اجمل رحلة الى اوروبا(المانيا،النمسا) صور رائعة جدا

[الورد البلدى]

اجمل رحلة الى اوروبا(المانيا،النمسا) صور رائعة جدا


سوف أبدأ بتقريري يمكن الكلام بيكون ممل شوي على العموم راح اقسم التقرير الى حلقات أتمنى ان أتمكن من كتابة كل يوم حلقة او حلقتين إلى أن انهي كتابة التقرير ويتكون الحلقات على حسب الايام حيث قضينا في اوروبا اسبوعين بالضبط،،

بيانات عن عدد المسافرين وتاريخ الرحلة والعودة

عدد المسافرين 7 مكونه من اب وام و5 اطفال اكبرهم تسع سنوات واصغرهم 2 سنتين الولد اكبر واحد فيهم والبقية بنات

تاريخ السفر 18 يونيو 2012 وتاريخ الرجوع 3 يوليو 2012 على الطيران الالماني

ترتيبات والحجوزات بدأت بتاريخ فبراير 2012 بالنسبة لحجز الطيران والفنادق وايضا للسيارة، التاشيرات تم اخذها من السفارة الالمانية والامور طيبه معاهم اهم شي التذاكر وحجز الفنادق وتامين السفر تجدونها في مكاتب مختلفه انا سويتها من مكتب المدينة للتامين في السيب بناية محل عطورات الحرمين الطابق الاول سعر التامين كان في حدود 30 ريال لمدة اسبوعين لي ولعائلتي الكريمة،،

كما اخبرنا اخونا العزيز العمرس في تقريره التخطيط السليم والقراءة والاطلاع على تجارب الاخرين والحجز المبكر للحصول على الاسعار الجيدة سواء لتذاكر الطيران والشقق التي سوف نقضيها في المانيا والنمسا،،،

شدوا الهمة واحزموا الشنط سوف ننطلق بعد قليل بعض الصور من حزم الشنط في المنزل

وهذا المحول مطلوب للسفر للامور الكهربائيه وشحن الهاتف او ماكينة الحلاقة او خلافه.... متواجد في كافة المحلات الكبيرة مثل مركز الجملة اللولو كارفور اي ماكس الخ....زين تاخذوا اثنين منه

وأيضا اذا تستأجروا سيارة لا بد من حصولكم على الرخصة الدولية من نادي عمان للسيارات ب 15 ريال وصالحة لمدة سنة

بعض المعلبات والماكولات الخفيفة للصغار وشبس عمان طبعا شي اساسي ومنها الجبن كما في الصورة فهناك تحتار بين ما هو حلال وحرام وايضا من باب الاحتياط ما عجبك الاكل ولا بغيت تغير وتاخذ وجبة خفيفة جبن وخبز اذكر بقى منه ورجعنا معانا عمان

وايضا كرسي الطفل خذيناه معانا حيث كان معانا اطفال فلا بد من اخذ كراسيهم فالقانون عندهم شديد ما في استهانه لهذه الامور مثل ما حاصل عندنا في بلادنا الحبيبة

معك اطفال لا بد من اخذ كراسيهم او انك تستاجر كراسي للاطفال مع حجزك للسيارة، احنا خذينا معانا الكراسي عشان الاطفال متوعدين عليهم وبعدين خفنا ما نحصل كراسي معهم

اظن يسد حال اليوم غايته الرقاد باكر دوام تصبحون على خير وباكر نستكمل انطلاقتنا من مطار مسقط الدولي الى ميونخ عن طريق الرياض إلى اللقاء ،،،




الحلقة الاولى : تاريخ 18-6-2012م ( السفر من مطار مسقط الدولي الى ميونخ بألمانيا)

بدأت الرحلة في يوم الاثنين بتاريخ 18 يونيو 2012م على الطيران الالماني lufthansa التذاكر خذيتها من موقع الطيران الالماني وكانت رخيصة جدا والحمدالله لأني أخذتها بدري، المهم كانت الرحلة الساعة 11 بالليل تقريبا وانطلقنا الى المملكة العربية السعودية حيث الترانزيت بالرياض الساعة الواحدة ليلاً لأخذ المزيد من الركاب، حيث كانت الطائرة فاضية من مسقط ونتركم بعض من الصور عند المغادرة من مطار مسقط

]

لاحظوا معي ضخامة الطائرة ما شاءالله عليها

وهذه الصور من داخل الطائرة انظروا الى المقاعد وهي فاضية

طبعا شاشات موجودة خلف كل مقعد ووسائل الترفيه موجودة وأيضا اللغة العربية موجودة من ضمن اللغات

الخدمة كانت ممتازة في الطيران الالماني، ومثال على ذلك بأنه قبل إقلاع الطائرة وصلتني رسالة في هاتفي النقال من الطيران الالماني تفيد بأن رحلتي من فرانكفورت إلى ميونخ قد إلتغت

وأنا قلت في نفسي بسم الله الرحمن الرحيم من اول الرحلة مشاكل

وكنت في قلق حقيقة على العموم تحدثت مع أحد مضيفي الطيران وقال سوف نحل مشكلتك سيدي لا تقلق، وبالفعل قبل وصولنا لمطار الرياض أفادني نفس المضيف بأنه تم الحجز لكم اوتوماتيكيا الى الرحلة التي تلي رحلتك التي الغيت من فرانكفورت الى ميونخ حيث الترانزيت كان في فرانكفورت ايضا، وفي هذه اللحظة أرتحت والحمدالله

قبل وصولنا الى مطار الرياض والرحلة استغرقت تقريبا ساعه ونصف، الطائرة كانت فاضية مثل ما خبرتكم والهدوء يعم في جميع انحاءه، وبعد الهبوط والانتظار في مطار الرياض بدأ الفوج السعودي في دخول الطائرة وما شاءالله على الشعب السعودي وأطفالهم ربشة

وأمتلئت الطائرة عن بكرة أبيها.

وبعد وقوفنا ما يقارب ساعه في مطار الرياض ومن ثم الانطلاقة الى مطار فرانكفورت الدولي واستغرقت الرحلة ما يقارب 6 ساعات، تكللها بعض المشقة والتعب لأن إبنتي الصغيرة لم تنم طوال الليل وكانت تبكي بين الحين والاخرى. (تعرفوا الصغيرين في السفر متعبين شوي

) المهم وصلنا الى مطار فرانكفورت في صباح اليوم التالي بتاريخ 19-6-2012 في حدود الساعه الثامنه. صور قبل الهبوط للطائرة في مطار فرانكفورت،

وبعدها توجهنا مباشرة الى مكتب الطيران الالماني وأخذنا بطاقات صعود الطائرة المتوجهة الى ميونخ وحيث كان هناك متسع من الوقت ما يقارب 3 ساعات حيث كانت الرحلة التي الغيت ساعتين للترانزيت، المهم كان زين وقت إضافي لنا للراحة ولل refreshment من معاناة السفر. والاطفال كانوا صاحيين ونشيطين والحمدالله ويشوفوا مختلف انواع من الطائرة التي كنا نشاهدها من شبابيك المطار.، وللعلم بأن مطار فرانكفورت كبير وفيها مشي مسافات فالواحد يخلي باله من مسألة ترانزيت وخاصة مع الاطفال

بعدها تم إستدعائنا لركوب الطائرة والمتجهة الى مطار ميونخ واستغرقت الرحلة الى ميونخ قرابة الساعة .

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

واحنا في انتظار الطائرة الثانية لميونخ، وأيضا نسيت اذكركم بأنه كان في جمارك وتفتيش في مطار فرانكفورت بس الامور كانت سهله ومريحه وما في اي تعقيدات ، السؤال ليش جاي الجواب جاي حال السياحه

وأتركم مع الصور أتمنى لكم مشاهدة طيبه ،،، الشي الي عجبني في اماكن الانتظار في مطارهم توفر الشاي والقهوة بالمجان

وأيضا الجرائد والصحف المحلية، الضيافة جاهزة وانت واصل... لاحظو خلف اميرتي الصغيرة والطاولة الي خلفها....

وهذا المكان الي كنا ننتظر فيه الطائرة الثانية لميونخ....

شلة الرحلة

في حد ناقص في الصورة

وهذا الجزء نتحدث فيه بعد الوصول الى مطار ميونخ الدولي والى منطقة جارمش والمبيت فيها لمدة 4 ليالي،،،

وصلنا الى مطار ميونخ الدولي، الرحلة استغرقت حوالي ساعه واحدة حسب الموعد المحدد، ووصلنا بحمدالله ورعايته الى مطار ميونخ الدولي وكانت الامور طيبة في المطار حيث لم يكن هناك جمارك ولا تفتيش، حتى بعض اخذ العفش والشنط، بالمناسبة كان لدينا كارتون والذي وضعت فيه كرسيين لاطفالي للسيارة ولكن لم نستلم هذا الكارتون مع المكان استلام الشنط حيث يوجد مكان اخر مخصص لاستلام الكراتين، لاننا كنا ننتظر الكارتون في نفس المكان وقد تاخر ومن ثم سالنا عنه وقالوا لنا استلام الكراتين من مكان اخر، المهم اخذنا اغراضنا وشنطنا وتوجهنا مباشرة الى مكاتب تاجير السيارات حيث تكون هذه المكاتب خارج مبنى المسافرين في مبنى اخر مقابل مبنى المسافرين،

وتوجهنا الى مكت بدجت حيث حجزنا سيارتنا من هذه الشركة، وتوجد هناك مكاتب شركات التاجير بنفس المكان لمختلف الشركات كاليوروبكار وسكست افيز الخ،، وبعد تقدم اوراق مستندات ما يفيد حجز السيارة قالوا لي سيدي هل تريد ان تدفع مبلغ تأمين اضافي لتغطية السيارة بالكامل في حالة حدوث أي شي لا سمح الله للسيارة وتدفع مقابل 20 يورو في اليوم وانا كنت متخوف شوية وقلتلهم ما مشكلة ادفع زيادة ودفعت تقريبا مال 300 يورو اضافي لتامين السيارة حيث كان تامين السيارة عند الحجز طرف ثالث فقط. وبالمناسبة انا كنت حاجز سيارة فيات هي عبارة عن باص صغير يتسع ل 8 ركاب جير عادي، ولحسن حظي السيارة الي عطونا اياها كانت بنفس المستوى واحدث بس كانت لشركة بيجوت وكانت السيارة شبه جديدة وماشية فقط 800 كم وكان جير اوتوماتيك حيث ارتحت في السواقة والحمدالله كنت متخوف شوي من جير العادي

ومن ثم استلمنا مفاتيح السيارة وتوجهنا الى مواقف السيارات حيث تذهب بنفسك للسيارة هم فقط يرشدونك اليها ولا احد ياتي معك الى المواقف، وبصراحه ما حصلت السيارة بسرعه اخذت وقت الى ما حصلتها، بس الحمدالله حصلتها بعد مساعدة احد الموظفين كان متواجد هناك والسيارة كانت كبيرة وواسعه وجدا مناسبة للعوائل الكبيرة امثالي وهذه بعض الصور للباص

صورة اخرى من الخلف

صورة من الداخل

واطفالي وهم بالداخل ومع كراسيهم

والسيارة أيضا كان بها جهاز الملاحة ساعدنا كثير والحمدالله مع انه كان عندي العم جارمن بس ما ادى دوره باكمل وجه

وهذي صور منها

وبعد ما اخذنا السيارة وركبنا الكراسي للاطفال ودخلنا الاغراض في مكان خلف الكراسي للاغراض خسارة نسيت اصورها لكم بس مكان فسيخ للاغراض اقولكم باص جدا روعه حتى جلست اقول حال المدام ليش ما يجيبوا هذه السيارة في عمان عملية كثير بس يمكن قريبا

المهم بعدها ركبنا الاطفال وثبتنا العم جارمن والاحداثيات مدخلينها من قبل لما كنا في عمان يعني الاماكن السياحية والمطاعم والشقق وكله مخزن في ذاكرة العم جارمن، ولكن الخيانه الكبيرة

العم جارمن ما طاع يشتغل وقلبي قريب يتوقف مع انه عندي جهاز الملاحة في الباص بس كل العناوين مخزنه في ذاكرة الجارمن وانا اول مرة استخدم جهاز الملاحة للسيارة ما اعرف كيف يستخدموها

والحمدالله بعد 10 دقائق اشتغل العم جارمن وانطلقنا من المطار الى وسط ميونخ في بقالة لاخذ اللحم الحلال حسب ما تم التخطيط له مسبقا هنا في عمان والحمدالله ودانا الى البقالة تقريبا اقل من ساعه وصلنا للبقالة والملحمة مع انه كانت الشوارع مزدحمة بعض الشي، واخذنا اللحم الحلال والدجاج كانوا اخوانا جزائريين يديرون الملحمة

طبعا يتساءل المشاهد، كيف اخذنا اللحم والدجاج وين خليناه بيخيس في الاكياس، الجواب احنا مرتبين من عمان اخذنا معنا كولد بوكس صغير والحمدالله فادنا كثير وحطينا فيه اللحم والدجاج وايضا طلبنا منهم ثلج وما قصروا عطونا ثلج وخليناه داخل الكولد بوكس، المقصد من شراء اللحم والدجاج من ميونخ لانه يتوفر الكثير من محلات اللحم الحلال للمسلمين، بس في منطقة جارمش صعب تحصل او ممكن ما تحصل، المهم اخذنا من البقالة الي جنب الملحمة بعض من الفواكه والخضروات والرز والزيت وبعض المعلبات والحمص وايضا يديرونها عائلة جزائرية، وطبعا انا كنت اتشرى كل هذه الحاجات والاولاد ينتظروني في السيارة كان في مواقف مقابل هذه المحلات بس مزدحمة وبصعوبه حصلت موقف تحت الارض لانه كان عندي باص وهذيك المواقف ضيقة كانت كثير بس زين ما دعمنا حد ما عليه لين ما اتعود على سواقة الباص

وايضا المواقف هناك كله بفلوس ما في شي ببيلاش

وبعد اخذ الزاد انطلقنا الى منطقة جارمش وجهتنا الاولية الى وصفلنا الاخ العزيز العمرس والشلة الاوروبية هنا في السبلة السياحه الخارجية جزاهم الله خيرا، وبعد الخروج من ميونخ وهذه بعض الصور واحنا في الخروج من ميونخ الى شقتنا في منطقة جارمش السياحية وتبعد جارمش من ميونخ حولي ساعه ونصف،

وهذه الصورة لحظة وصولنا لمنطقة جارمش

وهذه الصورة من عند موقف الشقة

الاجواء كانت طيبه ودرجة الحرارة في العشرينات وبدأنا نشاهد المناظر الجميلة في كل مكان حيث الجبال الجميلة المغطاة بالللون الاخضر والانهار الجميلة ولسان حالنا يقول سبحان الله سبحان الله سبحان الله،، اللهم نسالك جنة الاخرة أمييين

وبدأ تعب العائلة من السفر تنزاح رويدا رويدا وبدأ النشاط في وجوه الاطفال والابتسامات لرؤية هذه المناظر الجميلة،،،

وبعد الوصول الى جارمش وعند باب الشقة وصلنا العم جارمن وأيضا بمساعدة الاخ الملاح بالسيارة، بغينا نقارن كيف يشتغلوا باثنينهم سبحانه الله يمكن واحد اخترب ولا شي

المهم باثنينهم يقولولنا وصلنا الشقة بعد ما نزلت من السيارة وقلت للاولاد انتظروني شوي اشوف الجماعه واجيكم.

