صور رحلتى الى سويسرا الرائعة

[alyaa]

صور رحلتى الى سويسرا الرائعة


الذهاب الى انترلاكن ( عن طريق الطريق الجبلي )



كانت الخطة بعد الإنتهاء من بحيرة كومو، والتي كانت على مشاهر الحدود الإيطاليا مع سويسرا، الذهاب إلي لوغانو لليلة واحدة فقط، المسافة من كومو (ايطاليا) الى لوغانو (سويسرا) لم تكن بعيدة ( 30 كم تقريبا، نصف ساعة تقريباً)

السكن في قرية هابكرن

البراشوت في النترلاكن

ثون

زيارة بعض الشلالات والتصوير الاحترافي

الذهاب الى قرية ماينفلد وزيارة بيت ( هايدي )

صورة توضح خريطة الذهاب من كومو الى لوغانو

بمجرد ما تعديت بحيرة مومو بمسافة بسيطة، ظهرت لي هاللوحة اللي تبين الانتهاء من كومو ودخول الحدود السويسرية ( هالبيوت اللي عند اللوحة مدري وش يصنفونهم ايطاليين ولا سويسريين!!

)

كان فيه نقطة تفتيش تشيك على السيارات اذا فيها ستيكر للطرقات السويسرية او لا، اذا مافيه يقولون لك اشتري واحد من نفس المكان وحطه بسيارتك

حسب ما استفدت من تقرير الأخ فارس الشجاع عند دخوله لسويسرا قال انه مافيه الا نوع واحد لمدة سنة كاملة، اتوقع كان لونه احمر، بس الحمدلله اعطوني واحد مدته 6 اشهر قيمته بحدود 15 فرنك سويسري، ( 60 ريال )

ودخلنا سويسرا

طرق مرتبة وجميلة

( بسويسرا مافي دفع رسوم استخدام الطرق مثل ايطاليا، الاستيكر اللي حطيته يكفي )

الى لوغانو

بعض الانفاق بالطريق

ايكيا حقتهم

وصلت لوغانو، قبل الدخول للفندق لقيت هالمنظر، تنظيف سلات المهملات من برى، ولكم التعليق

الفندق اللي سكنت فيه اسمه INTERNATIONAL AU LAC


فندق مبني على الطراز القديم، رائع جداً، مبني من سنة 1912 يعني له 100 سنة، بصراحة جميل جداً واكثر من رائع، فيه غرفة حاطين فيها كل الاغراض القديمة اللي لها 100 سنة

الفندق كان 4 نجوم، لكن على خدماتهم وتعاملهم وفطورهم يستاهل اكثر من 5 نجوم ويستاهل السعر اللي دفعته لهم، اخذت ليلة وحدة بسعر 625 ريال
​

 

[alyaa]

رد: صور رحلتى الى سويسرا الرائعة

غرفتي

بعد مارجعت لقيتهم غيرولي الفرش بفرش ابيض وحطو لي ورقة تقييم اعبيها قبل لا اطلع من الفندق

دورة المياه الله يكرمكم

المطل على البحيرة من شباك الغرفة

ممر الغرف

ارتحت وصليت الظهر والعصر وطلعت من الفندق على طول، كان الوقت تقريباً الساعة 1 الظهر، اخذت جولة بالمنطقة لأن حسب علمي ان فيه شركة اورانج للإتصالات، كنت ناوي اخذ منهم شريحة عشان الانترنت

هنا كانو يبنون مسرح، حسب ما عرفت ان فيه احتفال بكرة

شوفو فطور ماك اللي عندهم مو مثلنا

طبعا محدثكم من عشاق القهوة، لذا لا تستغربون لو شفتوني حاط صور لمكائن او محلات قهوة

