رحلتى الى زيورخ _ انترلاكن_ فلاخو النمسا ( صور رائعة)

[مصراويه]

رحلتى الى [FONT=Times New Roman (Arabic)]زيورخ _ انترلاكن_ فلاخو النمسا ( صور رائعة)[/FONT]


[FONT=Times New Roman (Arabic)]بدت الجبال والبحيرات والانهار وشلالات[/FONT]
[FONT=Times New Roman (Arabic)]والله سويسرا جنه الله في الدنيا .. سبحان الله ..[/FONT]

[FONT=Times New Roman (Arabic)]مقتطفات من زيورخ [/FONT]
[FONT=Times New Roman (Arabic)]حلووه للي يحب سوق وتمشي .. انا عن نفسي ما اعجبتني كلش لاني احب الارياف[/FONT]
[FONT=Times New Roman (Arabic)]واحب الهدوء ومالي بالتسوق الا اخر الرحله [/FONT]​

[FONT=Times New Roman (Arabic)]بحيره زيورخ المشهوره[/FONT]​

​

​

​

​

​

​

​

وقتها شمس وحسيت بحر وضاق خلقي على ولدي وماشاءالله ماصار عشر دقايق
الجو تغير وصار مطر روووعه ونسمه برد خفيفه تونس ..​

والوقت بدا ينفذ منا وامدانا نستكشف اكثر
ورحنا للمطار لاستقبال اهلي​

واهلي واللى وياهم ياخذون سياراتهم ويسلمونا في مطار المانيا فرانكفورت
يصير سعر زياده تقريبا 150 دينار مصارف شحن السياره ​

[FONT=Times New Roman (Arabic)]وبعدها طلعنا كلنا تقريبا 7 سيارات من زيورخ ا[/FONT][FONT=Times New Roman (Arabic)]انترلاكن تبعد اذا ماني مضيعه ساعتيين وشي[/FONT]​

[FONT=Times New Roman (Arabic)]صج صج راحه اهلي موجودين على طول سلمت خواتي ولدي وكرسيه واغراضه علشان يحوسون وياه بسياره[/FONT]

..

[FONT=Times New Roman (Arabic)]وطبعا احلى الدول اللى جيتها انترلاكن وسويسرا بطبيعتها غير لاتقولون زلمسي[/FONT]

[FONT=Times New Roman (Arabic)]اللى شافت زلمسي ماشافت انترلاكن[/FONT]
[FONT=Times New Roman (Arabic)]تخيلوو كل مكان تمشينه لازم تشوفين بحيرات وشلالات من الجبل صج روووعه[/FONT]
[FONT=Times New Roman (Arabic)]والجو وقتها خيااال ومطر خفيف وشوي باارد[/FONT]..
[FONT=Times New Roman (Arabic)]قعدت فيها 7 ليالي 8 ايام مروو بلحظه من الوناسه[/FONT]​

..

[FONT=Times New Roman (Arabic)]ملاحظه اكو ناس ويانا انترلاكن ساكنين بالسنتر وكانو يتشكون من انترلاكن يقولون حر ضيقه[/FONT]

[FONT=Times New Roman (Arabic)]وفندقهم غالي والغرف ضيقه[/FONT] ..
[FONT=Times New Roman (Arabic)]لكن احنا واهلي ساكنين في بيرتن بيرغ هذا اسم شارع يكون فوق بالجبل[/FONT]
[FONT=Times New Roman (Arabic)]تطلعين من السنتر 7 كيلو وانتم تصعدون جبل قمه بالرووعه[/FONT]
[FONT=Times New Roman (Arabic)]طبعا الحياة فوق هاديه وشرحه حييل وهدوووء[/FONT]​

..​

[FONT=Times New Roman (Arabic)]لاتسكنون بالسنتر لانه زحمه وازعااج وشويه حر لانه السنتر تحت مو مرتفع[/FONT]​

صور الطريج من زيورخ الى انترلاكن ​

​

​

​

شبه وصلنا لفتات انترلاكن وتكون بعدها لوزيرن العجيبه ..