ذهبت لادق الجرس وانتظر حد يفتح الباب محد فتح ومرة ثانية ادق الجرس ومحد يفتح بدأ القلق فيني مرة اخرى تو مو هذي الحالة

من اولها كذا مع اني كنت متواصل مع صاحب الشقة بالايميلات وايضا اكدت له اني جاي هذا التاريخ بس في ايميل انا ما شفته قبل ما اسافر

وشفت حد من جيرانهم وقلت له تعرف صاحب البيت موجود ولا لا قالي ما اعرف صراحه المفروض يكون موجود، بعديها تذكرت عندي رقمه مسجل مع ورقة الحجز مال صاحب الشقة واتصلت فيه وما يرد عاد انا ارتفع ضغطي شوي

واقول لا يرد على تلفون ولا يفتح الباب ايش هذي المصخرة، المهم حاولت ادخل حوش البيت وجالس اشوف من بعيد باب ثاني واقول يمكن هذا الجرس خربان مال برع كما بيوتنا احنا هنا في عمان

ودخلت ترا الباب يفتح بسهولة مال حوش البيت ودخلت ومشيت شوي وشفت باب ثاني وجنبه ماعون مال ماي مال كلب

وقلت وا غيابي تو بيجي الكلب وبيعضني

بس ما شي لا صوت كلب ولا صوت اوادم المهم تقدمت عند الباب وكان في نافذه على يمين الباب وشفت محطوط جنبها ظرف ومكتوب عليها welcome Mr.Strange على قولة ابو عبادي يوم ذكر في تقريره

المهم في هذه اللحظة بدأ الابتسامه في وجهي

وكان القلق انزاح وفتحت الظرف وكان فيها المفتاح مال الشقة ومكتوب عليها رسالة اهلا وسهلا بك وشقتك فوق ساراك لاحقا في المساء، المهم الرجال مسويلي رسالة بالايميل وقايل فيه اني بسويلك ظرف واحط فيه المفتاح وكل القصه

عاد جلست اضحك على نفسي المهم ناديت الاولاد كانوا تعبانين من جلسة السيارة خلاص طفروا عاد ونزلنا الاغراض والشنط وهذه بعض الصور من للشقة من داخلها ومن خارجها هي عبارة عن بيت الطابق الارضي صاحب الشقة يعيش مع زوجته وحدهم ما عندهم اطفال والطابق الثاني ياجروه حال الناس معظم الشقق عندهم نفس النظام كذا بس فكره جميله ومكسب حالهم، وللعلم ما في رسبشن في مثل هذه الشقق لازم تكون مرتب مع صاحب الشقة متى توصل ومتى تطلع كله بالايميلات، وايضا هذه الشقق تكون نظيفه جدا انا صراحه عجبني كثير هذه الشقة وهي في سنتر جارمش وكل شي قريب من عندك، بخليكم مع الصور ،،

مدخل حوش البيت

حوش البيت

غرفة النوم للاب والام

غرفة النوم للاطفال تلاحظون في الصورة دمية طايحه عل السرير هذه الدمية الله يسلم حالكم حال اميرتي الصغيرة كل مكان تروح لازم يكون معاها هو بطريق وهي تسميه baby

الصالة وكانت واسعة وكبيره والحمدالله

الله يعزكم دورة المياه بس واحدة وهذا نظام عندهم كذا اوروبين بشكل عام في كل بيوتهم

المطبخ وايضا يوجد ثلاجة وطباخه ومواعين للطبخ وايضا غساله لغسل الملابس

واخيرا البلكونه لشقتنا

وهذا اسم وعنوان الشقة على موقع بوكنغ
https://www.booking.com/hotel/de/alpe...9b9dd9b;dcid=1

وبعد ما حطينا الاغراض وريحنا بصراحه كنا جوعانين شوي والمدام دخلت المطبخ وبدات تطبخ لنا الغدا والعشا مع بعض جزاها الله خيرا ما قصرت وطبخت لنا قبولي دجاج

مع انها كانت تعبانه وقلتلها اجيب من برع قالت لا بطبخ سريع، والحمدالله بالفعل طبخت سريع واكلنا والوقت كان يشر الى الساعه 4 ونص و5 عصرا وكان في وقت طويل لين المغرب حيث كان المغرب على ساعه 9 وربع بس كنا تعبانين شوي من السفر قلنا اليوم ما نطلع نريح وباكر ان شاءالله تعالى نتمشى وهكذا خلصت الحلقة الاولى من التقرير أتمنى عجبكم وتابعونا في الحلقة الثانية والمغامرات الى اعلى قمة في المانيا وما حولها

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

واحنا في انتظار الطائرة الثانية لميونخ، وأيضا نسيت اذكركم بأنه كان في جمارك وتفتيش في مطار فرانكفورت بس الامور كانت سهله ومريحه وما في اي تعقيدات ، السؤال ليش جاي الجواب جاي حال السياحه

وأتركم مع الصور أتمنى لكم مشاهدة طيبه ،،، الشي الي عجبني في اماكن الانتظار في مطارهم توفر الشاي والقهوة بالمجان

وأيضا الجرائد والصحف المحلية، الضيافة جاهزة وانت واصل... لاحظو خلف اميرتي الصغيرة والطاولة الي خلفها....

وهذا المكان الي كنا ننتظر فيه الطائرة الثانية لميونخ....

شلة الرحلة

في حد ناقص في الصورة

وهذا الجزء نتحدث فيه بعد الوصول الى مطار ميونخ الدولي والى منطقة جارمش والمبيت فيها لمدة 4 ليالي،،،

وصلنا الى مطار ميونخ الدولي، الرحلة استغرقت حوالي ساعه واحدة حسب الموعد المحدد، ووصلنا بحمدالله ورعايته الى مطار ميونخ الدولي وكانت الامور طيبة في المطار حيث لم يكن هناك جمارك ولا تفتيش، حتى بعض اخذ العفش والشنط، بالمناسبة كان لدينا كارتون والذي وضعت فيه كرسيين لاطفالي للسيارة ولكن لم نستلم هذا الكارتون مع المكان استلام الشنط حيث يوجد مكان اخر مخصص لاستلام الكراتين، لاننا كنا ننتظر الكارتون في نفس المكان وقد تاخر ومن ثم سالنا عنه وقالوا لنا استلام الكراتين من مكان اخر، المهم اخذنا اغراضنا وشنطنا وتوجهنا مباشرة الى مكاتب تاجير السيارات حيث تكون هذه المكاتب خارج مبنى المسافرين في مبنى اخر مقابل مبنى المسافرين،

وتوجهنا الى مكت بدجت حيث حجزنا سيارتنا من هذه الشركة، وتوجد هناك مكاتب شركات التاجير بنفس المكان لمختلف الشركات كاليوروبكار وسكست افيز الخ،، وبعد تقدم اوراق مستندات ما يفيد حجز السيارة قالوا لي سيدي هل تريد ان تدفع مبلغ تأمين اضافي لتغطية السيارة بالكامل في حالة حدوث أي شي لا سمح الله للسيارة وتدفع مقابل 20 يورو في اليوم وانا كنت متخوف شوية وقلتلهم ما مشكلة ادفع زيادة ودفعت تقريبا مال 300 يورو اضافي لتامين السيارة حيث كان تامين السيارة عند الحجز طرف ثالث فقط. وبالمناسبة انا كنت حاجز سيارة فيات هي عبارة عن باص صغير يتسع ل 8 ركاب جير عادي، ولحسن حظي السيارة الي عطونا اياها كانت بنفس المستوى واحدث بس كانت لشركة بيجوت وكانت السيارة شبه جديدة وماشية فقط 800 كم وكان جير اوتوماتيك حيث ارتحت في السواقة والحمدالله كنت متخوف شوي من جير العادي

ومن ثم استلمنا مفاتيح السيارة وتوجهنا الى مواقف السيارات حيث تذهب بنفسك للسيارة هم فقط يرشدونك اليها ولا احد ياتي معك الى المواقف، وبصراحه ما حصلت السيارة بسرعه اخذت وقت الى ما حصلتها، بس الحمدالله حصلتها بعد مساعدة احد الموظفين كان متواجد هناك والسيارة كانت كبيرة وواسعه وجدا مناسبة للعوائل الكبيرة امثالي وهذه بعض الصور للباص

صورة اخرى من الخلف

صورة من الداخل

واطفالي وهم بالداخل ومع كراسيهم

والسيارة أيضا كان بها جهاز الملاحة ساعدنا كثير والحمدالله مع انه كان عندي العم جارمن بس ما ادى دوره باكمل وجه

وهذي صور منها

وبعد ما اخذنا السيارة وركبنا الكراسي للاطفال ودخلنا الاغراض في مكان خلف الكراسي للاغراض خسارة نسيت اصورها لكم بس مكان فسيخ للاغراض اقولكم باص جدا روعه حتى جلست اقول حال المدام ليش ما يجيبوا هذه السيارة في عمان عملية كثير بس يمكن قريبا

المهم بعدها ركبنا الاطفال وثبتنا العم جارمن والاحداثيات مدخلينها من قبل لما كنا في عمان يعني الاماكن السياحية والمطاعم والشقق وكله مخزن في ذاكرة العم جارمن، ولكن الخيانه الكبيرة

العم جارمن ما طاع يشتغل وقلبي قريب يتوقف مع انه عندي جهاز الملاحة في الباص بس كل العناوين مخزنه في ذاكرة الجارمن وانا اول مرة استخدم جهاز الملاحة للسيارة ما اعرف كيف يستخدموها

والحمدالله بعد 10 دقائق اشتغل العم جارمن وانطلقنا من المطار الى وسط ميونخ في بقالة لاخذ اللحم الحلال حسب ما تم التخطيط له مسبقا هنا في عمان والحمدالله ودانا الى البقالة تقريبا اقل من ساعه وصلنا للبقالة والملحمة مع انه كانت الشوارع مزدحمة بعض الشي، واخذنا اللحم الحلال والدجاج كانوا اخوانا جزائريين يديرون الملحمة

طبعا يتساءل المشاهد، كيف اخذنا اللحم والدجاج وين خليناه بيخيس في الاكياس، الجواب احنا مرتبين من عمان اخذنا معنا كولد بوكس صغير والحمدالله فادنا كثير وحطينا فيه اللحم والدجاج وايضا طلبنا منهم ثلج وما قصروا عطونا ثلج وخليناه داخل الكولد بوكس، المقصد من شراء اللحم والدجاج من ميونخ لانه يتوفر الكثير من محلات اللحم الحلال للمسلمين، بس في منطقة جارمش صعب تحصل او ممكن ما تحصل، المهم اخذنا من البقالة الي جنب الملحمة بعض من الفواكه والخضروات والرز والزيت وبعض المعلبات والحمص وايضا يديرونها عائلة جزائرية، وطبعا انا كنت اتشرى كل هذه الحاجات والاولاد ينتظروني في السيارة كان في مواقف مقابل هذه المحلات بس مزدحمة وبصعوبه حصلت موقف تحت الارض لانه كان عندي باص وهذيك المواقف ضيقة كانت كثير بس زين ما دعمنا حد ما عليه لين ما اتعود على سواقة الباص

وايضا المواقف هناك كله بفلوس ما في شي ببيلاش

وبعد اخذ الزاد انطلقنا الى منطقة جارمش وجهتنا الاولية الى وصفلنا الاخ العزيز العمرس والشلة الاوروبية هنا في السبلة السياحه الخارجية جزاهم الله خيرا، وبعد الخروج من ميونخ وهذه بعض الصور واحنا في الخروج من ميونخ الى شقتنا في منطقة جارمش السياحية وتبعد جارمش من ميونخ حولي ساعه ونصف،

وهذه الصورة لحظة وصولنا لمنطقة جارمش

وهذه الصورة من عند موقف الشقة

الاجواء كانت طيبه ودرجة الحرارة في العشرينات وبدأنا نشاهد المناظر الجميلة في كل مكان حيث الجبال الجميلة المغطاة بالللون الاخضر والانهار الجميلة ولسان حالنا يقول سبحان الله سبحان الله سبحان الله،، اللهم نسالك جنة الاخرة أمييين

وبدأ تعب العائلة من السفر تنزاح رويدا رويدا وبدأ النشاط في وجوه الاطفال والابتسامات لرؤية هذه المناظر الجميلة،،،

وبعد الوصول الى جارمش وعند باب الشقة وصلنا العم جارمن وأيضا بمساعدة الاخ الملاح بالسيارة، بغينا نقارن كيف يشتغلوا باثنينهم سبحانه الله يمكن واحد اخترب ولا شي

المهم باثنينهم يقولولنا وصلنا الشقة بعد ما نزلت من السيارة وقلت للاولاد انتظروني شوي اشوف الجماعه واجيكم.

ذهبت لادق الجرس وانتظر حد يفتح الباب محد فتح ومرة ثانية ادق الجرس ومحد يفتح بدأ القلق فيني مرة اخرى تو مو هذي الحالة

من اولها كذا مع اني كنت متواصل مع صاحب الشقة بالايميلات وايضا اكدت له اني جاي هذا التاريخ بس في ايميل انا ما شفته قبل ما اسافر

وشفت حد من جيرانهم وقلت له تعرف صاحب البيت موجود ولا لا قالي ما اعرف صراحه المفروض يكون موجود، بعديها تذكرت عندي رقمه مسجل مع ورقة الحجز مال صاحب الشقة واتصلت فيه وما يرد عاد انا ارتفع ضغطي شوي

واقول لا يرد على تلفون ولا يفتح الباب ايش هذي المصخرة، المهم حاولت ادخل حوش البيت وجالس اشوف من بعيد باب ثاني واقول يمكن هذا الجرس خربان مال برع كما بيوتنا احنا هنا في عمان

ودخلت ترا الباب يفتح بسهولة مال حوش البيت ودخلت ومشيت شوي وشفت باب ثاني وجنبه ماعون مال ماي مال كلب

وقلت وا غيابي تو بيجي الكلب وبيعضني

بس ما شي لا صوت كلب ولا صوت اوادم المهم تقدمت عند الباب وكان في نافذه على يمين الباب وشفت محطوط جنبها ظرف ومكتوب عليها welcome Mr.Strange على قولة ابو عبادي يوم ذكر في تقريره

المهم في هذه اللحظة بدأ الابتسامه في وجهي

وكان القلق انزاح وفتحت الظرف وكان فيها المفتاح مال الشقة ومكتوب عليها رسالة اهلا وسهلا بك وشقتك فوق ساراك لاحقا في المساء، المهم الرجال مسويلي رسالة بالايميل وقايل فيه اني بسويلك ظرف واحط فيه المفتاح وكل القصه

عاد جلست اضحك على نفسي المهم ناديت الاولاد كانوا تعبانين من جلسة السيارة خلاص طفروا عاد ونزلنا الاغراض والشنط وهذه بعض الصور من للشقة من داخلها ومن خارجها هي عبارة عن بيت الطابق الارضي صاحب الشقة يعيش مع زوجته وحدهم ما عندهم اطفال والطابق الثاني ياجروه حال الناس معظم الشقق عندهم نفس النظام كذا بس فكره جميله ومكسب حالهم، وللعلم ما في رسبشن في مثل هذه الشقق لازم تكون مرتب مع صاحب الشقة متى توصل ومتى تطلع كله بالايميلات، وايضا هذه الشقق تكون نظيفه جدا انا صراحه عجبني كثير هذه الشقة وهي في سنتر جارمش وكل شي قريب من عندك، بخليكم مع الصور ،،

مدخل حوش البيت

حوش البيت

غرفة النوم للاب والام

غرفة النوم للاطفال تلاحظون في الصورة دمية طايحه عل السرير هذه الدمية الله يسلم حالكم حال اميرتي الصغيرة كل مكان تروح لازم يكون معاها هو بطريق وهي تسميه baby

الصالة وكانت واسعة وكبيره والحمدالله

الله يعزكم دورة المياه بس واحدة وهذا نظام عندهم كذا اوروبين بشكل عام في كل بيوتهم

المطبخ وايضا يوجد ثلاجة وطباخه ومواعين للطبخ وايضا غساله لغسل الملابس

واخيرا البلكونه لشقتنا

وهذا اسم وعنوان الشقة على موقع بوكنغ
https://www.booking.com/hotel/de/alpe...9b9dd9b;dcid=1

وبعد ما حطينا الاغراض وريحنا بصراحه كنا جوعانين شوي والمدام دخلت المطبخ وبدات تطبخ لنا الغدا والعشا مع بعض جزاها الله خيرا ما قصرت وطبخت لنا قبولي دجاج

مع انها كانت تعبانه وقلتلها اجيب من برع قالت لا بطبخ سريع، والحمدالله بالفعل طبخت سريع واكلنا والوقت كان يشر الى الساعه 4 ونص و5 عصرا وكان في وقت طويل لين المغرب حيث كان المغرب على ساعه 9 وربع بس كنا تعبانين شوي من السفر قلنا اليوم ما نطلع نريح وباكر ان شاءالله تعالى نتمشى وهكذا خلصت الحلقة الاولى من التقرير أتمنى عجبكم وتابعونا في الحلقة الثانية والمغامرات الى اعلى قمة في المانيا وما حولها

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة الثانية


صحينا الصبح وصلينا الفجر وبعدها فطرنا الاولاد وفطرنا طبعا الفطور كان للاولاد عبارة عن حبوب افطار جايبينها من عمان احنا قلنا بدل ما ندور الفطور الي يحبوها نجيب معانا احسن، والحمدالله طاح باب الفطور، طبعا الفطور للاطفال هو عبارة عم اشكل انواع الحبوب اولاد عم الكورن فليكس

منها الكوكوبكس والكوكي كريسبي والشوكابيك هذا بو اذكره الحين...