احد المجسمات

اسواقهم جميلة، بس لحد يشوف السعر

وصلت منطقة كان فيها حركة كثيرة، فيها مركز تجاري ومحلات كثيرة من ضمنهم اورانج

سعر الشريحة 20 فرنك ( 40 ريال ) فيها نفس الرصيد اللي دفعته 20 فرنك مع صلاحية 10 ايام، اشحن 20 فرنك مع صلاحية 30 يوم، وتختار يا مكالمات مجانية داخل الشبكة، او انترنت، او 400 رسالة نصية، طبعا اخترت انترنت و سلامي على شركات الاتصال اللي عندنا

هالشطرنج الارضي شفته كثير بسويسرا

البحيرة الجميلة

ممشى حول البحيرة، واماكن للجلوس، رياضة المشي حلوة

والاجواء احلى واحلى
اقعد بهالمكان ساعة، اظمن لك تنسى هموم الدنيا وتتخدر بعد، و تصير شاعري فجأة بعد

المنظر من الكرسي ( جلست بنفس المكا تقريبا ساعة ونص بدون ما احس )

قوارب اللي يبي يستأجر، هذي اسعارها، قلت ارجع لهم بعد ما اكل

رجعت لساحة قريبة كلها مطاعم، اخترت هالمطعم، اخذت وجبة اسمها باني ارابيتا، كانت حاارة فلفل بس لذيذة

بالهنا والشفاء

اللي زار ايطاليا بعدين راح سويسرا بيلاحظ فرق كبير بالاسعار، سويسرا فعلا غالية بكل شي

رجعت البحيرة بعد الاكل وخذيت سيارتي

اخذت نص ساعة بس، هذا بعد ما دخلت

قعدت اتحرك 5 دقايق بس، بعدها ظليت بمكاني والبحيرة والهواء هم اللي يحركوني يمييين ويسااار

كالعادة، انتهت النص ساعة بسرعة، شارفت الشمس على الغروب، طلعت اصور بالفلاتر، كنت استخدم ادوات غريبة شوي، هالشي خلى ناس كثيرة تجي وتسأل عالادوات اللي استخدمها بالتصوير، الايطاليين مالهم ومال احد، اما السويسرين يبادرون دايما بالكلام، شي جميل!

صادفت هناك رجل عراقي واخوه، لاجئين بسويسرا من وقت الهجوم الامريكي، ماقصر قعد يسألني لو احتجت اي شي وعطاني رقمه.

اخيراً، طلعت بهالصورة الفوتوغرافية لبحيرة لوغانو (جميع الحقوق محفوظة)

حل المساء، وانا راجع للفندق لقيت بط اقدر اقول انه ( مزاجي ) قعد يلعب معانا

رجعت الفندق عالساعة 9 ونص تقريبا، كانت امسية الفندق جميلة لدرجة حسيت اني في فلم، رحت الغرفة القديمة اللي تحتوي على كل الاثاث اللي من 100 سنة وهذي صور منها ( كلها من الايفون لاني تعبت من شيل الكاميرا، وبنفس الوقت عشان ما الفت نظر الناس اللي بالفندق)

مين يتذكر هالراديو ؟!

ولا هالتلفون؟؟ اللي شفناه في فلام الكرتون كثير

هذا طيب؟ !!

كان في الدور الاول بار صغير فيه ناس يطفحون السم الهاري، ووحدة صوتها شين تغني، احس انها كانت تسولف بصراحة، مثل افلام الابيض والاسود، رحت ابي اخذ موية وسألني اللي يشتغل بالبار من وين، وقعد يسولف معاي ويقولي انهم يحاولون يحافظون على نفس الاسلوب القديم. عشان كذا اشوف هالمنظر، طبعاً ماصورت شي بالمكان

وانا راجع لقيت صورة قديمة بالفندق، بعضها فيها شرح عن تاويخ الفندق هذي منهم

صليت المغرب والعشاء على الساعة 11 تقريبا، انتهى يومي الخفيف الجميل في لوغانو الحمدلله

حتى تلفونهم قديم

​