تقرير رائع عن رحلتى الى سنغافورة صور جميلة جدا

[loolaa]

تقرير رائع عن رحلتى الى سنغافورة صور جميلة جدا

سافرنا على الخطوط السنغافورية وكانت روعة ونظافة واهتمام وهبوط أروع بفضل الله تعالى

وهذه الصوره لما كنا بالطيارة
كويت – ابوظبي – سنغافورة

وهذه الصورة لما كنا بالجو ، شوفو منظر الغيوم

وهذه صورة عند مطار سنغافورة الجو كان روووووووووووووعه

هذه صور مطار سنغافورة ، مطاره شكبرة يجيب العافية

هذه صور جناط السفر حقي وحق زوجي ( الله يحفظه )

قعدنا في سنغافورة 4 أيام ، وطبعا كافي عليها لانها دوله صغيرة

سكنت في فندق اسمه مندرين ، بصراحة فندق راقي ونظيف وهذه صورته بالنهار والليل

وهو قريب عند شارع ( اورشارد رود ) وهو اهم وأكبر شارع في سنغافورة
وهذه صور الشارع بالنهار والليل

في سنغافورة تشوفون الحي الهندي little India وفي سوق مهم في هذا الحي اسمه مصطفى سنتر بس ماعجبني من كثر الزحمة

وهناك مجمع أسمه suntec city

تروحون له عشان تحجزون رحلة البطه من هذا المكان ducktours

وهي عبارة عن سياره تشبه البطه تمشي فيكم من المجمع ثم تعبر النهر وتفر فيكم سنغافورة
وتشوفون هذه الاماكن من خلالها وطبعا اللي يشرح لنا القايد

وفي سنغافورة قرية الثلج snow city بس صغيرونه وفيها ألعاب وأماكن للتصوير

مكان حلو في سنغافورة أسمه نايت سفاري يفتح الساعة 7 مساءاً ، وهناك تشوفون عروض الهنود الحمر ، وأسواق صغيرة تبيع كل شي مرسوم عليه الحيوانات من ملابس وأدوات مدرسية وألعاب ومجسمات.. إلخ

وبعد فيها مطاعم مشويات وفي بعد رحله حلوه داخل باص تقريبا لمشاهدة الحيوانات بالليل وطبعاً القايد يشرح لنا

وشوفوا شوارعهم شلون نظيفة

واحلى شي في سنغافورة لما تسمع صوت الأذان تحسون براحة مو طبيعية ( سبحان الله )

وثاني يوم الصبح تريقنا

ورحنا حديقة اسمها hort park فيها اماكن ومساحات خضراء وسيعة للي يحب يمارس هواية المشي ، والشي الاحلى فيها جسور معلقة ومرتفعة وتشوفون الطبيعة والاشجار من تحتكم

واهم مايميز سنغافورة جزيرة سنتوسا

وترحون لهذة الجزيرة عن طريق مجمع vivo city عشان تقصون تذاكر الجزيرة من هناك

وركبنا sky train

وداخل الجزيرة في اماكن حلوة وكثيرة وتجولون فيها بلاش وفري داخل الباصات الملونه البرتقالي والازرق .. إلخ

ومن هذه الاماكن عالم ما تحت الماء underwater world

وعرض الدلافين

وأحلى شي التلفريك

وفي السيارات المنزلقة بس ما صورناهم وحديقة الفراشات وحديقة الحشرات
والسينما الثلاثية الابعاد والرباعية الابعاد روعة روعة حيـــــــــل بس حسافه ما صورناهم والافلام فيها تعيشكم بجو مو طبيعي
وسلامتكم وتسلمون
وهذه هي سنغافورة بين ايديكم

 

[العميد85]

رد: تقرير رائع عن رحلتى الى سنغافورة صور جميلة جدا

ما شاء الله تبارك الرحمن