المهم انا طبعا في الحلقة الاولى لما واصلين جارمش العصرية نسيت اخبركم اني رحت السوبرماركت عشان اجيب بعض الاغراض الناقصة واشياء زيادة لرحلة الغد الي هي اليوم، مثل ملح وبعض فواكه بسكويت وحليب وغرش ماي طبعا رحت سوبرماركت كبير هذا بو حصلته اقرب شي وكان ممتاز موجود فيه كل شي حتى اذكر اشتريت بيض وخبز سلايس، (الميزة في السوبر ماركت طبعا تعرفوا كلكم حتى عندنا في عمان التوفير بعض الشي بدل محلات المحطات، او دكاكين الحارة، واصلا ما حصلت في الحارة معاهم محل مواد غذائية، فكرت نفسي في عمان

صورة لسوبرماركت

وبعد ما فطرنا الصغيرين وفطرنا انا والمدام، وبعدها انطلقنا الى منطقة بحيرة ايبسي حيث نقطة الصعود الى اعلى قمة في المانيا ومسمى المكان (زجزبيت)، يبعد من سنتر جارمش حوالي 10 دقائق واول ما توصل في مواقف للسيارات طبعا بفلوس مال 3 يورو تقريبا ليوم كامل، بعديها عندك خيارين يا تصعد بالكيبل كار(تلفريك) او بالقطار احنا صعدنا بالتلفريك، وكان قرار صائب والحمدالله لان المنظر الي تشوفه بالتلفريك ما تقدر تشوفه بالقطار نفس الشي

وكان سعر التذاكر لي ولأولادي كلهم ما يقارب 70 ريال عماني او اكثر

....

صورة مكان انطلاقة التلفريك ومكان الانتظار..

وهذه بعض الصور من التلفريك لبحيرة ايبسي..

وهذه الصور من داخل التلفريك...

تقريبا المسافة من تحت الى فوق القمة ما يقارب 10 دقائق او بالكثير ربع ساعه، وعند قرب وصولنا للقمة دخلنا في سحب وضباب والمنظر كان عجيب بصراحه اولادي الصغار خافوا شوي، بس طمنتهم المكان جميل وحلو وبعد شوي استعد البس الجاكيت والبس الاطفال الجاكيتات والقفازات والكميم لحمايتهم من البرودة....

وعند وصولنا للقمة منظر رهيب للثلوج يوجد اعلى القمة مطاعم ومقاهي وشرفات للتأمل والنظر في جمال جبال الالب

وهذه بعض الصور لاولادي وهم في اعلى القمة

لحظة الوصول الكيبلات مال التلفريك وشوفوا كيف السحب تحته،،ما شاءالله منظر عجيب اليس كذلك...

صور الاولاد في اعلى القمة.. لاحظوا معي عربة الاطفال موجودة معنا في كل مكان طبعا ضرورية لاميرتي الصغيرة وايضا نستخدمه كعربه لحمل بعض الاغراض مثل ما شايفين في الصور

وايضا بعض الصور عند لعبنا بالثلج في الحقيقة اول شي فكرنا انه هذا المكان فقط ممكن نلعب فيه بالثلج كان عباره عن مكان مسور من حولين اربع اتجاهات بالحدائد، وبعدها لعبنا شوي بالثلج الجبلي ولعبنا فيها من الخاطر من زمان ما شفنا ثلج منتزقييين

وبعدها قلنا نروح نشوف مكان اخر وبالفعل يوجد مكان اخر تلعب بالثلج بس هذا المكان لازم تنزل بالتلفريك نفس الشي الى مستوى تحت بس هذا المكان احلى تشوف الثلج في كل مكان وهذه بعض الصور منها

لحظة صعودنا بالتلفريك الثاني للنزل الى المستوى الاسقل قليلا حيث الثلوج

صور عند وصولنا للمستوى الاسفل والاطفال مثل ما شايفين مستانسين والحمدالله...

واميرتي الصغيرة تاكل الموز والمستمتعه بالاجواء الباردة،

طبعا استانسنا كثير مع الاولاد ولعبوا بالثلج الى ما قلنا بس تقريبا جلسنا مال اربع ساعات، وأيضا ملاحظة احنا كنا في الثلج بس الشمس كانت ساطعه وحسيت شوي بالحر فخلعت الجاكيت، والمكان في مقاهي ومطاعم ومحلات للهدايا وايضا فيه مصلى للمسلمين (ذكرها ابو عبادي في تقريره مع الصورة) لما شفته استغربت بس اتوقع هذا المصلى سويوها الحكومة القطرية حد يصححلي اذا كنت غلطان والله اعلم،،

وبعدها ركبنا القطار للنزول قررنا نغير ونشوف كيف يكون النزول بالقطار بس ما كان مثل حلاوة المنظر بالتلفريك

لما ركبنا في القطار اول 25 دقيقة في ظلام دامس لانه ينزل عن طريق الكهف وبعدها يطلع من الكهف بس ما يكون سريع لانه خطر، بس لما يطلع من الكهف المناظر ما تبين لانه النوافذ كلها متغطية بالضباب وما تقدر تشوف شي احنا بصعوبه كنا نشوف بعض الاشجار بو قدام القطار

بعض الصور من القطار واحنا نازلين... من القمة

نصيحتي لكم تروحوا بالتلفريك وترجعوا بالتلفريك ايضا

بعد ما نزلنا بالقطار وطبعا يوصلنا قريب من المواقف للسيارات الي وقفنا سيارتنا في البداية وايضا قريبه من التلفريك، بعدها قررنا نروح لبحيرة ايبسي ولكن المطر ما خلانا لذلك رجعنا ادراجنا لانه المطر زاد وشرده للسيارة وركبنا كلنا ورجعنا لشقتنا بس قبل ما نرجع للشقة قلت اليوم بريح المدام وناخذ اكلنا من شي من المطاعم القريبه من الشقة، وبالفعل رجعنا قريب من الشقة بس المكان كله مطر في مطر وجالس ادور في الجارمن عن المطاعم الحلال وبالصدفة حصلت مطعم تركي يبيع شوارما او ما يسموه هم بالدونر كباب، بس طبعا غير عن دونر كباب البريطاني الي يعرفه

فخذيت حالي وحال المدام والاطفال رحنا الشقة وسوينالهم عشاء خاص

من الملحمة محصلين نقانق حلال وسوينالهم... أتمنى عجبكم حلقة اليوم

المهم تعشينا كلنا وبعدها الخلود للنوم والراحه والاستعداد للغد الى بحيرة إيبسي لانه ما قدرنا نشوفها اليوم خليكم متابعيين الى اللقاء في الحلقة الثالثة

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة الثالثة

بعد ما تمشينا في اعلى قمة في المانيا والتي يبلغ ارتفاعها ما يقارب 3000 متر عن سطح البحر، وأستانسوا الاطفال في الثلج، والحين بغينا نزور البحيرة الي جنبها بس بسبب المطر ما قدرنا نروح لها المهم، في الحلقة الماضية انا نسيت اذكر بانه احنا ما تعشينا ونمنا على طول، المدام ذكرتني بالجدول

طلعنا برع نتمشى شوي في حارتنا ونستكشف المكان، والاجواء كانت طيبه لان المطر اساسا توقف وكان في وقت الى ما يظلم يمكن ذكرت قبل في بداية التقرير ان المغرب معاهم على الساعه 9 وربع فعندنا وقت كافي للتمشاية ....

المهم بعدها رجعنا للشقة والخلود للنوم استعدادا لغد الي هي اليوم ورحلة اليوم الى بحيرة إيبسي الجميلة وبعدها للشلالات بارتنخكلام، بعد الفطور كالعادة تقريبا نفس الفطور للاولاد واحنا حيا الله الي موجود

المهم بعد الفطور والتجهيز اخذنا وقت وخرجنا حوالي الساعة 11 او ما بعدها على فكرة دائما كذا برنامجنا نصحى حدود التاسعه ثم الفطور والانطلاق، طبعا المنظار جميلة وين ما رحنا في الطريق الانهار والخضرة والجو اللطيف... حتى لو المسافة بعيدة ما تحس ابدا من التعب وذلك بسبب المناظر الحلوة والجو العجيب..

اعتذر،الصور يمكن تكون ما بهذاك الزود مثل ما اخوانا عرضوا في تقاريرهم والصور الجميلة التي عرضوها، هدفي في هذا التقرير هو نقل الحقيقة والواقع وهو إمكانية أخذ الاولاد والسفر معهم حيث تشاء

اخف عليكم شوي، المهم انا بصراحه اذا ما سافرت مع اولادي ما ارتاح في سفري، المهم نكمل بعد ما وصلنا بحيرة إيبسي وهي عشرة دقائق تقريبا من سنتر جارمش وبعد الوصول وأخذ التذكرة للمواقف طبعا بفلوس قلة ما تحصل اماكن الوقوف مجاناً، وأخذنا اغراضنا والعربة مال اميرتي الصغيرة والي استخدمناها كعربانه لاغراضنا

وبعدها مباشرة الى البحيرة، المكان جميل والبحيره كبيره وحلوه وفيها قوارب للايجار وتتراوح اسعارها ما بين 3 يورو واعلى حسب نوعيه القارب صغيرة، كبيرة الي اوعادي وهكذا،، نتركم مع الصور عند وصولنا للبحيرة والجو كان بدييييع :

اول صورة للفندق المطل على البحيرة واتوقع كل الاعضاء الي راحوا بحيرة ايبسي لازم يصوروا هذا المنظر وموجود في تقاريرهم من ضمنهم انا

ما شاءالله لسان حالنا يقول دائما عند مشاهدة هذه المناظر فما بالكم الجنة يا اخوتي،، نسأل الله لنا ولكم الفردوس الاعلى آمييين يا رب

وهذه الصور للاولاد بعد ما فرشنا عند البحيرة،(جايبينه معنا الحصير من عمان لا تنسوا تشلو معكم شي ضروري جدا) واخبركم شي احنا خذينا ملابس حال الاولاد للسباحه ومحدثكم أيضا

ولكن المفاجأة بعد ما لمسنا ماء البحيرة اتوقع درجة حرارة الماء صفر

أو بالسالب والله اعلم كان شديدة البرودة طبعا احنا مال المغامرات فدخلنا بقوة والاولاد ما شاءالله عليهم نصهم دخلوا والباقي يتفرج من بعيد

المهم انا عن نفس دخلت شوي وما قدرت استحمل البروده وطلعت اظن بقيت مال خمس دقائق او أقل... بس تجربه حلوة كانت ...

ولا بد من وجود الضيوف على ضفاف البحيرات بشكل عام في كل اوروبا وهذا نموذج منهم

لاحظو معي في هذا المنظر عامود الاحمر من خلاله يمر التلفريك لقمة زجزيبت الي رحناله في الحلقة الماضية

وهذه الصورة اخذناها واحنا في القارب بالقرب منها الفندق الي كنت اتحدث عنها وهذيك القوارب التابعة للفندق

واخيرا صورة الشلة المرحه

حقيقة بعد ما انتهينا من القارب وانتهينا من البحيرة بعض ما اخذنا ايسكريم للاولاد وانتهينا من البحيرة، كان هناك متسع من الوقت، وكان في بالنا نروح مكان آخر وهو شلالات بارتنخكلام، وعلى طول ذهبنا للسيارة واركبوا يا شباب وشدوا الاحزمة (انا لازم اتاكد كل واحد رابط حزامه قبل ما ننطلق في كل تنقلاتنا ترا احنا في اوروبا ما في عمان)

المسافة من بحيرة ايبسي للشلالات تقريبا نصف ساعه ما اتذكر بالضبط، المهم وصلنا هناك والطريق جميل جدا والمناظر جميلة، بعد ما وصلنا بس هنا كان الوقوف مجاني

وفرنا شوية يوروات... بعدها حصلنا عربه تجرها احصنة وقلنا للاولاد ايش رايكم نركب العربة طبعا كلهم فرحوا شي جديد

ركبنا العربه مع الاخ صاحب العربه وقلنا خلاص مفهومه ودينا لفة ورجعنا كلمت معاه بالانجليش ما شي فايدة سويت لها حركات باليد وعلى بالي فهم المهم الرجال ودانا مسافه ونزلت لتحت الشارع جاي على تحت شوي المهم بعدها قالنا خلا نزلوا وانا اشوف عليه مستغرب واقول تو مو يقول الاخ، بعد ما نزلنا بمسافه وتو لا وفيها نزول ومعي الشلة كيف تو اقولهم خلا نمشي ومعي يهال

وجا واحد انجليزي سائح هو واولاده موقفين سيارتهم هناك في المواقف وجو عشان يركبوا عوين معانا في نفس العربه وانا اشوفه صاحب العربه يتكلم معاه ونفس الحاله معاه هو يكلمه بالانجليش وهو يعطيه بالالماني

المهم قال حالي تعالوا انتو مع بعض قدام وخلوا ذيلا الجماعه يجلس خلفكم وانا عاد اقول زين ابوي خلي يركبوا معانا ولا ننزل هنا، المهم ركبنا مع بعض هذا مع اولاده ركب في الكراسي الخلفية وانا مع اولادي تكاظينا وركبنا قدام وبعدين رجعنا من حيث ما ركبنا في البداية، ومشانا بالعربه وعا تو صعده وانا اقول تو بقفوا الاحصنة ولكن ما شاءالله عليه خيولهم عمالقة واعتقد يكدوا كد ما مثل خيولنا

مربربين على قولتكم...

المهم بعد ما وصلنا فوق قال الحساب 20 يورو

بعييد الشر اظن مشينا مال 5 دقائق ورجعنا المهم ما سويتله سالفه وحده ما يتكلم انجليش وقلت في نفسي ما عليه مره غيرها لازم نعرف السعر قبل ما نركب اي شي

بعدها ذهبنا حيث الشلال وشفنا منظر عجيب وخطير، هذا المكان فيه تذكرة بعد ما اتذكر كم دفعنا بس شي قليل ما اكثر من 10 يورو المهم هذا المكان الله يسلم حالكم عبارة عن طريق جبلي وجنبه نهر يجري بقوة وفيه شلال بس احنا ما رحنا للاخر نشوف الشلال، لنه الطريق ضيق وطويل وفيه اعوجاج في الطريق بصراحه انا كنت كثير خائف على اولادي بس الحمدالله كنا مع بعض ومشينا مسافة والعربه كانت معانا واميرتي الصغيرة جالسة فيها بس وصلنا مكان كان في إصلاحات وما قدرنا نكمل وملابسنا تبللت من المياه المتساقطة من هذه الصخور وكانك في كهف وانا استغربت هذيل الجماعه عندهم السلامه اولا كيف ما سوي حاجز قوي بدل ما يسوي بس اسلاك شوفوا معي الصور تحت

اول صورة لما ركبنا العربه وكنت وحدي مع عائلتي،

وهذه الصورة بعد ما ركبوا العائلة الثانية معنا ،

هذه الصورة الي اتكلم عنها وهي خطيرة جدا لازم تخلو بالكم اذا شالين الاولاد الصغار معكم...