​

​

وهذي بحيره ثون انترلاكن .. الحمدلله وصلناها بخير

.. وووناسه ​

الطريق من انترلاكن الى بيرتنبيرغ​

اولا : فندق دورنت"Hotel Dorint bluemlisalp Beatenberg "ومصنف الى 4 نجوم ونظامها شقه تتكون من غرفه وصاله مع مطبخ او نظام استوديو مع مطبخ..
ثانيا: كلف الفندق علينا 7 ليالي اخذت شقه قياسيه غرفه وصاله ومطبخ 480 دينار " 1470 فرنك "
ثالثا : حجزت عن طريق السايت مالهم ولازم يسون حجز على الفلوس كامله واول ماتسوين الشيك اوت يخيرونج بين الدفع كاش في نفس البطاقه ..
اذا اخترتي كاش يشيلون الحجز عن المبلغ بنفس الوقت ..
رابعا : الفندق موقعه على جبل " جبل جبل مو عادي "

اللي تخاف من المرتفعات لاتفكر تروحله " لكن تجربه حلووه ..
خامسا : الطريق الى بيرتنبيرغ طريق جبلي يبعد 7 كيلو الى فوق الجبل شارع واحد رايح راد وشوي ضيق وبصراحه اول مره حدي خفت وبعدها تعودت.
سادسا : في بيرتنبيرغ لازم تنزلون السنتر كل يوم لان فوق مافيه شي وحتى مافيه سوبرماركت فيه بقالات صغيره وغاليه ..
سابعا : الجو فووق خيااال وبرد وفرق عن جو السنتر ..
والجو يفرق ترا .. مرات تحت مطر وفوق مافيه شي .. ومرات فوق بردي وتحت ماياهم شي

​

بخصوص الاهل والقروب كلنا نفس الفندق ...
وابوي اخذ شقه ديلوكس كلفت عليه 540 دينار اشوي اكبر من شقتي وتكون ارضيه مع حديقه
تتكون من غرفه كبيره وصاله هم كبيره ومطبخ وحديقه مطله على بحيره ثورن .. خيييااال ..​

بخصوص المصروف صرفت فرنك سويسري افضل من اليورو بسويسرا ..
صرفت 620 دينار كويتي طلع علي 2000 فرنك بصراحه كافيه حق اسبوع بدون مشتريات وتسوق
فقط حق الديزل والاكل والسوبرماركت والسياحه والتذاكر وهالسوالف ...
غير فلوس الفندق بروح طبعا ..​

الان مع الصور ..​

​

بدينا بالصعود الى بيرتنبيرغ المناظر روووعه ​

​

​

شوفو الشارع واحد بدون خطوط وضيق ​

​

تقريبا وصلنا والشارع شوي كبر لكن هذا حده بيوت بيرتنبيرغ تونس ​

​

بيرتن بيرغ ترحب بكم ​

​

منظر من فوق الجبل وبحيره انترلاكن المشهوره ثورن شفوها واضحه​

​

الحمدلله وصلنا الفندق بعد الرعب اللى شفنااه
هذا الفندق انا صورته من الجبل اللى مقابله باليوم الثاني ..
شفو مطل الفندق روووعه على البحيره والسنتر والجبال اللى اقبالنا اهي جبال الالب​

​

 

[مصراويه]

رد: رحلتى الى زيورخ _ انترلاكن_ فلاخو النمسا_ فنيسيا ( صور رائعة)

الفندق نظيييف لكن فيه شي مو حلوو المطبخ كامل المواعين لكن مقفول عليهم اذا تبين مواعين
بايجار يومي واذا المطبخ كله باليوم 50 فرنك ..


انا طبعا قلت لها ابي الاساسيات جدر ومقله والقفاش بس اليوم ب 10 فرنك تقريبا ...
وصحوني وقلاصاتي سفري لاني ما ابي اغسل ...



الفندق فيه خدمات مثل مطاعم وكوفي وحمام سباحه وسونا وبخار وصاله رياضيه ..


وكل الغرف مسوينها تطل على البحيره والجبال ...



نجي لصور الشقه انا شقتي قياسيه .. دورين الاول مطبخ مع غرفه قعده وفيها درج حديد دائري
تنزلون تحت غرفه النوم وحمام ..
موحلووه للي عندها يهااال صج تخوف



هذي غرفه القعده حلو كبرها حق شخصين

وهذا الحديد الاسود الدرج الى تحت ويوجد غرفه النوم وحمام

ومطبخ على قدنا طبعا ..

