رحلتى الى امريكا بالصور
2013
رحلتى الى امريكا بالصور 2013
رحلتى الى امريكا بالصور 2013
رحلتى الى امريكا بالصور
2013
الميزانية
خط السير
وبحمد الله وصلنا الفندق بالسلامة وعلى طوووول كملنا اجراءات الدخول وسألنا تبون نخصم من الفيزا والا بتدفع كاش؟؟ انا عن نفسي دفعت له كاش وعلى طوووول عالفراش ونووووووم
2013
رحلتى الى امريكا بالصور 2013
رحلتى الى امريكا بالصور 2013
رحلتى الى امريكا بالصور
2013
5 ايام نيويورك و 13 يوم اورلاندو
الميزانية
20000 ريال = 5334 دولار (شامل جميع الحجوزات والتماشي ولا يشمل تذاكر الطيران) تزيد الميزانية بزيادة عدد الاشخاص.
المصروف اليومي
60 دولار إلى 70 دولار
العدد: انا وزوجتى فقط
خط السير
الذهاب 16 ساعة (البحرين – لندن - نيويورك) طيران الخليج = 1201.80 $ = 4543 ريال
ملاحظة/ ضروري قص البوردينغ عن طريق الموقع قبل الرحلة بـ 24 ساعة وحجز المقاعد الحلوة قبل الزحمة عن طريق الدخول لموقع الطيران واختيار Manage My Booking
العودة 18 ساعة (اورلاندو – واشنطن - البحرين) خطوط UNITED = 676 دينار بحريني = 6760 ريال
حجز 2 مقاعد على نفس الخطوط = 42 $ = 159 ريال
الطيران الداخلي
على خطوط JETBLUE إلى أورلاندو ساعتين ونص 2 مقاعد = 253.80 $ = 960 ريال – مهم جداً الحجز قبل السفر باسبوعين على الأقل لأن الأسعار تزيد ويسمح بشنطة واحدة مجاناً لكل مسافر و اليكم طريقة حجز الطيران الداخلي عن طريق شركة JETBLUE:
الدخول على موقع الشركة وتحديد التاريخ والوجهه ذهاب فقط او ذهاب وعودة بحسب جدول الرحلة
تحديد الوقت والسعر يظهر بالزاوية لعدد شخصين
تعبئة بيانات المسافرين بنفس معلومات الجواز
اختيار المقاعد محددة باللون البرتقالي
بعد الدفع عن طريق فيزا تسوق الراجحي تطلع لك شاشة التاكيد ويرسلون لك ايميل تاكيد الحجز اطبعة وخله عندك
حجز السيارة
ضروووووووووووووووووووري تحجز سيارة لأورلاندو فقط مهمة جداً جداً وقبل ما احجز السيارة شيكت على الشركات اللي لهم مكتب بمطار اورلاندو الدولي MCO وهي :
وهذي الشركات اللي مالهم مكتب بمطار اورلاندو الدولي MCO
النسبة لحجز السيارة كان عن طريق موقع CARRENTALS وهو موقع ممتاز يعطيك ارخص حجوزات سيارات لجميع الشركات تقريباً وانا حجزت السيارة لأورلاندو فقط لأن نيويورك مايبيلها سيارة ابد كل شي جنبك بس يبيلها قوة مشي
واخترت شركة DOLLARيالله اوريكم كيف حجزت السيارة:
الدخول لموقع CARRENTALSوتحديد التاريخ والوقت والمكان
بتطلع لك لسته طويييله اختار السيارة والسعر اللي تبي وجنبها اسم الشركة ولا تنسى تختار الشركات اللي موجودة بالمطار
عبي بياناتك كاملة
بيطلع لك سعر الايجار لازم تختار YES في الخانة اللي تخص التأمين وبينضاف سعر التأمين وبعدين عبي بيانات الفيزا
ملاحظة/ مبلغ التأمين بيخصم مباشرة ومبلغ اجار السيارة بتدفعة عن طريق الفيزا لما تستلم السيارة علماً بأن فيزا تسوق الراجحي مقبولة في امريكا بدون مشاكل عن تجربة شخصية لكن بشرط تكون من النوع اللي الأرقام تكون محفورة بالبطاقة
حجز الفنادق
نيويورك
4 ليالي 5 ايام 878 $ غير شامل الضرائب والإجمالي = 1021 $.
Metro Apartments
4 ليالي 5 ايام 878 $ غير شامل الضرائب والإجمالي = 1021 $.