وبعد ما رجعنا نزل مطر قوي واحنا نسينا نشل معنا مظلة المطر فوقفنا وكان فيه محل مرينا منه وعندهم اللبس البلاستيكي للمطر، انا خذيت لاولادي وبعدين كملنا المسير الى ما وصلنا عند السيارة وشرده للشقة، وبعدها ريحنا شوي والمدام جزاها الله الف خير طبخت لنا معكرونيه وتعشينا والخلود للنوم بعد يوم شاق..... وهذا كان لحلقة اليوم ترقبوا معي المغامرات في الحلقة الرابعة،، حيث التسلق...

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة الرابعة


بعد ما تمشينا ونشوف الطبيعة والمناظر الحلوة، جلسنا نفكر نغير البرنامج شوي من المناظر الطبيعية فقلنا نودي الاولاد ونلعبهم في مكان ما مثل ملاهي وخلافه،، وهذا ما يسعدهم اكثر طبعا احنا ما يهمنا القلاع والمدن التاريخية لانه لا انا ولا المدام ولا اولادي لهم الرغبه في هذه الاماكن، احنا نتمشا على حسب مزاجنا ونختار على حسب ما يعجبنا حتى ولو مسوي برنامج من عمان انك بتروح لكذا وكذا بس ما تطبقه بعض الاحيان 100 بالمئة وذلك للظروف الخارجة عن إرادة الشخص، المهم احنا صحينا وفطرنا كالعادة ومن بعدها قلنا نروح نشوف اماكن للترفيه حال الاطفال الجارمن وجهاز الملاحة والانترنت موجودين وكان بالامكان اطلع الاماكن التمشاية منها للصغيرين بس انا قلت استشير اصحار الدار يمكن عندهم اراء عن هذه الاماكن وبالفعل رحنا للسنتر والى مكتب الاستفسارات والمعلومات موجودة عندهم في كل مكان،

وبعد التحية والسلام قلت لهم اريد اماكن ترفيهية للأطفال من عمر 3 سنوات الى 9 سنوات فقالوا سيدي لا يوجد معنا ديزني لاند قلت اعرف

ما قصدي كذا شي بسيط وصغير على قد حال المنطقة وللعلم جارمش تعتبر مدينة صغيرة وممكن تتمشى فيها وما حواليها لمدة يومين بس منطقة حلوة وجميلة وهادئة، المهم بعدها عطونا بعض الاماكن للصعود بالتلفريك وبعض الاماكن للتسلق على الاشجار، وحقيقة لفت انتباهي هذا المكان وقلت ليش ما نتسلق

وبالفعل اخذنا العنوان من عندهم وحطيته في الجارمن وخلا يا ليل، توكلنا ودانا مكان مرتفع جبلي وبعدها شفنا التلفريك ورحنا لهم وقلنا وين هذا المكان بو يتسلقوا قالوا كمل الطريق الى الاعلى وكملنا الطريق للاعلى وشفنا اشجار عملاقة وطويله كانا دخلنا في غابه وشفنا ناس متعلقين فيها، وحصلنا هم الجماعه.

الجو كان مغيم ويشير الى سقوط المطر واحنا خفنا شوي بس قلنا ما مشكلة احنا بتاع المغامرات

وبعدها وقفنا السيارة المواقف ايضا كانت مجانية والحمدالله وبعدها ذهبنا لمكتب التسلق وحصلنا الاخ الالماني اظن مسؤول وقلناله باغين نتسلق قال اول مره قلنا هي نعم وقال زين اول شي اشرح لكم كيف طريقة استخدام المعدات والسلامة وبعدين تطبيق عملي ومن ثم تنطلقوا وحدكم قلنا تمام،

وهذا بعد ما وصلنا المكان ولبسنا العدة مال التسلق والاستعداد للمغامرة

انا وابني وابنتي الكبار رحنا للمغامرة بقية الشلة بقت وتلعب بالمراجيح كانت هناك بالقرب من مكان التسلق

وهذا واحنا صعدنا فوق بين الاشجار العملاقة والمغامرة حلو وجميلة كانت

ممكن تسوقوا سيكل وانت معلق فوق الشجرة

كان في ناس لا باس بهم ما كان زحمة كثير اولادي استانسوا كثير وجربنا شي جديد والحمدالله

وحتى اولادي الصغار تسلقوا بس من غير المعدات خلال انشغالنا في المغامرة وكانوا مع المدام وهذه بعض صورهم

بس طبعا تسلقوا في اماكن سهلة وبسيطة مش الصعبه

التسلق هنا عبارة عن مراحل تبدأ من مرحلة سهلة الى مرحلة اصعب

ويكون التميز بينهما بالالوان مثل ما شايفيين في الصور

جلسنا تقريبا ثلاث ساعات وبعدها رجعنا واحنا راجعين شفنا اكشاك للفراولة وخذينا منها مثل ما شايفين في الصورة

موجودة في كل مكان تحصلهم على الشارع وانت ماشي وايضا مرينا بين المزارع وشفنا هذه الابقار المربربة

وبعدها مرينا مكان في مسبح وفي زحاليق بس كان مغلق، بعدها فكرنا نروح مكان قريب فيه بحيرة وبالفعل قلنا للعم جارمن خلا ودينا بحيرة قريبه من موقعنا الحالي ودانا المسكين ما قصر واحنا في طريقنا مرينا ببعض المقاهي والبيوت ووقتها كان تقام مبارياة كأس الامم الاوروبية وكان هذاك اليوم ألمانيا تلعب بس نسيت مع من المهم شفنا الجماعه يشجعوا بلادهم ومعلقين الاعلام مثل ما تشوفو في الصور

وبعدها كملنا مسيرنا للبحيرة وحقيقة الشارع الي رحنا فيه كانه دخلنا في غابه وبعديها طلعت لنا البحيرة بس صغيرة وبالصدفة شفنا مطعم جنبها وشفنا ناس لابسين ملابس مال المناسبات وسيارات كثيرة وقلنا اكيد فيه شي هنا، وبالفعل كان فيه عرس بس احنا ما كنا معزومين

حتى الناس بدأوا يشوفونا باستغراب من وين طلعولنا ذيلا

المهم احنا وقفنا عند البحيرة وتصورت مع الشلة

بعدها رجعنا للشقة وطبخنا غدانا وعشانا واكلنا وبعدين الخلود للنوم والراحة من اجل استعداد للرحيل من جارمش الى سوق نايف اووبسسس اقصد ( زي لام سي) موقع الخليجييين في النمسا

.

هكذا انتها يومنا الاخير في جارمش كان مليئ من المتعه والوناسة انتظرونا في الحلقة الخامسة في زي لام سي النمسا.

​

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة السادسة


كالعادة صحينا بعد ما ريحنا من الرحلة الطويلة بين جارمش وسالفدين، وأعددنا الفطور وجهزنا الاولاد بغيت اخبركم شي بما إنا عائلة كبيره فطبيعي ناخذ وقت الى ما نتجهز وهذا شي المفروض تخلو بالكم منه اذا مسويين برنامج مكان بعيد، احنا بصراحه كنا متشوقين كثير للزحليقة الي تحدث عنها الاخ العزيز العمرس شوقنا كثير في تقريره عن هذه التجربة، المهم بعد ما خذينا ساعتين او اقل بشوي الى ما نفطر ونتجهز للخروج من الشقة ومن ثم مباشرة الى الزحليقة الصيفية وتبعد من الشقة ما يقارب اقل من 10 دقائق، والحمدالله كانت مفتوحة هذه بعض الصور بعد ما وصلنا للزحليقة ،

صورة اللوحة مال الزحليقة عند المدخل، وفي الخلف تلاحظون الكراسي المعلقة وهي في الصعود والنزول،

التواقيت واسعار التذاكر،

صورة اميرتي الصغيرة وهي مستعده للانطلاق الى الاعلى،

والصورة خلف الاولاد يبين موقع الانطلاقة الي الحديدة الصفرة الدائرية

مناظرة جميلة تشاهدونها وانتم صاعدون للاعلى ويمكن رؤية قرية سالفدين الجميلة،

مكان الانتظار والصورة الاخرى استعداد للركوب على الزلاجة والنزول للأسفل،

وهذه الصورة عند تزحلق الاولاد

ملاحظة عن الزحليقة اولادي الكبار ركبوا وحدهم اعمارهم 7 و9 سنوات اما البقية لازم اشلهم في حظني وكل كرسي معلق يشل ثلاث اشخاص اثنين كبار او واحد كبير واثنين صغار وتصعد فوق بارتفاع 1200 متر تقريبا وهناك في حد يستقبلك فوق ويرشدوك لطريق الى الكراسي للتزحلق وعند التزحلق من الفوق إلى تحت تنزل من الزحليقة إما تكون لحالك وممكن يكون معك في حضنك صغير والصغير الثاني بو يقدر يركب وحده يتزحلق بنفسه حسب استطاعة الصغير في التحكم على سرعة الزحليقة، بس الصغير اذا راح وحده ما بيطلعوا يقولوا نريد مرة ثانية وثالثة لانها بالفعل متعه للكبار والصغار بصراحه انا شفت ناس كبار في السن خليجيين راكبيين واسمع اطفالهم يقولوا هذه ثالث او رابع مره يطلع

لكن كل شي وحسابه.

ملاحظة اخرى الزحليقة تغلق في حال الجو ماطر للدواعي الامنية، لكن الحمدالله لما كنا موجودين ما شي مطر،
وقت الصعود من تحت عند الجلوس على المقاعد التي تقلك للاعلى ما يقارب 15 دقيقة وعند النزول اظن 10 دقائق او اقل حسب تحكمك في السرعه،
بعد ما تزحلقنا واستانسنا واستنانسوا الاولاد يوجد مقابل شباك التذاكر مقهى للوجبات والمثلجات فاخذنا للاولاد بعض من الايسكريم وايضا ماء للشرب لان الجو كان مشمس والجو كان حر شوي
صورة اولاد يأكلون الآيسكريم

بس شمسهم اليفة ما مثل شمسنا، وبعدها قلنا نتوجه لشلالات كريمل أيضا ويبعد تقريبا ساعه ونص من موقع سالفدين، وعند انطلاقنا الجو كان مشمس وحلو شفنا المناظر الحلو من الطريق وبين المزارع والارياف وهذه بعض صور منها،

يوجد بعض الاحيان اعمال في الطريق والتاخر وارد للوصول في كل مكان، العم جارمن وجهاز الملاحة مال الباص شغالين بكل طاقاتهم

أينما تنظر تسر ناظريك، فقط قل سبحانه الله والحمدالله ولا اله الا الله وما شاءالله وتبارك الرحمن ،،

وعند الوصول قريب من الشلالات تصادفنا هذه الصورة وتذكرت الاخ العزيز العمرس واهديها له ، وأيضا المواقف برسوم تقريبا 3 يورو ليوم كامل،

وهذه بعض الصور من بعيد للشلال وإبنتي وبيدها الراعي الرسمي للرحلة

واول ما وصلنا عند مدخل الحديقة للشلال شفنا المقاهي واماكن للعب الاطفال وبعض الصور منها،

وايضا بعد مشينا شفنا الاشجار الطويلة حولين المكان ومنها تم قصها هذا المنظر،

ومشينا بعد ثم وصلنا الى شباك التذاكر حيث الدخول بالقرب من موقع الشلالات بالتذاكر وحسب ذاكرتي البسيطة اتوقع رسوم رمزيه اقل من 10 يورو لكل افراد العيلة وبعدها واصلنا المسير المكان كله في مشي الي ما يحب يمشي ما يجي هذا المكان وحتى فيه صعود ولكن احنا ما صعدنا، اذكر العمرس يوم قال تعب حال الاطفال وايضا للكبار والمنظر اصلا تشوفه من تحت اوضح بدل ما تصعد فوق بس في ناس تريد تكتشف اكثر، المهم احنا نزل الى الشلالات وقبل النزول شفنا هذا التمثال للحيوان الشبيه للغزال وايضا تذكرت تقرير العمرس يوم قال انه بنته مصره تصور معاه

وبعدين نزلنا رويدا رويدا الى ان وصلنا عند الشلال والمنظر عجيب ولسان حالنا يقول سبحانه الله ولا اله الا الله ما شاءالله تبارك الرحمن،

انا وإبني ما استحملنا المنظر وتهورنا شوي وقلنا نروح نقحم في الشلال

شي واحد اخطأنا ما جبنا غدانا معنا الجو كان ممتع والشلال كان رهيب والنهر الذي يجري بجانبه ايضا منظر جداً جميل بس تحسفنا، الاولاد استأنسوا كثير والحمد لله..

بس كنا جايبين معنا بعض الخفائف من البطاطس والبسكويت والماء والشوكلاته.... واستمتعنا بالشلال
وشفنا ايضا ابقار في الجهة المقابلة للنهر وناس جالسين بالقرب منهم يمكن من اصحاب المكان او شي من هذا القبيل...

وأميرتي الصغيرة مستانسة بالمكان وهذا المكان كان مناسب لاحضار غدانا والتامل بالنهر والشلال، بس مره غيرها ان شاءالله،

وجلسنا هناك تقريبا ساعه او اكثر وبعدها عدنا للسيارة واثناء عودتنا للسيارة توقفنا عند المقاهي واخذنا ايسكريم للصغار وعند مكان الدخول في البداية يوجد شخص يصوركم قبل ما تنزلوا وبعد ما ترجعوا تشوفوا صوركم معلقة على الحائط الخشبي وانتو عاد مخيرين اذا بغيتو تشتروها او لا..

المهم بعدها عدنا للسيارة ومشينا فوق الجسر وبعض المناظر قبل ما نوصل عند مواقف السيارة والبحيرة التي تاتي اليها مياه الشلال....

وبعدها للسيارة والعودة لزيل ام سي وفي الحقيقة يوجد في زيل ام سي الكثير من المطاعم الحلال والعربية تشوفها وانت تمر بوسطها وذلك لكثرة العرب والخليجين الموجودين فيها وخاصة في فترة الصيف وهذا بعض الصور للمطعم علي بابا وايضا خلال مرورنا في مطعم اخر تصادفنا وشفنا علم بلادنا الحبيبة عمان يمكن ما واضحة في الصورة

وصورة علم بلادي الحبيبة،

في الحقيقة المطاعم الموجودة هناك يديروها بعض الشامين وأيضا يوجد بعض العراقيين والاكراد المهاجرين واكلهم حلو بس غالي شوي، وتصادفنا في هذا المطعم الاخ العزيز العريس (ابو عبادي) ولكن للأسف الشديد لم نتمكن السلام عليه لأني لمحته في اخر لحظه واعتذر منه، وهو في استعداد الخروج من المطعم بعد ما ضرب صحن عيوشش

ولا ايشش ضربت يا العريسس؟؟؟
المهم احنا طلبنا عيش مع الدجاج وبعض من المقبلات والحساب لم اتذكر بس اتوقع قريب 30 يورو او اقل ما يقارب 15 ريال عماني تقريبا

بعدها مررنا ببحيرة زيل ام سي وبعدها التوجه الى سالفدين للشقة للنوم والراحة والاستعداد للغد حيث ذهبنا للمسبح بالقرب من قرية كابرون والتجول على ضفاف بحيرة زيل ام سي... الى ذلك الحين حفظكم الرحمن والى اللقاء في الحلقة السابعة....