ومنظر البلكونه ... صج خياااااال ..

وهم هذا بعد منظر البلكونه

وشقه اهلي ماخذين الديلوكس اغلى شوي لكن كبيره حيييل ورووعه وارضيه جدامهم حديقه
حلووه لكن ماصورتها


وطبعا ولدي طول رحله انترلاكن عند امي لان شقتي تخوف الدرج اخاف يطيح


وصورت حديقتهم وهذي صورها ..


الصور الباقيه ماخذتهم من فوني

وبعد هذي

وطبعا بالوقت هذا رتبت ملابسي ورحت لامي ورتبت ملابس ولدي عندهم


وطلعت مع زوجي للكوفي اللى بالفندق وطلبنا 2 كابتشينو سعر الواحد 5 فرنك يابلاااش

وهذا الشارع اقبال الفندق اهو نفسه الشارع اللى يخرع

​

 

[مصراويه]

رد: رحلتى الى زيورخ _ انترلاكن_ فلاخو النمسا_ فنيسيا ( صور رائعة)

ثاني يوم لنا بانترلاكن هو للاستكشاف المنطقه المحيطه ..


جدولي كل يوم اقعد قبل ولدي بساعه واسوي الريوق وازهب جنطه الطلعه وارتب الشقه
واسويله غدا للرحله واطلع ملابسه..


يقوم زوجي نتريق وبعدها على طول اروح لاهلي يوصلني زوجي ويروح الكوفي ينطرني
وانا بشقه اهلي البسه ولدي واضبطه يا يروح مع اهلي او معاي


ومرات طلعاتنا مع بعض ومرات بروحنا على حسب ...


قررنا باليوم هذا نروح جمعيه نشتري اغراض للشقه الجمعيه بالستر اسمها على ما اظن وناسيه " ميكروس " مبنى اسود مكتوب اسمها بالبرتقالي ..
هذي الجمعيه فيها منتجات خاصه نفس طريقه مركز سلطان فيها وتكون رخيصه حييل حييل وحييل كبيره ثلاث ادوار وفيها شرينا خطوط سويس رخيصه وحلوه ويشتغل النت ..


وبعدها تمشينا بالسنتر وقعدنا بالكوفي نشوف اللى رايح واللى راد
وقعدنا بحديقه رووعه وحييل شرحه ..


نسيت اقول لكم يوم قررنا ننزل السنتر وقفنا بالشارع اللى يودي للسنتر علشان نصور كان الجو غيم وصاير تحتنا رووووعه



بدينا ننزل السنتر .. هذي قريه بيرتن بيرغ العجيبه

اهني وقفنا احنا واهلي بنص الطريج وقررنا نصور الجو مووووو صج
شوفو الغيم نااازل
وهذي سيارتنا انا وزوجي

وهذي بعد

قربنا ننزل .. وهذي بحيره انترلاكن ثورن ..

هذي صوره قديمه عندي اعجبتني قلت بحطها لكم ...

الحمدلله وصلنا الارض ومتجهين للسنتر يبعد دقيقتين

هذ الحديقه بالسنتر .. القعد فيها تشرح الصدر

وهم هذي

وهذا الفندق فكتوريا من افخم الفنادق في انترلاكن ومكانه استراتيجي بوسط السنتر وكله مشي مايبيلج سياره و اقبال الحديقه ..

​

 

[مصراويه]

رد: رحلتى الى زيورخ _ انترلاكن_ فلاخو النمسا_ فنيسيا ( صور رائعة)

اليوم الثالث نفس كل يوم لبسنا وخلصنا ونزلنا تحت نبي نروح اوشن سي رحله حلوووه


وقعدنا تحت بالكوفي الفندق سوالف من الساعه 10 الى 12 ووناسه


وبعدها رحنا السنتر نتغدى بيتزا ايطالى طبعا يا بيتزا خضار او جبن ..


وطلعنا الى الاوشن سي تبعد نص ساعه عن سنتر انترلاكن والله تسوى العنوا لها


ولا تطوفكم ..