Metro Apartments
تحديد التاريخ وعدد الأيام ونوع الغرفة مع ملاحظة الشروط المحددة بالأحمر, احنا اخترنا ستوديو علشان نطبخ لنا اكل او اي شي خفيف لو جعنا بالليل
تعبئة البيانات كاملة مع معلومات الفيزا علماً بأنهم ماخصمو ولا ريال الا لما وصلت دفعت لهم كاش بالدولار ارخص من اني اخليهم يخصمونها من الفيزا لأن فرق الصرف بيكون اكثر
اورلاندو
5 ليالي 6 ايام 291.80 $ غير شامل الضرائب والإجمالي = 345 $
Travelodge Suites East Gate Orange
Travelodge Suites East Gate Orange
اورلاندو 7 ليالي 8 ايام 392 $ غير شامل الضرائب والإجمالي = 441 $
Super 8 - Orlando International Drive North
Super 8 - Orlando International Drive North
نيويورك
هبطنا والحمد لله في مطار نيويورك JFK ورحنا استلمنا شناطنا وأكيد أي واحد بيوصل نيويورك لأول مرة بيفكر على طول انه يأخذ تكسي صح؟ لا يبوي انا دخلت النت وفرفرت وقريت تقارير الأعضاء ولقيت لكم طريقة توصلون فيها الفندق بسعر رخيص وسريع مهما كان عدد شناطكم وهو عن طريق شركة اسمهاNYC Airporter
الشركة عبارة عن باصات كبيرة وواسعة كل نص ساعة باص وتوصل المسافرين من المطار الى منهاتن وسط نيويورك بمبلغ حلو ورخيص للشخص 16 $ فقط والتكسي ممكن يكلفك من 120 دولار الى 150 دولار وهذا موقعهم بالنت وتقدر تحجز عن طريق النت بعد ماتدخل موقعهم تحدد وجهه وحدة او اكثر ويفضل تختار One Way
الشركة عبارة عن باصات كبيرة وواسعة كل نص ساعة باص وتوصل المسافرين من المطار الى منهاتن وسط نيويورك بمبلغ حلو ورخيص للشخص 16 $ فقط والتكسي ممكن يكلفك من 120 دولار الى 150 دولار وهذا موقعهم بالنت وتقدر تحجز عن طريق النت بعد ماتدخل موقعهم تحدد وجهه وحدة او اكثر ويفضل تختار One Way
عبي بياناتك وبيانات الفيزا وعلى طول بيتم الحجز
لكن انا حبيت اعطيهم كاش احسن من الفيزا علشان فرق الصرف عالي شوي وعلى طول اول ماطلعنا من البوابة هذي
سألت عنهم ولقيتهم قدام البوابة مباشرة وعلى طول رحت وخذيت تذكرة لشخصين بـ 32 دولار $
بعدين انتظرنا هنا لين يوصل الباص ومثل ماقلت لكم كل نص ساعة باص
وبعد انتظار 10 دقايق تقريباً وصل الباص الجميل والسواق حمل شناطنا ورى وانطلقنا الى منهاتن وسط نيويورك
بالطريق في محطة تحصيل رسوم من السيارات والتكاسي وعادة التكسي يدفعها ويشرجها عليك لما توصل لكن مع هذا الباص الدفع عليهم انت ماعليك الا انك تركب ويوصلك
ملاحظة/ أول ماتوصل محطة الوقوف على طول قولهم انك تبغى التوصيل المجاني للمطار ويسمونة Free Shuttle وهو عبارة عن باص صغير أو فان صغير تابع للشركة مريح وحليو تعطيه عنوان الفندق وهو يوصلك الين عنده مجاناً بشرط يكون في Times Square و Mid Town Hotels من شارع 23 إلى شارع 63وهذي الحدود كاااافية وتغطي اكثر الفنادق
ملاحظة 2 / جيب لسواق الباص الكبير بقشيش دولار او اكثر او اقل بكيفك او اذا ماتبي تعطيه عادي ونفس الشي للباص الصغير
نسيت اقولكم ان الباص الكبير والصغير فيهم واي فاي مجاني ومنافذ للشواحن
وبحمد الله وصلنا الفندق بالسلامة وعلى طوووول كملنا اجراءات الدخول وسألنا تبون نخصم من الفيزا والا بتدفع كاش؟؟ انا عن نفسي دفعت له كاش وعلى طوووول عالفراش ونووووووم