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة الخامسة


بعد ما تمشينا بين القمم والادغال والبحيرات الرائعة في جارمش حان وقت الرحيل منها الى معشوقة الخليج حسب قول اخوانا والحقيقة بحيرة زيل ام سي رائعة جداً، بعد ما شفنا المناظر الجميلة في المانيا قلنا لازم نشوف المناظر في النمسا أيضاً والحقيقة عجبتنا النمسا أكثر ، طبعا رأي شخصي، المهم بعد ما صحينا وفطرنا وقفلنا الشنط وعملنا تشك اوت وحقيقة صاحب البيت كان طيب هو وزجته ما قصروا في الضيافه ما كان موجود مكواة في الشقة وطلبنا منهم فعطونا وايضا خريطة لجارمش ما قصروا، ودفعناله الرسوم المستحقة، بعض الاحيان يكون في رسوم إضافية للتنضيف والضريبه فالواحد لما يحجز يخلي باله من هذه النقطة.

وبعدها توكلنا على الله وخرجنا من الشقة وفي طريقنا عبينا أظن ديزل للباص اتوقع جسب ما اذكر 40 او 50 يورو للعلم لما اخذنا السيارة من المطار كان الخزان البنزين مليان ولازم ترجعه وهو مليان حسب ما استلمته ومكتوب لك في الاوراق مال العقد بين المستاجر والمؤجر، وأيضا تتراوح الاسعار بين محطة واخرى نقطة يجب الانتباه لها بعض الاحيان يكون فرق بين يورو الى 3 يورو فيكون في فرق لما تعبي فووول أو حمص

ما علينا كملنا المسير واحنا في سيرنا كنا حيرانين نتبع أي جهاز، هل العم جارمن او جهاز مال السيارة، بس بعض الاحيان ترا الجارمن تضيع منه الاشارة ويخلينا في ورطه مع انه الاحداثيات مخزنه من عمان لكل الشقق والاماكن السياحيه، ولكن جهاز الملاحه مال الباص كان يشتغل وبكل قوة، المهم قلنا نتبع مال السيارة لانه ما فشلنا ابدا كان عند كلمته الرجال،

طبعا الطريق كان رائع والجو ممتع اين ما تنظر تجد ما يسر ناظريك وهذي بعض الصور في الطريق،

نقطة مهمة قبل الدخول الى النمسا وقد اشار اليها اخواني في تقاريرهم يجب عليك شراء لاصق للسيارة قبل دخولك للاراضي النمساوية، وهي عبارة عن ملصق تلصقها اعلى الزجاج مثل الى يروح الامارات (تعرفة سالك) وهذه صورة منها تجدها في المحطات حتى قبل وصولك للنمسا يوجد لوائح وارشادات تنبهك لازم تأخذ هذا اللاصق واسمه (فنيت) ويوجد منها انواع حسب مدة اقامتك في النمسا اذكر دفعت تقريبا 8 او 10 يورو لمدة اسبوع...

بعد ما وقفنا اخر محطة واشترينا الملصق وبعض الخفائف و الايس كريم للصغيرين والكبار ولصقنا الفينيت وعلى طول دخلنا النمسا لا تفتيش ولا حاجة كأنك بعدك تتمشى في الماني كيف تعرف انك دخلت لدولة اخرى فقط مع لوحة الاتحاد الاوروبي لم استطع اخذ صورة منها اذكر العمرس ذكر في تقريره مع الصور،

عند الوصول الى قريب من مدينة انسبروك

احلى شيء صراحه يا ليت لو كان الاتحاد بيننا كذلك في دول الخليج

يالله خليها على الله يمكن في اسباب احنا نجهلها على العموم كملنا المسير ومرينا بمختلف المدن والقرى والمناظر الحلو ومنها مدينة انسبروك وايضا شفنا في طريقنا لائحة تقودك الى عالم الشوارفسكي بس ما رحناله ، لأنه ما كان ضمن المخطط بس شفناه عن طريق تقارير الاخوان ما قصروا في الصور والشرح، وأيضا قبل ما نوصل قرية سالفدين حصلنا هذا المنظر الجميل وانت في الشارع والنهر يجر جنبك ،

و اكملنا المسير الى أن وصلنا قرية سالفدين، وتقريبا خذينا قرابة 4 ساعات الى ما وصلنا لوجهتنا الثانية والشقة موقعها كانت جدا ممتازة في موقع ريفي بحت، حيث كانت الشقة بين المزارع، في الحقيقة اول ما وصلنا لم نكن نعرف الشقة بالضبط لانه كان في بيوت قريبه منها وكلها بيوت جميلة وراقيه، وبين المزارع بعدها شفنا بيت في اعلام وقلنا يمكن يكون هذا وبالفعل لما رحنا قريب منها شفنا اسم الشقة

وهذا المكان مقابل موقف الشقة

وشفنا هذا السنجاب

وهذه الصورة من نافذة الشقة والمطلة على البيوت الي جنب الشقة وشوفوا الجبل الي وراه بحكيلكم عنها بالليل ايش صار عليها ،

وهذه الصورة من نافذه غرفة النوم

وهذا اسم وعنوان الشقة لمن اراد ان يستأجره
Hotel Details
Hotel Appartel Waldemar
Address Pfaffing 34
Saalfelden, 5760
Austria
Phone +0043658271189
Fax +43658271189
E-mail info@appartelwaldemar.eu

الشقة عبارة عن صالة مفتوحه على المطبخ وغرفتين و الله يعزكم دورتين للمياه وحدة فيها للتسبوح فقط، الامور طيبه كانت واصحاب الشقة ساكنين تحت ومسوين شقتين فوق للمستأجرين، كان في شخص مستأجر مقابلنا بس ما شفناه، واصحاب الشقة كانوا رجال وزوجته واولاده ساكنين تحت أصلهم الماني بس من فترة مهاجرين للنمسا حتى الالمان عجبتهم النمسا

أيضا يوجد خارج المنزل حوض سباحه للاطفال احنا اول ما شفنا قلنا خلاص بنسبح اولادنا هنا بس ما حصلنا فرصة نسبحهم

وأيضا فيه مكان للشوي بس ما سوينا حسنينا سالفة شوي، كان زين نسوي مشاكيك نجرب كيف يكون مشاكيك في النمسا ضحك، والشقة يوجد خارجها صاله صغيرة مقابل باب الشقة وبها تلفزيون ولعبة البلاي ستيشن ومكتبه صغيرة يوجد بها كتب سياحية وبروشورات ومعلومات عن المدن حوالين المنطقة واستفدنا منها،

صورة غرفة النوم الرئيسية

غرفة الاطفال

الصالة والمطيخ مع بعض مطلة على دورتين مياه الله يعزكم مثل ما شايفين

وعلى فكرة زيل ام سي قريبه من سالفدين قرابة ربع ساعه بالسيارة فقط و عشرين دقيقة بالكثير، السبب اختيارنا لسالفدين حقيقة بعد ما قريت تقرير العمرس تشجعت اسكن هذه المنطقة لانها وهادئة بعيده عن الزحمة والربشة مال زيل ام سي على قولة الشعب،

على العموم نكمل، اول ما وصلنا كان عندهم اجازة الويك اند مالهم كان يوم السبت وصاحب البيت كان يقص حشيش في حديقة المنزل ما مثل جارمش تلعوزت اول ما وصلت ولما شافني قالي welcome Mr.Strange

قلتله مرحبا بك ايها الفلاح، وبعد السلام والتحية مساكين هو ولده ساعدونا في حمل الاغراض للشقة وكانت فوق طابق الاول، ملاحظة ، لما تشلوا معاكم شنط حاولوا توزعوهم بالتساوي في الاوزان يعني ما يكون شنطة وحدة ثقيلة عشان الحمل والحط، في جارمش نقع ظهري من كثر ما شليت الاغراض من فوق لتحت لأنه صاحب البيت ما كان موجود ما حد ساعدني اولادي كانوا تعبانين من الرحلة المهم، اصحاب البيت في النمسا ايضا كانوا جدا خدومين ومرحبين فيينا وأيضا الشقة نظيفة كانت جداً، بعد ما ادخلنا الاغراض والشنط في الشقة جا ابن صاحب الشقة وجايب فاتورة مال الشقة عشان ندفعلهم اظاهر كذا نظامهم شي ياخذوا اخر شي لما تطلع من الشقة وشي منهم ياخذوا المبلغ اول شي، وقت الدخول، على العموم وانا طلعت اوراق الحجز وكان في فرق في السعر هو حاط مبلغ اضافي تقريبا 40 يورو وقلت له ليش الزيادة قال مال التنظيف قلتله لا ما حسب الاتفاق وراويته الاوراق ورسائل الايميل الي يبين فيه انه التنظف يكون على صاحب الشقة ما في رسوم زيادة عليه، وفي الحقيقة هذه النقطة مهمة جدا يجب الانتباه عليها لأنه انا وقت ما حجزت ما كان واضح رسوم التنظيف على من، ولما راسلتهم في البوكينج وهم قاموا وراسلوا صاحب الشقة وحده اقر ان الرسوم ما علي مال التنظيف يكون على صاحب الشقة.

بس بعدين الولد قال اوه يمكن بالغلط لكن المهم قال ما مشكلة ما دام عندك الاثبات خلاص انت معفي

واذكر دفعت له 300 يورو لخمس ليالي، وبعد ما دفعت واخذت الايصال منه وريحنا شوي كان الوقت يشير الى الساعه 5 مساءاً قلنا نعمل رفرشمنت وبعدين نطلع للزحليقة كانت قريبه من الشقة تقريبا 5 دقائق بالسيارة، زحليقة سالفدين مشهورة في زي لام سي وممتعه للكبار والصغار المهم عملنا رفرشمنت وبعدين رحنا للزحليقة، بس للاسف حصلناها مغلقة الجماعه ساعه 5 يسكرو احنا وصلنا عندهم تقريبا الساعه 6 متاخرين بساعه، وبعدين قلنا ليش ما نروح نشوف زي لام سي ما دام واصلين ترا بنفس الطريق واكملنا المسير الى ما وصلنا البحيرة وما شاءالله الجو كا في امطار وحقيقة قبلها كم يوم مستوي امطار غزيرة في النمسا في المنطقة الشمالية منها وصارت انهيارات ارضيه وفيضانات، كنا نشوف في الاخبار في التلفزيون لما كنا في جارمش وانا قلت للمدام انه مستوي كذا وكذا وصاحب البيت يوم خبرنا مال النمسا قال ايوا قريب من هنا ورا هذيك الجبال الي كانت بعيدة اصلا بس مقابل المنطقة الي كنا ساكنين فيها، طبعا المدام خبرتها ولما وصلنا هناك وشفنا الامطار المدام خافت قالت لا ما تكمل خلا راجعين

صور من الامطار في زيل ام سي والبحيرة

المهم رجعنا أدراجنا أهم شي عرفنا مكان الزحليقة والتوقيت مالهم وتعرفنا على بحيرة زي لام سي والخلجيين ما شاءالله عليهم تارسين المكان مستوي (سوق نايف) بعدها بصراحه كنا جوعانين رجعنا للشقة، والمدام جزاها الله خيرا قالت بسويلكم غدا والعشا والجو كان جدا جميل ورومنسي وأكلنا في البلكونه مثل ما تشوفو

وبعد ما تعشينا وسمعنا صاحب الشقة يدق الباب وفتحنا الباب وقالنا اليوم في العاب ناريه على الجبل الي يطل مقابل الشقة ممكن تشوفوها من نافذة المطبخ تتذكروا يوم قلتلكم بخبركم السالفة مال الجبل هي هذه السالفة

، ما اعرف ايش قالي في مناسبه بس نسيته المهم مسكين خبرنا عشان نشوف ويستانسو الصغار بالفعل بعد دقائق بدأت الالعاب النارية على سفوح الجبل وكان المنظر جدا جميل صورت بس للاسف ما كان واضح، المهم ظلينا نشوف الالعاب النارية وبعد ما خلصت خلدنا للنوم والراحه استعدادا للغد للذهاب الى الزحليقة الصيفية والذهاب الى شلالات كريمل اتمنى عجبتكم حلقة اليوم انتظرونا في الحلقة السادسة إلى اللقاء.

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة السابعة

بعد ما صحينا وفطرنا كالعادة، اليوم فكرنا في برنامج لترفيه الاطفال بعد ما شفنا الشلال والطبيعة، الاماكن الترفيهية للاطفال كانت مسجلة معنا في جهاز الجارمن، بس الجو ما ساعدنا نروح الملاهي حيث كانت امطار غزيرة وبرودة شوي فقلت في نفسي خليني استشير صاحب البيت وبالفعل نزلت له تحت وقلت ممكن تساعدني للاماكن الترفيهية القريبة للاطفال والمغلقة، فجزاه الله خير عطاني بعض العناوين للفعاليات المغلقة ومن بينهم كان منتجع تورن عبارة عن مسبح للاطفال والكبار وفيها جاكوزي وسونا ورياضات اخرى، والعجيب في هذا المنتجع ان درجة الماء المسبح يكون بين 30 و35 درجة مئويه وقلنا يا سلام الماء دافئ لنجرب هذه المغامرة الجديدة، ويقع هذا المنتجع في قرية كابرون بعد بحيرة زيل ام سي مباشرة،

وبعدها تجهزنا واخذنا معنا ملابس السباحة للأولاد كنا جايبينها معانا من عمان، وإلى المنتجع مباشرة يبعد من الشقة حوالي نصف ساعه فقط، واحنا في الطريق الى المنتجع وكانت امطار بين المتوسطة والغزيرة، وعند الوصول الى المنتجع المواقف هنا بالمجان

انا نزلت الاولاد عند البوابة الدخول وبعدين وقفت السيارة في المواقف ورحتلهم واذكر كان امطار عزيرة وبعدها ما دخلنا وعند الرسبشن شافوا عدننا واستغربوا ترا يمكن ما شافوا شله مثلنا قبل

المهم اشترينا تذاكر دخول اعتقد حسبوا اثنين كبار و3 صغار والصغيرتين ما حسبوهم الاسعار ما اتذكرها بس اتوقع ما اقل عن 50 يورو، وعطونا مفتاح حال الخزان لحفظ الاغراض، وعلى طول دخلنا وشفنا ما في زحمة مع انه عندهم الويك اند، وبعدها بدلنا ملابس الاطفال والى المسبح في قسم للكبار وقسم للاطفال احنا طبعا رحنا لقسم الاطفال وكان المكان شبه فاضي.. والاولاد استانسوا كثير لما شافوا المسبح والماء الدافئ وكان في زحاليق لزيادة المتعة للاولاد وهنا بعض من الصور والاطفال وهم في المسبح ،

هذا المسبح مخصص للاطفال والكبار مع ابائهم من العمر 5 سنوات فما فوق

هذه المسبح فقط للصغار ما بين 3 الى 5 سنوات، وتلاحظون في الخلف درجة الحرارة تبين في اللوحة الخلفية،

ومن هنا تلاحظون الزحاليق تمتد للخارج وتلف وترجع داخل المسبح وايضا بامكان الاطفال السباحه في المسبح الخارجي والماء الخارج درجة حرارته ليس كالداخل اولادي راحو الكبار يجربوا وهذه بعض الصور،

صور المسبح الخارجي،

وشوفوا معي كيف كانت الاجواء في الخارج ،

وبعد ما خلصوا الاطفال السباحه، كان فيه مكان العال للاطفال عبارة عن قفص وبها كورات صغيرة كما في الصورة،

وبعدها طلعنا من المنتجع وأخذنا جولة في قرية كابرون، وأيضا يوجد بها تلفريك تصدك الى الاعلى وفي مناظر للثلج احنا ما رحنا لانه ما بغينا نعيب نفس الشيء شفناه في جارمش وقلنا نشوف اشياء اخرى ونجرب شي جديد، على العموم بعدها رجعنا الى سوف نايف عفواُ أقصد بحيرة زيل ام سي وكنا حقيقة جوعانين والاطفال بعد ورحنا وتفقدنا المطاعم وحصلنا هذا المطعم عنده البيتزا وكان لذيذ بعض الصور من المطعم بالخارج والوجباتا التي يقدموها بالاضافة الى خدمات اخرى،