تفاصيل الرحله


اهي بحيره بين غابات وجبال وتروحين لها بتلفريك مو كبير حييل احسه عادي مايخرع
وتقدرين تنزلين مشي مو لازم تلفريك
اللى عندها يهال التلفريك اريح ورخيص الشخص 10 فرنك تقريبا ...
الجو كان مطر مطر والله غرقنا شرينا جاكيتات مطريه ولاتنسون جيس للعربانه اليهال مهم حييل



بنات الصور اذا كانو بالطول هذي صور من اي فوني نزلتهم علشانكم ..

صور الطريج بالسياره الى بحيره اوشن سي ...

اهني ركبنا التلفريك شوفو الجو مطر ...

وبعد ماوصلنا لقينا سياره مثل باص مفتوح تنقل السياح للبحيره لانها تبعد عن التلفريك كيلو ونص
وماحبيت اطوف المشي بالغابات روووعه
خليك امي تركب الباص مع ولدي وهم ركبوو نص العايله اللى ماله خلق يمشي وقررت انا وزوجي المشي ..

كان الغيم بينا والله يغطي بيني وبين زوجي .. الغيم هوووااا وشوي بااارد

والحمدلله ماتعبنا من الجو ووصلنا الى البحيره كان حيييل برد وفيها فندق للي يبي ينام ليله
وفيها كوفي ومطعم ..


وفيها تأجير قوارب والبحيره بين غابات وفي ناس قاعدعلى اطرف البحيره والشوي وناسه ...


وشلالات يصبون في البحيره وتقدرين تروحين للشلال بس شوي بعيد ويبيله مشي انا رفضت اروح لانه تعب ...
واهني مبين بالصوره هذي

وهذا الكوفي والمطعم موقعه استراتيجي على البحيره ...

​

 

[مصراويه]

رد: رحلتى الى زيورخ _ انترلاكن_ فلاخو النمسا_ فنيسيا ( صور رائعة)

بعد ما قعدنا بالكوفي نرتاح شوي وولدي عندي انطر امي الين تخلص من التمشي تقعد عند اولدي


لان صعب تتمشين بعربانه اليهال فيها كلها منحدرات وصخور


ماطولت امي وخليت ولدي عندها ورحت اتمشى ..



هذا الكوفي

متجهين الى البحيره اكثر الصور شخصيه

هذي اهي وهذي صوره عاديه بالنسبه لها والصور الشخصيه اكون طالعه فيها
واهني مبين الشلال

طبعا اجرنا قارب نص ساعه 10 فرنك رووعه تجربه حلوووه وتقدرين تقربين من الشلال
بس قالولنا بعدو عنه مسافه 50 متر لانه يسبب تيار ..

وهذي صوره للبحيره من الغابه

واهني تمشيت بالغابه ....​

 

[مصراويه]

رد: رحلتى الى زيورخ _ انترلاكن_ فلاخو النمسا_ فنيسيا ( صور رائعة)

يوم جديد في انترلاكن .. قررنا نرووح شلالات تروميل باخ يبعد عن السنتر 20 كيلو تقريبا
الشلال تروميل باخ تصعدون له بالاصنصير في اعلى قمه بالجبل والجو بااارد حيييل حيييل
مثل الفريزر..
اهو شلال يذوب من القمه ويمر بوسط جبال الين مايوصل الارض ويتكون نهر ...

حلووو حلووو ولايطوفكم

الشخص على ما اعتقد واللى اذكره الشخص ب 10 فرنك ..

هذا النهر اللى بنصعد الجبل ونشوفه واهو يذوب

اهني صعدنا الاصنصير دخل الجبل واللى يشتغل اهناك سويسري يعرف عربي ويرحب فينا
حييل استانسا ..

طلعنا من الاصنصير وطلعنا من الجبل علشان نصعد مشي دخل الجبل ونشوف الشلال ..

اهني بدينا ندخل الجبل ...

اهني الشلال تحت وكل ماتصعدون توصلوون الى قمه الشلال والماي يطشر عليكم وبااااارد
حيييل حييل
كلش مايصلح لليهااال حرام ماراح يتحملوون ..

صوره من الشلال ....

صورت صور واجد وكلهم شخصيه ومثل ماقلت لكم الصور الطويله من ايفوني ...

وطلعنا منه بعد ما تمشينا كله
وعند باب الخروج في كوفي قعدنا نرتاح لان الجو شوي شمس وهذا الصور من المكان

وقررنا نطلع من تروميل باخ ومرينا قريه اقبالها نشوف زحمه وعرفنا ان فيها شلال ما اعرف اسمه وشارع كله كافيهات .. وقلنا دام قريب خلينا نمره ...

