سفرتي لتايلاند . ( بوكيت . بانكوك ) صور رائعة

[مصراويه]

سفرتي لتايلاند . ( بوكيت . بانكوك ) صور رائعة

سفرتى على الخطوط الجويه الكويتيه .. من اهم مميزات الطيران ..
انها دايركت .
وحجزت التذكره قبل السفره بشهرين وطلعت علينا 170 الشخص .
مده الرحله 6 ساعات بالضبط دايركت وطارت الساعه 11و 50 دقيقه بليل .. وتأخير ساعه كامله وهذي الميزه الثانيه

موعد الوصول لبانكوك 10 و 50 دقيقه صباحا فرق 4 ساعات بالوقت عن الكويت



قسمت الايام .. 6 ليالي بوكيت و 4 ليالي بانكوك ..


اول 3 ليالي ( 4 ايام ) فندق اوكسجين ( Tow villas holiday ) بوكيت شاطئ بانغ تاو
ميزة هالشاطئ هدوووء وشوي بعيد عن باتونغ بيتش واهو معروف شاطئ المسلمين
وتسمون اذان بكل الصلاة ..
نظام الفندق فلل ماعندهم غرف . الفيلا دورين مع حمام سباحه خاص وحديقه صغيره ..
الدور الاول صاله ومطبخ مفتوح على الصاله وحمام .. وحمام سباحه بالهواء الطلق مع حديقه
والدور الثاني غرفه ماستر مع حمام وبلكونه .
الحمام السباحه غير مكشوف للجيران تاخذون راحتكم .
الفندق غالي ومرات يسون عرض .
نظام الافطار تحددين لهم وقت ويجون البيت يسونه لكم .. صج رااقي ..


3 ليالي طلعت علي 150 دينار كويتي مع الافطار ( كان وقتها عرض ) صج يابلاش ..
وبدون عرض 3 ليالي 910 دينار شفتو الفرق

هالفندق من سكناه ماطلعنا رحلات بس تمشي خفيف في الجزيره ونرجع للفندق علشان الهدوء والراحه ..


ثاني 3 ليالي ( 4 ايام ) في شاطئ باتونغ بيتش بوكيت فندق بانمان بوري فندق اقتصادي
وبوسط السوق ويم مجمع جايسلون وقريب من الشاطئ ماتحتاجين تاكسي .
اخذناه لانه رخيص ونظيف ولكن شوي قديم نطلع من الصبح ومانرجع له الا فتره النوم ..
الليله 22 دينار غرفه ديلوكس مع بلكونه .
3 ليالي 66 دينار مع الافطار


4 ليالي (5 ايام ) بانكوك فندق فور سيزون فندق راقي 5 نجوم 4 ليالي ب 290 دينار مع الافطار
غرفه سوبيريور مع الافطار .
البايخ فيه ماتقدرين تاخذين تاكسي من برا لازم من الفندق احتكار وحده غالي مشوار قريب ب 700 بات ..
صرنا نطلع مع زوجي نتمشى الى برا الفندق وبعدها ناخذ تاكسي وبالرجعه يوقفونه برا وياخذونه بتوكتك الى باب الفندق ..
هديه مع الحجز سبا لمده ساعه مساج ريلاكس رووووعه وبالاصل سعر الساعه عندهم 1500 بات حدهم مبالغين ..

بانكوك للتسوق حرام تسكنون فندق راقي وبالاخير ماتقعدين فيه ..لو علي ماحجزته ..


بس رفيج زوجي معرس وحجزه مع زوجته لشهر العسل وحملت المرا وتعبت وكنسلو السفره وباع لزوجي الحجز بنص السعر ورفيج زوجي نفس اسم زوجي
وزوجي عدل تاريخ الحجز بدون رسوم ..
تقريبا عطاه زوجي على الحجز 150 دينار ورضى الحبيب الحمدلله ..
وموقع الفندق بالوسط بين شارع العرب والسنترا .. بس لازم تاكسي ..





الميزانيه بالتفصيل ..


340 دينار تذكرتين على الكويتيه


160 دينار تذكرتين طيران التايلندي الى بوكيت درجه الاعمال


الفندق الاول 150 دينار الفندق الثاني 66 دينار والفندق الثالث ماني ذاكره سعره الاصلي بذكر اللى دفعته للريال 150 دينار لانه باع الحجز بهالسعر
مجموع الفنادق 366 دينار ..