وبعد ما تغدينا وتوقفت الامطار، أخذنا جولة عند البحيرة وهذه بعض الصور منها وتلاحظون فندق جراند بالخلف هذا الفندق مشهور في زيل ام سي ويقنطه الكثير من الاسر الخليجية واتوقع غالي

ويوجد قوارب للايجار كما تشاهدون في الصور،

أينما تنظر تسر ناظريك على اليمين،

وعلى اليسار ،

وفي الوسط،

والضيوف متواجدين في كل البحيرات،

بصراحه البحيرة روعه والمناظر المطلة للبحيرة شي خيالي ونقول دائما سبحانه الله وما شاءالله اللهم ارزقنا جنة الفردوس،، آميين

والمزيد ،،

وتلاحظون عند مشيكم الكثير من العوائل الخليجية تتمشى في هذا المكان تحسن نفسك في بلد عربي مو اوروبي

بعض العوائل محترمة بصراحه وبعض العوائل الله يستر عليهم،،

وبعدها اخذنا سيارتنا ورجعنا، بالمناسبة المواقف كلها بفلوس بالقرب من البحيرة، وصورة لطريقنا عند العودة، وبالمناسبة هذا الطريق بالقرب من الزحليقة الصيفية، وبعد الوكالة على اليسار مباشرة يوجد لفة تلف يسار ومن ثم يمين وتروح على طول وتحصل مسجد على يدك اليسار الي قال عنها الاخ العزيز العمرس وشفته وصورة منها بعد، بس ما في محل بقاله بجانبه كما اخبرنا الزعييم، اظاهر جماعه سكروا محلهم وشفت واحد تركي وقلت له ما شي محل هنا قال لا كله في زيل ام سي، وهما الاتراك بنوا هذاك المسجد ويوجد مصلى للنساء بعد جزاهم الله خير،

ورجعنا للشقة وبعدها اظن طبخنا للعشاء وبعدها للنوم والاستعداد للغد،

وهكذا انتهت حلقتنا اليوم اتمنى ان نال اعجابكم ونلتقي في الحلقة الثامنة وحديقة الملاهي للاطفال ايضا وزيارة بحيرة هلشتات تابعونا،

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة الثامنة

بعد ما صحينا وفطرنا كالعادة، اليوم فكرنا في برنامج ثاني لترفيه الاطفال وبعد الاطلاع على اخبار الجو قررنا نروح حديقة ملاهي ونلعب الاولاد، المهم احنا كنا مقررين نروح حديقة قريبة من مكان شقتنا بس بعدين اكتشفنا رحنا بعيد تشابه في اسماء الملاهي المهم الحديقة الي رحنالها موجودة بعد الحدود النمساوية على الأراضي الالمانية. واسم الحديقة موجودة فوق وتبعد عن سالفدين في حدود ساعه كاملة، الطريق كان حلو وممتع بين السهول والجبال والخضرة وانا اضحك مع المدام واقولها هذا الطريق يذكرني ولاية من ولايات بلادنا الحبيبة، بس المختلف ان هنا كله الجبال تشوفها اخضر وعندنا تشوفها بني

المهم، قبل ما نطلع من البيت اخذنا غدانا معنا عشان مسوين نية نتغدى في بحيرة هلشتات، المهم مشينا وكان البنزين ناقص شوي ورحنا ونعبي ديزل وفيه محطات كثيرة في المنطقة الي ساكنين فيها بس عليك تقارن في الاسعار وحقيقة لاحظت سعر البنزين بشكل عام كان ارخص من المانيا، وعموماً في الدول الاوروبية تعبى البنزين بنفسك وتروح تدفع عند الكاشير وتخبرهم عن رقم الجهاز الي عبيت منها البنزين أو تدفع بالبطاقة كما في الصورة،

وبالقرب من محطة كان في سوبر ماركت اسمه سبار كبير العمرس كان يتكلم عنها في تقريره، وبالفعل كل مكان موجود، اشتريت بعض الخفائف والفواكه للدرب، المهم شدينا الهمة والى حديقة الملاهي ،
بعض الصور من الشارع واحنا ماشين،

وأيضا يوجد أنفاق كثيرة في النمسا والمانيا،

وفي المانيا يوجد شوارع ذات السرعة الغير محددة فالواحد يمشي ويسرع على كيفه بس اهم شي ينتبه في السواقه، والي ان وصلنا في الحديقة ووقفنا السيارة وطبعا بفلوس تقريبا 3 يورو ليوم كامل، في الحقيقة الحديقة كانت في مكان مرتفع يعني بعد ما نزلنا من السيارة مشينا فوق للاعلى وبعد ما تصعد فيها نزول وصعود كان في مشقة شوي بس استمتعوا الاولاد والحمدالله ، واحنا طالعين فوق كنت ادف عربة اميرتي الصغيرة وهي جالسة وماسكة ايبود تلعب بيه وفجأة طاح الايبود وعلى المنحدر الحاد بجانب الممشى واحنا صاعدين بمسافة والمكان اساسا خطير شوي، انا توقفت وقلت للمدام بروح اجيبه وقالت لا خليه ما مشكلة، قلت افا كيف نخليه ونروح عنه ما يصير المهم، شوي ورحت اجيب الايبود وفي هذا الاثناء زوجين عجايز يشوفوا علي وعلى المدام وكانهم يشوفوا فلم اكشن

ويقولوا في نفسهم تو مو يسوي ابو الشباب، المهم حصلت الايبود وجبته وصوره منها،

صور الممشى،

بعد ما صعدت فوق وصفقوا لي الجماعه

المهم بعدها اكملنا الصعود الي ما وصلنا واكتشفنا بعد ما وصلنا في مواقف فوق بس ما اعرف كيف يروحولها المهم انا قلت يا تعبنا انفسنا والاولاد وفيه مدخل ثاني بس الاخ الي تحت عند المواقف ما قالنا عن هذا المدخل بس بعدين لما استفسرنا قالوا هذا المدخل حال المعوقين بس.. المهم كملنا سيرنا الى ان وصلنا قدام مدخل الحديقة وهذا الاخ كان في الاستقبال

وهذا المدخل، والدخول بتذاكر تقريبا دفعنا 40 يورو والالعاب الداخلية معظمها مجانا ما عدا بعض الالعاب تدفع لها بالعملات المعدنية ابو يورو تقريبا،

بعض الشلالات والمجسمات في البداية،

وفي الحقيقة هذه الحديقة مناسبة جدا للاطفال الصغار يعني مال 3 سنوات فما فوق اولادي كثير استانسوا فيه والحمدالله وفكرة الحديقة مستوحاه من حياة الاقزام

اترككم مع الصور،

ممرات وجسور حلوة وتجري النهر من التحت، وإبنتي الكبيرة،

اميراتي الصغيرات لعبوا هنا وانا واولادي الكبار رحنا لقطار الموت،

والمزيد من الالعاب،

وايضاً يوجد درجات كهربائية،

وبعدين شفنا الحيوانات العملاقة واولادي صوروا معاهم، اميرتي الصغيرة في الصورة الثانية تشوف على ورا وخايفة لانه التمثال يطلع صوت ويتحرك فمه والمسكينه تفكره حقيقي

وأيضاً أصروا يصوروا مع هذا الشيبة،

وبعدها الى القطار،

والاميرة الصغيرة مستانسة عل الآخر،

وجلسنا فيها مدة لا بس بها وبعدها خرجنا من الحديقة والمسير الى بحيرة هلشتات الساحرة، وحقيقة المسافة كانت ابعد شوي يعني اخذنا مال ساعتين تقريبا ومرينا على قرية ابتناو الي ذكرها العمرس والعريس في تقريرهم بس ما ركبنا الزحليقة لان الوجهة كانت محددة وكنا متشوقين حالها، المهم بعد طريق طويل وشيق وصلنا بحفظ الله الى بحيرة هلشتات الرائعة والخيالية بصراحه عجبتني كثير، وكنا في الحقيقة جوعانين حتى اول ما وصلنا وحصلنا المواقف وقفنا السيارة وعلى طول فرشنا والهجوم، مثل ما تشوفو وطبعا الضيوف موجودين كل البحيرات،

وهذه صورة للمنظر العجيب للبحيرة والبيوت المطلة على الجبل للبحيرة والوز عندهم جولة،

المناظر روعه وخيالية للبحيرة، ونقول سبحانه الله وما شاءالله والحمدالله،

في الحقيقة كان يوجد مكان اخر للبحيرة ومجسم لليد على الجبل حيث يقفوا الناس عليها ويصورا بس احنا كنا مرهقين وتعبانين وايضا ما كنا نعرف فيه مكان قدام واحلى بس ما عليه المرات الجاية ان شاءالله تعالى،

وهذا منظر البحيرة قبل وداعها،

بعدها رجعنا للشقه ومناظر عجيبه في الطريق،

انظروا هذاك الشي الابيض فوق الجبل يكون الثلج،

وهذا ونسئل الله تعالى ان هذه الحلقة نالت اعجابكم ونلتقي بكم في الحلقة القادمة، التاسعة ومدينة سالزبورغ التاريخية، ومدينة الموسيقار الشهير كما يقولوا الشباب والشياب للاخ موزارت بس ما دخلنا بيته بس وحدنا ما باغيين

وبعدها زيارة البحيرات الجميلة القريبة منها،

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة الثامنة

بعد ما صحينا وفطرنا كالعادة، اليوم فكرنا في برنامج ثاني لترفيه الاطفال وبعد الاطلاع على اخبار الجو قررنا نروح حديقة ملاهي ونلعب الاولاد، المهم احنا كنا مقررين نروح حديقة قريبة من مكان شقتنا بس بعدين اكتشفنا رحنا بعيد تشابه في اسماء الملاهي المهم الحديقة الي رحنالها موجودة بعد الحدود النمساوية على الأراضي الالمانية. واسم الحديقة موجودة فوق وتبعد عن سالفدين في حدود ساعه كاملة، الطريق كان حلو وممتع بين السهول والجبال والخضرة وانا اضحك مع المدام واقولها هذا الطريق يذكرني ولاية من ولايات بلادنا الحبيبة، بس المختلف ان هنا كله الجبال تشوفها اخضر وعندنا تشوفها بني

المهم، قبل ما نطلع من البيت اخذنا غدانا معنا عشان مسوين نية نتغدى في بحيرة هلشتات، المهم مشينا وكان البنزين ناقص شوي ورحنا ونعبي ديزل وفيه محطات كثيرة في المنطقة الي ساكنين فيها بس عليك تقارن في الاسعار وحقيقة لاحظت سعر البنزين بشكل عام كان ارخص من المانيا، وعموماً في الدول الاوروبية تعبى البنزين بنفسك وتروح تدفع عند الكاشير وتخبرهم عن رقم الجهاز الي عبيت منها البنزين أو تدفع بالبطاقة كما في الصورة،

وبالقرب من محطة كان في سوبر ماركت اسمه سبار كبير العمرس كان يتكلم عنها في تقريره، وبالفعل كل مكان موجود، اشتريت بعض الخفائف والفواكه للدرب، المهم شدينا الهمة والى حديقة الملاهي ،
بعض الصور من الشارع واحنا ماشين،

وأيضا يوجد أنفاق كثيرة في النمسا والمانيا،

وفي المانيا يوجد شوارع ذات السرعة الغير محددة فالواحد يمشي ويسرع على كيفه بس اهم شي ينتبه في السواقه، والي ان وصلنا في الحديقة ووقفنا السيارة وطبعا بفلوس تقريبا 3 يورو ليوم كامل، في الحقيقة الحديقة كانت في مكان مرتفع يعني بعد ما نزلنا من السيارة مشينا فوق للاعلى وبعد ما تصعد فيها نزول وصعود كان في مشقة شوي بس استمتعوا الاولاد والحمدالله ، واحنا طالعين فوق كنت ادف عربة اميرتي الصغيرة وهي جالسة وماسكة ايبود تلعب بيه وفجأة طاح الايبود وعلى المنحدر الحاد بجانب الممشى واحنا صاعدين بمسافة والمكان اساسا خطير شوي، انا توقفت وقلت للمدام بروح اجيبه وقالت لا خليه ما مشكلة، قلت افا كيف نخليه ونروح عنه ما يصير المهم، شوي ورحت اجيب الايبود وفي هذا الاثناء زوجين عجايز يشوفوا علي وعلى المدام وكانهم يشوفوا فلم اكشن

ويقولوا في نفسهم تو مو يسوي ابو الشباب، المهم حصلت الايبود وجبته وصوره منها،

صور الممشى،

بعد ما صعدت فوق وصفقوا لي الجماعه

المهم بعدها اكملنا الصعود الي ما وصلنا واكتشفنا بعد ما وصلنا في مواقف فوق بس ما اعرف كيف يروحولها المهم انا قلت يا تعبنا انفسنا والاولاد وفيه مدخل ثاني بس الاخ الي تحت عند المواقف ما قالنا عن هذا المدخل بس بعدين لما استفسرنا قالوا هذا المدخل حال المعوقين بس.. المهم كملنا سيرنا الى ان وصلنا قدام مدخل الحديقة وهذا الاخ كان في الاستقبال

وهذا المدخل، والدخول بتذاكر تقريبا دفعنا 40 يورو والالعاب الداخلية معظمها مجانا ما عدا بعض الالعاب تدفع لها بالعملات المعدنية ابو يورو تقريبا،

بعض الشلالات والمجسمات في البداية،

وفي الحقيقة هذه الحديقة مناسبة جدا للاطفال الصغار يعني مال 3 سنوات فما فوق اولادي كثير استانسوا فيه والحمدالله وفكرة الحديقة مستوحاه من حياة الاقزام

اترككم مع الصور،

ممرات وجسور حلوة وتجري النهر من التحت، وإبنتي الكبيرة،

اميراتي الصغيرات لعبوا هنا وانا واولادي الكبار رحنا لقطار الموت،

والمزيد من الالعاب،

وايضاً يوجد درجات كهربائية،

وبعدين شفنا الحيوانات العملاقة واولادي صوروا معاهم، اميرتي الصغيرة في الصورة الثانية تشوف على ورا وخايفة لانه التمثال يطلع صوت ويتحرك فمه والمسكينه تفكره حقيقي

وأيضاً أصروا يصوروا مع هذا الشيبة،

وبعدها الى القطار،

والاميرة الصغيرة مستانسة عل الآخر،

وجلسنا فيها مدة لا بس بها وبعدها خرجنا من الحديقة والمسير الى بحيرة هلشتات الساحرة، وحقيقة المسافة كانت ابعد شوي يعني اخذنا مال ساعتين تقريبا ومرينا على قرية ابتناو الي ذكرها العمرس والعريس في تقريرهم بس ما ركبنا الزحليقة لان الوجهة كانت محددة وكنا متشوقين حالها، المهم بعد طريق طويل وشيق وصلنا بحفظ الله الى بحيرة هلشتات الرائعة والخيالية بصراحه عجبتني كثير، وكنا في الحقيقة جوعانين حتى اول ما وصلنا وحصلنا المواقف وقفنا السيارة وعلى طول فرشنا والهجوم، مثل ما تشوفو وطبعا الضيوف موجودين كل البحيرات،

وهذه صورة للمنظر العجيب للبحيرة والبيوت المطلة على الجبل للبحيرة والوز عندهم جولة،

المناظر روعه وخيالية للبحيرة، ونقول سبحانه الله وما شاءالله والحمدالله،

في الحقيقة كان يوجد مكان اخر للبحيرة ومجسم لليد على الجبل حيث يقفوا الناس عليها ويصورا بس احنا كنا مرهقين وتعبانين وايضا ما كنا نعرف فيه مكان قدام واحلى بس ما عليه المرات الجاية ان شاءالله تعالى،

وهذا منظر البحيرة قبل وداعها،

بعدها رجعنا للشقه ومناظر عجيبه في الطريق،

انظروا هذاك الشي الابيض فوق الجبل يكون الثلج،

وهذا ونسئل الله تعالى ان هذه الحلقة نالت اعجابكم ونلتقي بكم في الحلقة القادمة، التاسعة ومدينة سالزبورغ التاريخية، ومدينة الموسيقار الشهير كما يقولوا الشباب والشياب للاخ موزارت بس ما دخلنا بيته بس وحدنا ما باغيين