الجو متقلب والحين مطر ...

واااي القريه هذي عجيييبه حسافه ما اعرف اسمها لكنها اقبال شلال تروميل باخ ريفيه درجه اولى

 

[مصراويه]

رد: رحلتى الى زيورخ _ انترلاكن_ فلاخو النمسا_ فنيسيا ( صور رائعة)

الكوفي اللى قبل شوي مريناه اللى عند ترومييل باخ طلع حيييل حييل غالي

قررنا نروح كوفي غيره واللى اهو بالقريه اقبال تروميل باخ وشارع كله كافيهات ..

وقعدت اعدل راسي بكابتشينو ..


الجو مطر مطر وقاعدين تحت المظله بالكوفي واااي بنات اكتب وماني مصدقه اني مريت هالاماكن

خوش كوفي عليه فيو مو طبيعي

هذي الفاتوره طبعا طلبنا 2 كابتشينو مع واحد شبس نتسلى فيه

بعدها قررنا نمشي الى الشلال في نفس القريه بنااات لازم تروحون انترلاكن صج صج عجيبه
شوفو هالمنظر تقولون صوره
صورت كل صورتي الطبيعه بالاي فون حسافه والا يطلعون خوش صور لو بكامرتي نيكون

هذا الشلال

 

[مصراويه]

رد: رحلتى الى زيورخ _ انترلاكن_ فلاخو النمسا_ فنيسيا ( صور رائعة)

قررنا نقعد الصبح ونروح قريه هايدي لاند " فتاة البراري " مافيه احد مايعرفها ..الباباي ماغيره اللى نطالعه .. طلعت قريه بسويسرا وحياة بنت صج ..


بنات تبعد عن انترلاكن 90 كيلو والله بعيده تقريبا ساعه ونص ...
وكان الجو شمس حررر حررر والصراحه تعبنا وتحسفت اني رحت ...
حلو اني مريته واعطيه 6 من 10 ...


وصلنا وفيها مشي مشي .. وحر ..اليوم هذا الجو اكس ...

جزء من اهل القريه ...



مشاهدة المرفق travel_photo_images_1358139338_725.png



وقالولنا امشو بالممر الصغير هذا مسافه 10 دقايق ..واااي حر حر ...

الحمدلله وصلنا مسوين قريه فيها بيت هايدي وبيتر وفريجهم كلهم ... طبعا وقتها كنت تعبانه دخلت بيت هايدي وطلعنا وبيت بيتر فوق شوي يبيله صعده وبعدها بحيره رفضت اروح قلت خلنا ننطلع



صور من بيت هايدي ..

صعدنا فوق والا نلقى هايدي وبيتر

وهذا ابوها ..

وطلعنا وقررنا نروح القريه التراثيه قريبه عند انترلاكن تبعد 20 كيلو تقريبا واعطيها 7 من 10​

 

[مصراويه]

رد: رحلتى الى زيورخ _ انترلاكن_ فلاخو النمسا_ فنيسيا ( صور رائعة)

قررنا نروح القريه التراثيه وتبعد عن انترلاكن 20 كيلو تقريبا ..


اهي قريه سويسريه قديمه خلوها متحف وفيه بيوتهم صج واغراضهم وحدائق واسطبلات
قريه صجيه من سنه 1700 ومدري جم ..
حلووو للي يحب التراث واهي حديقه كبيره كبيره .. وفيها نهر وغابات حلوووه ..


اعطيها 7 من 10 ...


هذي صور من القريه

وهذي البيوت ..

وهذي من داخل احد البيوت ..

وبعدها طلعنا من القرية التراثيه واتجهنا الى الخانق " صراحه خنقني " مو حلوو كلش
ومتعب واعطيه 1 من 10 ... الحلو فيه اللى اتذكره ويا زوجي ونضحك


اهو ممر خشبي بين جبلين وتحتكم نهر ..
المهم تمرين الممر مايل الى تحت وطوله 5 كيلو تقريبا على مانمشي حسبالنه بيخلص
مادرينا الا وصار لنا ساعه نمشي ملينا وتعبنا واثرينا للحين بنصه ..
تخيلو نمشي ونقول الحين بنخلص واااي تعبنا


تعب تعب


جذي شكله

وبعد ماخلصنا حييل استانسنا ... يوم سالنا نبي نرجع للسياره انصدمنا انها قالت تبعد 5 كيلو فوق الجبل واحنا في وادي قلنا نبي تكسي قالت مايمروون اهني وصعب
قلنا محطه باص قالت بعيده وعلى الشارع العام ...


