فندق شانغريلا المالديف بالصور2013

[بسملة]

فندق شانغريلا المالديف بالصور2013
فندق شانغريلا المالديف بالصور2013
فندق شانغريلا المالديف بالصور2013

خط سير الرحله
الكويت - دبي - المالديف​

الخطوط
طيران الامارات​

المده
اربع ليالي​

تم التخطيط لقضاء 5 ايام في المالديف وكانت الحيره كبيره في السكن بسبب كثر الفنادق والمنتجعات واغلبهم الكل يمدحهم فا احترت واحترت واحترت​

عن نفسي سبق لي ان جربت الفور سيزن كودا هورا
Four Seasons Resort Maldives at Kuda Huraa: A Luxury Resort in Maldives
قبل 5 سنوات وكانت تجربه ناجحه بمعنى الكلمه لهذا السبب كنت محتار وين اسكن
كنت محتار بين كذا منتجع وحاط ميزانيه 150 دينار كويتي في الليله (500 دولار امريكي تقريبا )​

اول شي فكرت في هيلتون ارو فوشي
Untitled Document
وشجعتني تقارير الزملاء عليه وكان حسب الميزانيه الي مخطط لها بس ترددت...... حسيت ان الفندق قديم شوي ودام اني دافع 150 دينار في اليوم ممكن ازيدها وادلع نفسي شوي... ​

فكرت في باروس
Luxury Resort Maldives - Baros Maldives Resort & Spa
بس غلاء سعره ما شجعني تقريبا 220 دينار كويتي وقلت دام اني وصلت 220 دينار في اليوم خل ازيدها شوي وادلع نفسي....​

قلت اخذ الكونراد ولا ارد على احد
Maldives Luxury Hotels - Conrad Maldives Resort & Spa, Rangali Island Hotel
والكونراد الكل يشهد له وماعليه كلام وعزمت عليه وطلعت ليلته 270 دينار تقريبا ...... بس ترددت..... وقلت دام وصلت 270 دينار خل ازيدها شوي وادلع نفسي في مكان رومانسي مافيه ازعاج ​

فكرت في الفور سيزن الجديد
Four Seasons Resort Maldives at Landaa Giraavaru: A Luxury Resort in Maldives
وعزمت بس كان تقريبا 330 دينار كويتي في الليله للفيلا المائيه ...... وترددت ..... قلت دام وصلت 330 في الليله ليش ما اقص الحق من نفسي واجيب الذيب من ذيله​

واقول حق نفسي ياولد ليش ما تكشخ وتشوف الدبليو
W Hotels North Ari Atoll: W Retreat & Spa - Maldives - Hotel Rooms at whotels
وتكون سفره الاحلام وعزمت وشفت في السفريات سعره وشفت في السايتات بوكينغ واقودا وراسلت الفندق وعطوني الليله 470 دينار كويتي .... ومن يوم ما انا عزمت على الدبليو وانا نفسيتي تعبانه:5zcrt: ومالي خلق احد يكلمني والكل يسألني شفيك ..... صراحه من حر ما فيني يعني بالعقل ادفع 1700 دولار امريكي في الليله على فندق!!!.... حرام:5zcrt:​

مادري من وين طلع جدامي فندق شانغريلا ومن عادتي اشوف اول شي اذا احد من الزملاء كاتب عنه واذا مافي اشوف هالاجانب شيقولون:5x6ut: وشفت في موقع تريب ادفيسور بس ما شجعني تقييمهم
Shangri-La's Villingili Resort and Spa Maldives (Addu Atoll) - Resort Reviews - TripAdvisor
هذا رابط الموقع وتقييم الفندق وكان تقييمه اربع من خمس نجوم بس لما قريت تعليقاتهم شفت انا اغلب الي معطينه تقييم نازل الي كان ساكن اسبوعين ويقول ان المطاعم اكلها ممل ( يعني اسبوعين في جزيره وماتبي تمل من المطاعم ) ناس مادري شلون والله واغلب التعليقات كانت عن المطاعم وبعدها عن مطار ماليه​

كان سعر الفندق في اقودا 170 دينار في الليله للوتر فيلا ( 480 دولار امريكي نفس ماهو مكتوب في الويب سايت )​

والله و اتوكل على الله وحجزت وميزه موقع اقودا بعد انهم يعطونك جزء من المبلغ الي حجزت فيه مثل رصيد عندهم ويسونلك خصم في اي مره تحجز عقب عن طريقهم​

يعني انا حجزت اربع ليالي والتاكس وفلوس المواصلات الي المنتجع المجموع كان 2900 دولار عطوني 150 دولار خصم اي مره ثانيه احجز عندهم وهذا شي جيد​