وبعدها زيارة البحيرات الجميلة القريبة منها،

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة التاسعة

بعد ما صحينا وفطرنا كالعادة، اليوم برنامجنا استكشاف مدينة سالزبورغ مدينة الموسيقار الشهير موزارت حسب قولة الشباب وفي الحقيقة انا لا اهتم بتاريخهم فبالتالي لا اعرفه ولا اعرف الموسيقى الي يكان يعزفها، على العموم المدينة جميلة وبها نهر جميل واسم النهر السالزاك، لابد الي يروح سالزبورغ يشوفها،
على العموم الطريق من سالفدين الى سالزبورغ تقريبا ساعه وشي، والطريق شيق وممتع كباقي الطرقات في النمسا، الواحد ما يمل لما يسوق في شوارع اوروبا بصراحه، المهم اول ما وصلنا وبدأت تتلاشى مناظر الطبيعة وبدأت تبرز ملامح المدن والبنايات، وحقيقة لما وصلنا قريب من المدينة ضعنا في اللفات شوارع كثيرة ووصلنا محل اسمه IKEA بعض الناس يحبوا يتسوقوا من هذا المحل لأغراض بيوتهم

بضاعتهم زينه واسعارها مناسبة احنا ما دخلنا بس لفينا عندها بالغلط وبعدين الجارمن ما قصر اصر يودينا الطريق الصحيح، المهم وصلنا سالزبورغ وشفنا هذه النوع من الباصات الكهربائية ،

ودخلنا وسط الزحام والدخان تذكرت لندن وقتها، والمدن المزدحمة بعدها توجهنا الى المواقف القريبة من النهر السالزك وبيت الاخ موزارت، ووقفنا السيارة واخذنا التذكرة يوم نرجع ندفع حال الموقف، المهم مشينا ودخلنا في حديقة ومرينا بالقرب من جامعة سالزبورغ، وعلى الجهة الاخرى شفنا هذا النهر الجميل ومشينا على الجسر الى الجهة الاخرى والجو كان حلو،

صورة لممر النهر،

وصورة للخلف على الجهة الاخرى وشفنا هذه المنارة كانه مال مسجد بس هذا طلع كنيسة ما مسجد،

واحنا ماشيين شفنا حديقة على اليمين والاطفال طبعا هجوم عليها،

وبعد اللعب والمرح اكملنا المسير وحصلنا كشكات مقاهي على ضفاف النهر وخذينا آيسكريم حال الاولاد، ومشينا وبعدها صعدنا الجسر مرة اخرى وفي هذا الجسر شفنا انواع واشكال من الاقفال، حسب قول الشباب والشياب عوين هذا قفل مال المحبين الي يجي هنا ويسوي قفل بيتقفل قلبه مع الي يحبه طول العمر، ما علينا خلف هذه الصورة تشوفوا قلعة المشهورة مال مدينة سالزبورغ احنا ما رحنالها لأننا ليس من محبي القلاع وأصلا صعبة مع الاطفال الصغار خصوصا فيها صعود وسلالم للقلعة،

واحنا ماشين شفنا في الجهة المقابلة هذا الفندق الجميل المطل على البحيرة،

بعدها اكملنا السير الى وبالقرب من بيت الاخ موزارت وقريبه منه حديقة ميرابل حديقة جميلة وبهى ورود على اشكال نص دوائر وايضا التصوير لا بد منه،

وبعد التصوير في الحديقة والخروج منها وبعدها مرينا عند بيت الاخ موزارت وسلمنا عليه من بعيد بس عشان ما يزعل علينا،

وبعدها الى مواقف السيارات ودفعنا لتذكرة السيارة وبعدها قلنا للجارمن جوعان ود حلال شوفلنا مطعم يرحم والديك، وبعدها الجارمن طلعلنا مطاعم كثيرة وراسنا داير وين ناكل وايضا شفت مطاعم تركية بس ما بغينا شاورما بعدها واحنا نتمشى شفنا مجمع تجاري من بعيد ورحنا له نسيت اسمه المهم وتقربنا منه ومرينا بالقرب محطة الباصات وانا بالغلط دخلت خط الباصات وكان في باص يدعمني بس الله ستر، المهم شردت من هذاك المكان جالس ادور طريق دخول المجمع وبعدين حصلتها كانت خلف المجمع ما كان تبين بس قبل ما ندخل شفنا المطعم من برع المجمع وشفنا مكتوب عليها حلال، وقلنا خلاص ندخل وناكل من هنا وبالفعل دخلنا المواقف من الخلف ووقفنا السيارة في مواقف السرداب وبعدها صعدنا بالمصعد الى الاعلى وحصلنا المطعم، واصحابه كانوا اخوانا المصريين وجلسة المطعم حلوة ومريحه والاكل كان طيب صور للمطعم من الداخل وقائمة الاسعار،

واحنا طلبنا عيوش مع بيتزا جوعانين زين

، والاكل كان طيب، اخوانا المصريين ما يقصروا في الاكل، وبعدها تمشينا شوي في المجمع وفيها محلات كان فيها تنزيلات والمدام تشرت شوي للأولاد، وبعدها خرجنا من المجمع الى بحيرات القريبة من مدينة سالزبورغ، لأنه كان عندنا وقت كافي فقررنا نتمشى في البحيرات القريبة وبعدها نرجع للشقة ، المهم رحنا لبحيرة موندسي أولاً وكانت المسافة من سالزبورغ الى البحيرة تقريبا نصف ساعة، وحقيقة البحيرة جميلة والمناظر حولها في غاية الجمال، وإليكم بعض الصور منها،

الصورة هذه مرسى للقوارب وايضا تشوفوا معي في الخلف مواقف السيارات وكانت فري، أي مجانا،

على اليمين من امام البحيرة،

ومن اليسار على واجهة البحيرة،وانظروا الى البيوت المطلة على السفوح والجلسات مقابل البحيرة منظر جميل اليس كذلك،

وهذه امامي بالضبط، واشوف الشباب واقفين قدامي،

ويوجد حديقة جنب البحيرة ومراجيح للأطفال وبعض المقاهي والجلسات والناس مستانسة والحمدالله،،

والاميرة الصغيرة ما يفوتها الزحلوقة وين ما حصلته،

بعدها خرجنا من هذه البحيرة والى البحيرة الثانية ولف جانج سي، والمسافة لتلك البحيرة تقريبا 25 دقيقة، والمناظر تتشابه للبحيرتين وأيضاً توجد بها مراجيح للأطفال وبعض المقاهي والجلسات،
صور البحيرة والضيوف موجودين في كل مكان

المراجيح،

المقاهي،

من امام البحيرة،ولوحة تبين فيها اسعار ايجار القوارب،

وعلى يمين البحيرة،لاحظو معي صفاء ماء البحيرة سبحان الله الاحجار واضحة تحت الماء،

وصورة من يسار البحيرة،

والضيوف،

والجلسات المطلة على البحيرة،

أميرتي الصغيرة مصرة تقطف ورد لأبيها وأمها ،

وبعدها بدأت الشمس بالمغيب،

وقلنا للشلة خلا غايته الشردة قبل ما يظلم، ورجعنا الى الشقة ومرينا أيضا بين الجبال والسهول والمناظر الجميلة قرابة ساعة ونصف

وهذه آخر بحيرة شفناها قبل ما نوصل الشقة بس ما عرفنا ايش اسمها كانت على شارعنا،

والبيوت المطلة للبحيرة،

الى ان وصلنا شقتنا وأستعدنا لحزم الاغراض والشنظ، وهكذا اودعنا الجميلة سالفدين ومعشوقة الخليج زيل ام سي وسالزبورغ والبحيرات الجميلة والساحرة، حقا يعشقها من يزورها النمسا ما الومك يا عاشق النمسا

إلى أن نلتقي في الحلقة القادمة والطريق الى ميونح، أتمنا الحلقة كانت ممتعة وتقبلوا مني خالص الود والتحية ،

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة العاشرة



بعد ما صحينا وفطرنا كالعادة، واليوم هو الرحيل من بلاد الطبيعة الخلابة والمناظر الخيالية والبحيرات الرائعة الى مدينة ميونخ المزدحمة

ويا ريتنا طولنا في النمسا بس الواحد يتعلم من تجاربه
وبعد ما فطرنا واستعدينا للرحيل، ونزلنا الشنط والاغراض الى السيارة والتقيت بصاحب البيت وشكرته على حسن الضيافة ومساعدته لنا في بعض الاحيان على الاستفسارات السياحية، وأيضاً أتذكر سألته إذا حد يريد يشتري شقه بكم؟ قالي تقريبا بالعماني 250 الف ريال شقه غرفتين وحمام،

قلتله حلو بفكر اشتري وحدة

يا ريت اقدر المهم ما شلنا اغراضنا وحطيناها في السيارة واستعداد للانطلاق واحنا حقيقة حاطين في بالنا نروح الزحليقة قبل ما ننطلق الى ميونخ، المهم رحنا للزحليقة والجو كان مشمس وحلو بعدها تزحلقنا كل العيلة هذه المرة واستانسوا الاولاد، وبعدها الانطلاق الى ميونخ بعض الصور من الزحليقة،،،

انا وابنتي وابني عند الصعود على الكرسي المعلق وفي طريقنا الى فوق للتزحلق،

وعند خط النهاية في النزول،وكما تلاحظون بعد ما تخلصوا من التزحلق كل واحد يمسك زلاجته ويرجعها للعاملين في الزحليقة بالجهة الثانية،وايضا العرب متواجدين بكثرة كما تشاهدون

انا واولادي المرة الماضية ما ركبنا كلنا قلنا الصغيرة يمكن تخاف والمدام ما ركبت تخوفت بس هذه المرة تشجعنا كلنا وركبنا، بعض الصور الاولاد عند المقهى بالقرب من الزحليقة،

والجو كان مشمس وحر شوي، لابد من شرب الماء

ووداعا سالفدين والزحليقة الصيفية،

وبعض الصور من خروجنا من سالفدين وفي الطريق الى ميونخ،

والمسافة من سالفدين الى ميونخ وتحديداً فندقنا تقريباً ساعتين واحيانا تزيد على حسب زحمة الشارع، المهم الشارع كان حلو وممتع كان فيه مناظر حلوة في بداية الطريق بعدها بدأت تتلاشى عندما كنا نقترب من ميونخ أكثر فا أكثر، وحتى بعض الاحيان تحصل السرعه غير محددة في بعض الشوارع العامة في المانيا ولذلك تشوف الناس تسرع ولكن بحذر

ما كما عندنا الله يستر علينا، صورة من عداد السيارة وانا اسرع ولكن بحذر واشوف سيارات تتجاوزني وانا بهذه السرعه كانه اسوق 60 وهما 120

المهم وأحنا في الطريق العام وكنا قريبين من ميونخ كانت في دورية واقفة في الشارع وتراقب السيارات، وأول ما أحنا مرينا من قدامهم على طول جو ورانا وأنا قلت حال المدام ترا هذيلا جايين حالنا

وأنا أقول حال اولادي كل واحد يجلس مكانه زين ولا حركة

أصلا هما جالسين كانوا زين في أوروبا ما شي واحد واقف واحد متعلق على الدريشة أو في دبة السيارة، كلهم عساكر هناك ترا عندنا خبره شوي يوم كنت ادرس في بريطانيا وكان عندي سيارة واولادي كانوا معي فعودتهم من هناك الانضباط في السيارة، بس لما نيجي عمان كل شي يضيع وتخترب العادة ترا الشرطة ما تسئل عن الحزام للركاب والاطفال ما شي اهتمام من كذا مستويه سايبه الدنيا هنا

، المهم بعض الاحيان انا اتذكر نفسي في اوروبا واخليهم يربطوا الاحزمة حسب المزاج

، ما علينا نكمل الشرطة كانت ورانا واحنا نسرع حسب السرعه القانونية في الشارع وكان 100 كلم ساعه،

المهم رحنا مسافة قدام وهو لا زال ورانا وبعدها جا قدامنا وعمل لنا اشارة اول شي كان مكتوب بلغتهم ما فهمت كان في كتابة على لوحة الكترونيه فوق سيارة الشرطة بعدها شفت كتابه بالانجليزي ومكتوب عليها follow me يعني أتبعني المهم طلع يمين كان في مخرج وأنا طلعت معاه وراه وقلنا وا غيابنا إيش سوينا أنا متأكد أحنا كنا كله قانونيين،

الحقيقة بدأت أخاف شوي وأولادي بعد خافوا قلت في نفسي يمكن سرعت وما عندي خبر وتو يخالفوني، المهم مشينا قدام وبعد شوي شفت قدامي سيارتين او ثلاث سيارات مال الشرطة وفي نقطة تفتيش، المهم الي قدامي الشرطة وقف وتكلم مع الشرطة بو عند نقطة التفتيش وما اعرف ايش قالهم، المهم هذا توكل وراح والشرطة الثانية تولو امرنا وقفوني وانا نزلت من السيارة وقلت لهم مرحبا شباب، المهم قالوا جيب اوراق السيارة والرخصة الدولية مالك، قلت لهم طيب وعطيتهم الاوراق مال السيارة والرخصة الدولية، ضروري تشلوها معاكم انا اول فكرت محد بيسئل عنها بس سبحانه الله ما تعرف كيف الظروف،

المهم بدأو يسئلوني اسئلة ليش جاي المانيا؟ وكم عندك فلوس؟ كاني في مطار مالهم عند الجمارك

نفس الاسئلة بس رديت عليهم على حسب اسئلتهم، وبعدها سألتهم مسوي نفسي مسكين

في خطأ سويته ما اعرف عنها يقول لا بس تفتيش روتيني، وبعدين قالوا شكرا وبس وتوكلت على الله والحمدالله ما في مخالفة ولا شي،
صورة من نقطة التفتيش

بعدها وصلنا ميونخ والطرق الزحمة، وتلاشت مناظر الطبيعة وبدأت ظهور الابنية والعمارات، وبعد اللف والدوران والوقوف في الازدحام وصلنا الى الفندق، وأول ما وصلنا قلت للاولاد أنتظروني شوي لأني ما قادر اشوف وين مواقف الفندق فوقفت خارج الفندق على جنب الشارع، المواقف المؤقتة وبعدها دخلت لاستقبال الفندق وكانت الموظفة الالمانية بالاستقبال وقالت لي نعم سيدي كيف يمكنني ان اساعدك وطلعت اوراق الحجز واعطيتها وشافت في الجهاز وقالت نعم كم عددكم قلتلها العدد 7، وقالت بس هذا الحجز حال 4 اشخاص كبار قلتلها ما عليه احنا 2 كبار والبقية كلهم صغار، قالت ما يصير لازم تدفع لغرفة ثانية قلتلها ما مشكلة انا بتصرف، قلتلها اشوف الغرفة قالت زين، ولما رحت وشفت الغرفة بالفعل طلعت شوي ضيقة عبارة عن 4 اسرة ومطبخ صغير والله يعزكم حمام واحد وضيق، بس لما حجزت بين لي ان الغرفة عائلية وكبيرة، ما علينا انا قلت خلاص ما شي ميزانية نزيد غرفة ثانية لازم كنت ادفع الضعف واذكر كانت اغلى وحدة من الفنادق الي حجزتها واتعسها مقارنة ببقية الشقق الي حجزتها في جارمش وسالفدين، المهم قلتلهم ما مشكلة بنجلس في الغرفة كلنا بنتصرف، وبعدها عطوني مفتاح الغرفه وقالوا المواقف تحت الارض في الخلف وخبروني كيف الطريقة مال فتح باب المواقف والخروج منها بس المواقف كان احلى شي في هذا الفندق في مأمن تام

بعدها وصلنا للمواقف ونزلنا الاغراض وما حد يساعدك اخدم نفسك بنفسك مع ان الفندق 3 نجوم والمصعد ما شي من تحت عند المواقف الى الغرف، انا شليت الاغراض والشنط شوي فوق للطابق الارضي وبعدين شليتهم في المصعد وكان ضيق، الاولاد ساعدوني جزاهم الله خيرا في الاغراض

وبعدها رتبنا الغرفة بحيث دمجنا الاسرة للاولاد عشان يناموا مع بعض ويصير مكان اكثر لهم، وما في امكانية تزيد سرير اضافي في الغرفة، بس كفانا والحمدالله، بس نصيحه ما مناسب للعوائل الكبيرة هذا الفندق.