بغيت ابجي ابجي وقالي زوجي تعالي نرتاح وبعدها نرجع الخانق .. قلت له والله تعب
قالى نرجع نفس المكان ولا ارجع على الشارع واخاف الطريج قطاع طرق اي شي


قعدنا نرتاح على النهر هذا ..

ورجعنا للخانق اصدمونا قالو سكرنا .. وقعد زوجي يقولهم ان سيارتنا بالصوب الثاني
قالو خلااااص مافيه مجال روح امش على الشارع ..


وقررنا نمشي على الشارع اول شي الشارع فوقنا وضلينا نصعد الى الشارع متنا تعب
وبعدها مشينا على الشارع والله يمكن ساعه ونص


وصلت للسياره دمعتي بعيني ... احسدوني على هالرحله


اليوم هذا يوم التعب العالمي ...


ونمت من الساعه 8 بليل من التعب ...​

 

[مصراويه]

رد: رحلتى الى زيورخ _ انترلاكن_ فلاخو النمسا_ فنيسيا ( صور رائعة)

قررنا باليوم هذا نشوف مدينه لوزيرن وبعدها نقعد بالسنتر نتمشى لان ورانا سفره الى النمسا مدينه فلاخو ..


نطلع من الفندق بعد ما نتريق وشوية سوالف ..


ومشينا الى لوزيرن تبعد 60 كيلو عن انترلاكن والصريج رووعه وكله بحيرات وشلالات ..


صراحه ذكرتني حييييل في باريس " باريس رحلت لها انا وزوجي مرافقين ابو زوجي وقعدت فيها 4 اشهر الا جم يوم هذا الكلام سنة 2007 .. لي فيها ذكريات حلوه "


ولوزيرن عجييبه جنها عاصمه اوربيه على بحيره كبيره وحلووه ومدينة سياحيه فيها مطاعم وشوبنق .. حييل حلووه



صور من الطريق ..

هذا الجسر المشهور بلوزيرن

واجرنا انا وزوجي يخت صغير ساعه كامله طلع علينا 50 يورو و 100 يورو تامين..
صج حلووو تشوفين المباني من البحيره ..

الحين الصور من ايفوني لاني مافضيت اصور بالكاميرا

وحييييل استانست .. ورجعلنا الى سنتر انترلاكن ختاميه اليوم علشان من الصبح نطلع الى فـــلاخو ​

 

[مصراويه]

رد: رحلتى الى زيورخ _ انترلاكن_ فلاخو النمسا_ فنيسيا ( صور رائعة)

قعدنا الصبح الساعه 8 ورتبت شغلي وشلنا اغراضنا بالسياره ...ورنا طريج الى فلاخو النمسا
630 كيلو تقريبا 7 ساعات ونص ..
مشينا من الفندق انترلاكن الساعه 11 الظهر بالضبط وكنا اقروب ..
الحمدلله الطريج يونس طلعنا من سويسرا ودخلنا المانيا وبعدها النمسا ..
الطريج خط سريع مايخوف وكله استراحات لاتحاتون شي والديره كلها امان..

وصلنا فلاخو النمسا الساعه 8 بليل تاخرنا بسبة الاستراحات وتغدينا وهالسوالف ..

فلاخو مدينه تبعد عن زلمسي 60 كيلو .. مدينه حلوه وهاديه .. وحلوه حق العايله والجمعه

اللى اهي ويا زوجها بروحهم ما انصح تروحون لانها شوي ممله لان هدووووء ومن الساعه 6 يفضي المكان ..

رحنا للانفرميشن قلت لهم ابي شقه استوديو .. حددتلي شقق فندقيه في وسط السنتر
حلوو كلف علي اليوم 40 يورو .. نظييف وامان وحلووو والاحلى الفيووو ..