ونصيحتي للي يبي يحجز للمالديف ان يشوف كذا مكان ويقارن السعر واقتراحي عليه كالتالي​

1- مكتب سفريات​

2- موقع الفندق نفسه​

3-مراسله الفندق نفسه وسؤالهم اذا ممكن خصم او اي عرض ​

4- مواقع السفر خصوصا​

اغودا و اسيا ترافل اتوقع هالموقعين من افضل المواقع لفنادق المالديف
Blocked content موقع اقودا
Asia Travel Hotels Resorts Air Ticketing Tours Packages Reservation
وبعدها يقارن كل سعر فيهم ويختار الارخص وصدقوني راح تلقون فرق كبير في السعر​

مثال انا حجزت الليله 480 دولار عن طريق اقودا لكن عن طريق موقع الفندق كان 1200 دولار مادري ليش الفرق الكبير.......
وهذي قصتي مع بدايه الحجز والدوخه الي صارت لين ما حجزت وترقبوني في التكمله وراح اشرح فيها المواصلات الي الفندق​

وهذي عينه من الصور للتشويق​

​

تم الوصول الي مطار ماليه في تمام الساعه الثامنه صباحا تقريبا وعند الخروج وجدنا موظفين فندق شانغريلا في انتظارنا واخذونا الي صاله الانتظار للمطار الداخلي ....
للانتقال الي جزيره قان والتي تبعد ساعه وربع عن مطار المالديف بالطيران الداخلي ( اول مره ادري ان في مطارات داخليه في المالديف )

اكتشفنا ان هناك تقريبا 4 او 5 مطارات داخليه صغيره ( مطار قان يستقبل طائرات مباشره من سريلانكا وبعض الدول )

وهناك خطوط طيران محليه MALDIVEAN AIR وهي التي كانت رحلتنا عليها واقرب رحله كانت الي قان في تمام الساعه 11:30 وهذا ابرز عيوب فندق شانغريلا حيث لا يوفر التاكسي الجوي

, والله وانتظرنا 3 ساعات مع ان قاعه الانتظار كانت راقيه الا ان الرطوبه وضيق المكان سبب تملل ....

المهم طافت هال 3 ساعات وركبنا الطياره وبعد ساعه وربع وصلنا مطار قان ولكن قبل هبوطنا تم تسليمنا شهادات

من قبل طاقم الطائره تفيد بأننا عبرنا خط الاستواء .


وهناك استقبلنا افراد اخرين من الفندق و ركبونا في الباص لمده 10 دقائق تقريبا الي ميناء صغير وهناك وجدنا القارب السريع ( السبيد بوت ) وركبنا فيه لمده عشر دقائق اخرى واخـــــــــــــــــــــــــــــــــــــــــيرا وصلنا شانغريلا.....
واضح اول العيوب هو بعد المنتجع يعني بختصار

من الكويت - دبي ساعه ونص

الانتظار في دبي ساعتين

دبي - ماليه 4 ساعات

الانتظار في ماليه 3 ساعات

ماليه - قان ساعه وربع

قان - المنتجع نصف ساعه​

ناهيك عن التعب في التنقلات من مكان الي مكان
ولكن بمجرد وصولك تنسى كل شي ...........
اتركم مع الصور

هوت دوغ رائع في مطار الامارات

​

رحلتنا قربت اخيرا من ماليه الي قان

​

مناظر من الطائره من ماليه الي قان

​

​

​

قربنا من مطار قان

​

​

 

[بسملة]

رد: فندق شانغريلا المالديف بالصور2013

خريطه توضح مكان جزيره قان وهي في اقصى الجنوب وهي الوحيده من جزر المالديف تحت خط الاستواء

منظر من القارب المتجه الي المنتجع والفلل المائيه تلوح من بعيد
















هذا الاستقبال




وهذا منظر الفيلا المائيه وكيف كان تجهيزهم للفيلا ( لاحظ تجهيزهم للمصحف والسجاده دليل اهمتمامهم بدراسه كل نزيل عندهم ومعرفه اشياء دقيقه عنه )​

​

​

وكيك هديه وبوكيه ورد​

​

بعد الراحه حان وقت الغداء ​

​

حياكم ​

​

​

​

​

 

[شيرينة]

رد: فندق شانغريلا المالديف بالصور2013

رؤؤؤؤؤؤؤؤؤؤؤؤؤؤؤعة وفعلا شهادة عبور المسافرين خط الاستواء جدا رائعة حبيتها لما كنت هناك