأنا في طريقي
وصلت وجهتي المقصوده وهي حديقه
palau Reial
طبعا يمنع بالحديقه الدراجات والحيوانات , تماماً مثل الحديقه السابقه , موقعها مثل ما ذكرت بالخريطه هي محطه النجمه الخضراء
وهنا أوقات عمل الحديقه
نافوره المدخل
جوله داخل الحديقه
.
.
.
.
وطلعت متوجه لمحطتي التاليه
ومريت على هذا الصرح اللي أحزنني الصراحه