يوم طلعنا من انترلاكن كان الجووو مطر حييل حييل ..

ماكو شغل بالطريج كله تصوير " حسافه كله بفوني "

بدينا ندخل فلااخو

وصلنا

 

[مصراويه]

رد: رحلتى الى زيورخ _ انترلاكن_ فلاخو النمسا_ فنيسيا ( صور رائعة)

وصلت الفندق بعد ماظلمت الدنيا وحسيت بخووف مو طبيعي لاني اول مره اجيها واول مره اسمع عنها

وكان الجو برا هدوووووء مو طبيعي ..


بصراحه فلاخو حلوه للجمعه والعائلة الكبيره ...

لانها هدووء وشبه خاليه من السياح .. وانصح اللى اثنين لايروح لها لانها موحشة بروحهم ..

وزلمسي تبعد عنا ساعه الا ربع ..

وفلاخو اصغر من زلمسي وتتميز بالهدوء واللى تحب الخصوصه عكس زلمسي كلها عرب ولوية ..

وفلاخو تقدرين تروحين سالسبورغ وزلمسي وميونخ وفنيسيا وكابرون وشلالات كراميل ...

وهم لها اماكنها السياحيه : في بحيره قريبه منها لكنها عجيبه وخياااال في جبل قريبه من فلاخو فيه ثلج لكن ما اعرف اسمه
وفي متزهات وزحلاقيات صيفيه ..

البرامج السياحيه تلقونها في الانفرميشن بوسط السنتر .. ويعطونج فواتشرات ببلاش بعد هذي خدمه للسياح ..

طبعا قعدت بفلاخو 9 ايام 8 ليالي ..

اليوم الاول قعدت الساعه 8 الصبح وفندقي شقق فندقيه نظيفه وفيها مطبخ مجهز وبالسرداب
فيه غساله ونشافه الاستعمال مجانا وهم موفرين صابون ومعطر وصابون سائل ..
وعندها بخار وسونا

ويم باب الشقه فيه كبت حاطين لج جميع ادوات الشقه اللى تحتاجينها
مثل كلينكس واكياس رول وصابون للمواعين وليف واسفنج وفوط قصيره
وفوط كبيره وشراشف للسرير .. حلوو الترتيب ..

برنامجي نفس كل مره لازم اقعد قبل ولدي واسوي الريوق وازهب ملابسه وارتب اللى اقدر عليه
واقعد زوجي ونلبس وبعدها نقعد ولدي واريقه والبسه ونطلع

صج تعب لكن راحه دام ولدي وياي وسفرتي طويله ..

وعلى فكره يوم عندي ويوميين عند اهلي .. الحمدلله

نجي للصور

هذي صورة غرفتي مع البلكونه وشوفوو الفيووو روووعه

فــــلاخـــــو الريف النمساوي


هذي المنظر من شقتي " كنا الدور الثالث وفيه اصنصير "

وهذي صور من الفيو ..

هذا منتزه قريب من الفندق ودينا اولدي علشان يلعب ...

وهذا شارع السنتر بعد ماطق مطر روووعه

الحمدلله اليوم الاول بفلاخو حسيت براحه ووناسه ..


على فكره قعدت في فلاخو 9 ايام جوها مو طبيعي لازم جاكيت وولدي ملبسته شتوووي
ب9 ايام مامرت الشمس علينا الا مرتيين او ثلاث والباقي يامطر او غيييم جوووها عجييييييييييب

 

[haneen1418]

رد: رحلتى الى زيورخ _ انترلاكن_ فلاخو النمسا ( صور رائعة)

ماشاء الله صور غايه في الروعه والجمال
سبحان من ابدع :27::27:

 

[ام سلطان]

رد: رحلتى الى زيورخ _ انترلاكن_ فلاخو النمسا ( صور رائعة)

صور ر من رائعه الله يهنيك حبيبتي

 

[نانا الطمووحه]

رد: رحلتى الى زيورخ _ انترلاكن_ فلاخو النمسا ( صور رائعة)

ماشاءالله صور تشرح الصدر يعطيك العافيه اختي

 

[بن عبدالله]

رد: رحلتى الى زيورخ _ انترلاكن_ فلاخو النمسا ( صور رائعة)

ما شاء الله سبحاااان الخالق

تقرير مبدع يعطيك العااافيه