المصروف اليومي 900 دينار



تكلفه الرحله كامله 1800 دينار وحدها راهيه حتى بالتسوق
شريت السوق كله انا وزوجي وغير هدايا خواتي وامي
وولدي ..
الحمدلله ..​

 

[مصراويه]

رد: سفرتي لتايلاند . ( بوكيت . بانكوك ) صور رائعة

صور الطياره الكويتيه منوعه بين صور الذهاب وصور الاياب طوفو هههههههههههه

​

​

المقاعد حجزتهم من النت واخترت المكان ..

واخيرا التلفزيون شغال ..

اهنيه وقف قلبي ما احب الطياره ..

​

 

[مصراويه]

رد: سفرتي لتايلاند . ( بوكيت . بانكوك ) صور رائعة

التلفزيون شغال على برامج على كيفهم ما اقدر اتحكم فيه .. وتلفزيون زوجي خربان

واحلى وقت عندي بالطياره اذا طفو الليتات ..

هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 800x597 و مساحتها 76كيلوبايت.

بدينا نوصل وكنت احاتي بقلبي سالفه الفيضان .. لان زوجي قال بنكنسل وزعلت وقلت امش وتوكل على الله .. يوم قربنا نوصل حسيت بخوف مو طبيعي خفت الدنيا غرقانه ..

وقبل لانوصل اشوف الفيضان لاعب في بانكوك لعب وكلها غرقانه طبعا قصدي حدودها الاماكن الفقيره فيها ...
ويوم شاف زوجي ماخلا كلمه ماقالها لي والناس تسمع صج فشله

وخنقتني العبره ..

وقلت له الطياره متروسه ويعني وين بيروحون هالناس ..
حس انه زفني وتأسف ..

ووصلنا بانكوك الساعه 11 وشي الظهر متأخره الطياره طبعا ..

المطار زحمه بشكل مو متوقع والكونترات زحمه .. لقيت كونتر فاضي مكتوب للعجائز والحوامل
والعوائل اللى لديهم اطفال ..

تصنعت اني حامل وبرزت بطني وقعدت امشي شوي شوي وخلت زوجي بالدور ورحت للكونتر
اسمعه يناديني اعرفه يقعد الى باجر ماعنده مانع لكن انا تعبانه علشان جذي ماشاورته رحت وخليته
يبيني يلحقني

.. وقفت على الكونتر سألني ليش جايه اهني " طبعا بالانجليزي " قلت له حامل وتعبانه قالي جم شهر قلت له 3 شهور ..
وقالي بروحج جايه قلت له لا مع زوجي وناديته " تذاكرنا انا وزوجي بروح مو مع بعض "

وختمنا جوازاتنا قبل مئات من الناس ويوم طلعنا قلت له هاه اشرايك فيني

قالي عجيييييييييييييييبه فكيتيني من انتظار وطابور شكبره ..



واخذنا اجناطنا وعلى طول الدور الثالث ..

الساعه صارت بالضبط 12 وفريت جميع الطيران الداخلي بي اروح الى جزيره بوكيت قالولي كلهم فل مافيه الا باجر حدي مستغرفه اول مره جذي الكل يقولي لاتحجزين من النت احجزي من اهناك ارخص وكل ساعه طياره ..

لكن اليوم الجمعه علشان جذي زحممممممممممممممممه والعرب واااايد وماكو طيارات الا باجر
او درجه الاعمال على التايلنديه ..

قلنا اوكي ورحنا حجزنا على التايلنديه وارخص تذكره اهي رجال الاعمال والدرجه الاولى نفس الشي .. وقالو الساعه 7 بليل طير .. ضاق خلقي بعد 7 ساعات من الحين شبسوي واحنا بروحنا سهارى وتعبانين ..
قلت ابي طياره بسرعه قالت في الساعه 2 الظهر والشخص درجه الاعمال 150 دينار
وفي الساعه 4 قيمتها الشخص درجه الاعمال 130 وهكذا ......

اخذنا الساعه 7 وشي وسعر الشخص درجه الاعمال 80 دينار تقريبا ...
قبل لانروح السوق الحره طلعنا برا زوجي بيدخن

وبعدها رحنا نتمشى بالسوق الحره ..

تغدينا بماكدونالدز " الاكل حلال " ومكتوب عليه بعد ..

ورحنا اخذنا كراسي صاده شوي عن الناس ونمت بسابع نومه من التعب ...

قرب موعد الطياره وقعدنا واستعدنا الى طيررررررررررران التايلندي روووووعه شويه عليه ..

وهذي طيارتنا .. وااااااااي وناسه الى بوووووووووكيت ..

هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 797x508.

وهذي كراسينا درجه الاعمال ...

مدة الرحله ساعه و 10 دقايق

 

[مصراويه]

رد: سفرتي لتايلاند . ( بوكيت . بانكوك ) صور رائعة

الحمدلله طارة الطياره وكانت سهالات .. ووزعو علينا وجبات تهبل .... والقهوه وكيك ..
ياليت مكاني بهالكرسي المريح هذا من الكويت الى بانكوك المسافه طويله وحده مريييييييييح ..
واااااااااااااي مره ثانيه ما ابي الا درجه الاعمال ..

صور متفرقه من الجو بانكوك الى بوكيت ..

بدينا نوصل الحمدلله ..

رووووووووووووووووووعه من فوووق

 

[مصراويه]

رد: سفرتي لتايلاند . ( بوكيت . بانكوك ) صور رائعة

الحمدلله وصلنا مطار بوكيت بخير وسلام

استلمنا اجناطنا ...

صج نسينا التعب من وصلنا بوكيت ..
واخذنا تاكسي الى شاطئ الباتنغ تاو وكلف علينا 550 بات ..تاكسي المطار ..

وهذي خريطه لبوكيت توضح اهم الشواطئ اللى فيها

 

[مصراويه]

رد: سفرتي لتايلاند . ( بوكيت . بانكوك ) صور رائعة

عدناااااااااا بعد ما اخذنا تاكسي من المطار الى شاطئ البانغ تاو للفندق اوكسجين .. رووووعه شويه عليه ..



ودي ارجع بوكيت والسبه هالفندق ...



وصلنا للفندق بليل .. وهذا صوره المنتجع من برا ..

وكان خدمتهم واستقبالهم لنا حااار ماشاء الله كأننا امراء

وعطونا تلفون للضروره ..

وبعدها رحنا للفيلا وهذي صورها ..

وهذا الحمام السباحه ..

وهذا المطبخ مفتوح عالصاله ..

 

[مصراويه]

رد: سفرتي لتايلاند . ( بوكيت . بانكوك ) صور رائعة

هذا الدرج الى فوق .. واااااااااااااااو روعه اذا طفيت كل ليتات الفيلا وخليت ليت الدرج رووعه

الدور الثاني غرفه ماستر وفيها كل شي ...

وهذي البلكونه ..

الحمام مكشوف على الغرفه .. حده راقي ..

البانيو نازل بالارض ..

وهذي البلكونه ..

الحمام السباحه من البلكونه

هذي القعده اقبال الحمام السباحه ..

 

[مصراويه]

رد: سفرتي لتايلاند . ( بوكيت . بانكوك ) صور رائعة

طبعا قمت الصبح وكنت محدده وقت الريوق على الساعه 9 .. ونزلت تحت 9 ونص والا القى حاطين الريوق بطاوله الطعااااااااااااااام ... واااااااااااااو حده فاجأوني ... " طبعا الاكل حلال " لان الفندق بشاطئ البانغ تاو حي المسلمين ...

وكل يوم يحطون بالثلاجه 4 ماي مجانا ..

ةهذي صووور الفيلا الدور الارضي ..

شرايكم بالقعده ..

 

[مصراويه]

رد: سفرتي لتايلاند . ( بوكيت . بانكوك ) صور رائعة

صور الفيلاااا ..

بعد ماقعدت الصبح قررنا انا وزوجي مانطلع اليوم رحنا السوبر ماركت شرينا ككاو عصير وهالسوالف ..
ورجعنا نقضي باقي اليوم في الفيلا بحمام السباحه ..


انا كنت ماخذه افلام شغلناها وقعدنا برااااحه ..


وهذي الصوره من القعده ..

وهذا المطبخ مجهز بالكامل ..

وهذا الدرج اللى يصعد الى فوق ..

وهذا شكل الفيلاااا مع الحمام السباحه والحديقه ..

الحمدلله الفيلا متوفر فيها كل شي من فوط اضافيه وارواب ونعال وكل شي ...​

 

[مصراويه]

رد: سفرتي لتايلاند . ( بوكيت . بانكوك ) صور رائعة

وهذا الحمام السباحه .. كبيييييييييييير ورووووووووووووعه والعمق مستوى واحد تقريبا
الارتفااع 170 سم ...

هذا القعده اللى قبال حمام السباحه ...

وهذي الحديقه اللى اقبال الفيلااااا ...

وهذي الصوره من الدور الثاني ..

ووهذا الصوره من الدور الثاني للجيران .. مابين شي ..

 

[مصراويه]

رد: سفرتي لتايلاند . ( بوكيت . بانكوك ) صور رائعة

هذا باب الفيلا من الداخل ..

هذا باب الفيلا من برااا

هذي حديقه المنتجع ...

طلبنا غدا من الفندق ..