بعدها اخذنا شوي رفرشمنت والمدام جزاها الله خير طبخت لنا المعكرونية، مثل ما تشوفوا من الجوع ما بقى شي

بعد الاكل كان في وقت وقلنا للأولاد خلا نضرب لفة حول الفندق قبل مغيب الشمس، وبالفعل نزلنا للشارع وخذينا بعض المعلومات عن الباصات والقطارات من استقبال الفندق والخرائط ولازم يكون معك عنوان الفندق عن تغيب ولا شي

وبعدها رحنا لموقف الباص وهذا عنوان محطة وموقف الباص والشباب متحمسين لركوب الباص

اسم محطة موقف الباص القريب من الفندق،

الاولاد وجالسين ينتظروا الباص،وجنبهم حرمة هندية ولاحظت الهنود لا بأس بهم وملبارية بعد في ميونخ

منظر من داخل الباص، الحلو في باصاتهم الجماعه في مكان للمعوقين وعربات الاطفال

بعدها رحنا للمحطة الي في السوق وكنا بغينا نروح اولمبيا بارك ولكن الاطفال شوي تعبوا فغيرنا الخطة فقط رحنا وشفنا محطة القطار واخذنا شوية خفائف للاطفال من سوبرماركت الموجود عند محطة القطار وماء شرب بس يجب الانتباه هناك عندهم نوعين ماء غازي وغير غازي لازم تتاكدوا انه غير غازي انا مع اني شفت بعض تقارير الشباب ونبهوني بس بعدني تلخبط ولكن الخطأ كان من راعي المحل قلتله هذا الماء غازي قالي لا بعدين طلع غازي لما وصلنا الفندق بس بعدين رجعته لما طلعنا مرة ثانيه

ويجيه غطا لونه اخضر او ازرق لازم تتاكدوا مرتين.

والتنقل في المدن يكون بالباص او القطارات احسن من تاخذ سيارتك بسبب الزحام ومضيعة الوقت، بس بعض الاحيان تحتاج للسيارة مثلي عندي عائلي واطفال فصعب تتنقل كل مكان بالباص او القطار وأيضاً بعض الاحيان الجو يكون بارد بس لما كنا هناك في شهر يونيو ويوليو الاجواء طيبه وحارة نوعا ما خاصة في المدن، واحنا استخدمنا الباصات والقطار لما تمشينا في ميونخ والحمدالله الامور كانت طيبه.

المهم بعدها رجعنا للفندق ونفس موقف الباص نزلنا بس الجهة المقابلة وبعدها اخذنا جولة للفندق وفي مكان للعب الاطفال وديتهم هناك ولعبوا الصغيرين شوي وبعدين رجعنا للغرفة والخلود للنوم والراحة والاستعداد لحديقة الملاهي ليجولاند

أتمنى ان استمتعتم اليوم، مع انه الصور يمكن ما حلوة وما كثيرة ترا ودرنا الطبيعة والمناظر الحلو على العموم نلتقي بكم في الحلقة الحادي عشر ومع الملاهي ومع الف سلامه.. ...

​

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة الحادي عشر



بعد ما صحينا الصبح البرنامج هنا متغير شوي الفطور يكون في مطعم الفندق حيث كان الحجز مع الافطار، والفطور مالهم لا بأس به عبارة عن حبوب افطار حليب وخبز توست وجبن وبيض مسلوق ومربى وعصائر والجلسة بعد لا بأس به بس غير لما تفطر وتشوف المناظر الطبيعية والبحيرات على طبيعتها ما كما في الصورة

، على العموم هذا هو جلسة الافطار في فندق الي سكنا فيه،

بعد ما فطرنا وفطرنا الاطفال والاستعداد للانطلاق الى الملاهي وتبعد المسافة من فندقنا للملاهي ما يقارب ساعه ونصف، خرجنا من الفندق على الساعه 12 ظهرا تقريبا، الطريق كان مزدحم في البداية وبعدها دخلنا للشارع العام والشارع طويل ومريح وشخطه على قولة اخوانا

، المهم واحنا في الطريق تقريبا عدينا نصف المسافة فجأةً نشاهد إزدحام في الشارع العام وقلنا كيف مو مستوي خير ان شاءالله، المهم بدأنا نمشي شوي شوي حبه حبه الى ما توقفنا تماما

أنا قلت معقول كذا توصل الحال بالوقوف، المهم توقفنا في منتصف شارع العام والجو كان حار أتذكر درجة الحرارة كانت في منتصف الثلاثينات، على العموم بعد الوقوف اكثر من ربع ساعه في السيارة ونزلت واشوف ناس كثير تنزل من سياراتها، المهم كان جنبي شخص الماني ونزل من سيارته وقلت له كيف خير مو مستوي هناك قدام، قال في شاحنه منقلبة، وياخذ وقت الى ما يفتحو الشارع، أنا قلت واغيابنا عجب بنبات الليلة هنا في الشارع كان فيه مخارج من الشارع العام بس انا بغيت استكشف في هذاك الوقت، بعض الصور واحنا في الشارع العام،

وابنتي تعبت المسكينه من الانتظار،

فقررنا كلنا ننزل من السيارة ونتصور،

وجلسنة فترة طويله يمكن ساعه او اكثر وقلت للاولاد كيف الوقت ضاع نرجع ونجي باكر ولا نكمل المسير، عشان الملاهي ياخذ وقت في الطوابير الالعاب وخلافه.. بس الاطفال كان متحمسين كثير قالوا لا بابا لازم نروح قلتلهم زين المهم بدأت السيارات تتحرك شوي شوي الى ما وصلنا عند مكان الحادث وصور منها،

والمهم اكملنا المسير الى ان وصلنا حديقة الملاهي، وفي الحقيقة كنا حاطين في بالنا لازم نروح احدى حادئق الملاهي في ميونخ، وحقيقة كان فيه حديقة ثانية بعد اسمها سكاي لاين بارك بس لما شفت العابها حسيتها معظمها للكبار فقلت احسن نروح ليجو لاند في مراجيح كثيرة للاطفال هناك، المهم وقفنا السيارة في المواقف المخصصة وقبل ما تدخل المواقف يعطوك تذكرة وممكن تدفعها عند الكاونتر ما التذاكر في نفس وقت شرائك للتذاكر وحقيقة اسعار التذاكر كانت غاليه شوي اظن ما يعادل 100 ريال فما فوق لكل العائلة

طبعا في عندهم عروض بعض الاحيان عندما تشتري التذكرة عن طريق النت انا ما خذيتها لاني ما كنت متاكد اي يوم نروح بالضبط ولما جينا عشان نحجز عن طريق النت حصلنا نفس السعر

المهم فرحة الاطفال تغنيك عن كل شي

فكرة بسيطه عن الحديقة أخذتها من احد المنتديات "ليجو لاند أو أرض مكعبات الليجو ,, كانت من أهم ما زرناه أثناء إقامتنا بميونخ

و هذه الملاهي عبارة عن مدينة متكاملة مبنية بالمكعبات المختلفة الأحجام و يوجد لها فروع حول العالم فهي ليست الوحيدة"

صورة عند مدخل الحديقة،

وبعد ما دخلنا في البداية شفنا ناس في الاستقبال وصورنا معاهم،طبعا كلها مصنوعه من مكعبات الليجو،

وأيضا مع هذه العجوز،

وبعد هذه النقطة تفرقنا الى مجموعتين مجموعه الصغار ومجموعة الكبار، مجموعة الكبار انا وابني وابنتي الكبيرين ومجموعة الصغار المدام وبناتي الثلاث الصغيرات

والغرض من هذا التفرقة لأن الوقت ضيق واولادي الكبار يريدوا يركبوا كل الالعاب في الحديقة وما يصير نروح مع بعض لانه بنكون بطيئين والصغار ما يصير يركبوا مع العال الكبار لذلك لا بد من مجموعتين، المهم احنا الكبار رحنا هجوم للالعاب الكبيرة الممتعة، والصغار مع المدام للالعاب الصغيرة وحددنا مكان للملتقى والخريطة طبعا موجودة معنا كلنا وايضا موجودة في الحديقة كل مكان، انا صراحه ما صورة كثير في الحديقة لاني كنت مشغول في ركوب الالعاب والاستمتاع، أما المدام حصلت فرصة مع الصغيرات وصورة كم صورة وإليكم،

عند أحد البنايات والمصنوعه من مكعبات الليجو،

لعبة الاحصنة،

لعبة القطار،

والسيارات،

والالعاب المائية أيضا موجودة،

ولحسن حظنا ما كان في زحمة كثير في الحديقة قدرنا نركب معظم الالعاب الكبيرة والمشوقة والصغار أيضاً أستانسوا هم أيضاً، في ساعتين تقريباً قبل ما تسكر الحديق وصلنا في حدود الساعة 3 والالعاب تغلق في الساعه الخامسة والنصف او السادسة، المهم بعدها وقبل الخروج صورنا مع بعض المجسمات الجميلة تم صنعها بالمكعبات بأيدي مهرة،

هذا المجسم لملعب إليانز أرينا محطتنا للحلقة القادمة،

وهذا لمطار ميونخ الدولي،

من جهة اخرى،

وبعض المباني لمدينة ميونخ،

والنهر والسفن،

ومن جهة اخرى،

وهذا منظر عام للحديقة عن المجسمات،

وبعدها غادرنا الحديقة والرجوع الى مدينة ميونخ، والطريق كان سالك والحمدالله الى ان وصلنا ميونخ وبعدها كنا جوعانين لان ما تغدينا وفي الحديقة كنا ناكل الخفايف من الشيبس والبسكويت والايس كريم وخلافه...
لما وصلنا لميونخ قلنا للاخ جارمن جوعانين ممكن تشوفلنا مطعم قريب ناكل منه وقال فالكم طيب ودانا مطعم تركي حلال واكلنا دونر كباب (شاورما) وصورة من المطعم والشباب ياكلوا

وبعد ما اكلنا ورجنا للفندق والخلود للراحة

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة الحادي عشر



بعد ما صحينا الصبح البرنامج هنا متغير شوي الفطور يكون في مطعم الفندق حيث كان الحجز مع الافطار، والفطور مالهم لا بأس به عبارة عن حبوب افطار حليب وخبز توست وجبن وبيض مسلوق ومربى وعصائر والجلسة بعد لا بأس به بس غير لما تفطر وتشوف المناظر الطبيعية والبحيرات على طبيعتها ما كما في الصورة

، على العموم هذا هو جلسة الافطار في فندق الي سكنا فيه،

بعد ما فطرنا وفطرنا الاطفال والاستعداد للانطلاق الى الملاهي وتبعد المسافة من فندقنا للملاهي ما يقارب ساعه ونصف، خرجنا من الفندق على الساعه 12 ظهرا تقريبا، الطريق كان مزدحم في البداية وبعدها دخلنا للشارع العام والشارع طويل ومريح وشخطه على قولة اخوانا

، المهم واحنا في الطريق تقريبا عدينا نصف المسافة فجأةً نشاهد إزدحام في الشارع العام وقلنا كيف مو مستوي خير ان شاءالله، المهم بدأنا نمشي شوي شوي حبه حبه الى ما توقفنا تماما

أنا قلت معقول كذا توصل الحال بالوقوف، المهم توقفنا في منتصف شارع العام والجو كان حار أتذكر درجة الحرارة كانت في منتصف الثلاثينات، على العموم بعد الوقوف اكثر من ربع ساعه في السيارة ونزلت واشوف ناس كثير تنزل من سياراتها، المهم كان جنبي شخص الماني ونزل من سيارته وقلت له كيف خير مو مستوي هناك قدام، قال في شاحنه منقلبة، وياخذ وقت الى ما يفتحو الشارع، أنا قلت واغيابنا عجب بنبات الليلة هنا في الشارع كان فيه مخارج من الشارع العام بس انا بغيت استكشف في هذاك الوقت، بعض الصور واحنا في الشارع العام،

وابنتي تعبت المسكينه من الانتظار،

فقررنا كلنا ننزل من السيارة ونتصور،

وجلسنة فترة طويله يمكن ساعه او اكثر وقلت للاولاد كيف الوقت ضاع نرجع ونجي باكر ولا نكمل المسير، عشان الملاهي ياخذ وقت في الطوابير الالعاب وخلافه.. بس الاطفال كان متحمسين كثير قالوا لا بابا لازم نروح قلتلهم زين المهم بدأت السيارات تتحرك شوي شوي الى ما وصلنا عند مكان الحادث وصور منها،

والمهم اكملنا المسير الى ان وصلنا حديقة الملاهي، وفي الحقيقة كنا حاطين في بالنا لازم نروح احدى حادئق الملاهي في ميونخ، وحقيقة كان فيه حديقة ثانية بعد اسمها سكاي لاين بارك بس لما شفت العابها حسيتها معظمها للكبار فقلت احسن نروح ليجو لاند في مراجيح كثيرة للاطفال هناك، المهم وقفنا السيارة في المواقف المخصصة وقبل ما تدخل المواقف يعطوك تذكرة وممكن تدفعها عند الكاونتر ما التذاكر في نفس وقت شرائك للتذاكر وحقيقة اسعار التذاكر كانت غاليه شوي اظن ما يعادل 100 ريال فما فوق لكل العائلة

طبعا في عندهم عروض بعض الاحيان عندما تشتري التذكرة عن طريق النت انا ما خذيتها لاني ما كنت متاكد اي يوم نروح بالضبط ولما جينا عشان نحجز عن طريق النت حصلنا نفس السعر

المهم فرحة الاطفال تغنيك عن كل شي

فكرة بسيطه عن الحديقة أخذتها من احد المنتديات "ليجو لاند أو أرض مكعبات الليجو ,, كانت من أهم ما زرناه أثناء إقامتنا بميونخ

و هذه الملاهي عبارة عن مدينة متكاملة مبنية بالمكعبات المختلفة الأحجام و يوجد لها فروع حول العالم فهي ليست الوحيدة"

صورة عند مدخل الحديقة،

وبعد ما دخلنا في البداية شفنا ناس في الاستقبال وصورنا معاهم،طبعا كلها مصنوعه من مكعبات الليجو،

وأيضا مع هذه العجوز،

وبعد هذه النقطة تفرقنا الى مجموعتين مجموعه الصغار ومجموعة الكبار، مجموعة الكبار انا وابني وابنتي الكبيرين ومجموعة الصغار المدام وبناتي الثلاث الصغيرات

والغرض من هذا التفرقة لأن الوقت ضيق واولادي الكبار يريدوا يركبوا كل الالعاب في الحديقة وما يصير نروح مع بعض لانه بنكون بطيئين والصغار ما يصير يركبوا مع العال الكبار لذلك لا بد من مجموعتين، المهم احنا الكبار رحنا هجوم للالعاب الكبيرة الممتعة، والصغار مع المدام للالعاب الصغيرة وحددنا مكان للملتقى والخريطة طبعا موجودة معنا كلنا وايضا موجودة في الحديقة كل مكان، انا صراحه ما صورة كثير في الحديقة لاني كنت مشغول في ركوب الالعاب والاستمتاع، أما المدام حصلت فرصة مع الصغيرات وصورة كم صورة وإليكم،

عند أحد البنايات والمصنوعه من مكعبات الليجو،

لعبة الاحصنة،

لعبة القطار،

والسيارات،

والالعاب المائية أيضا موجودة،

ولحسن حظنا ما كان في زحمة كثير في الحديقة قدرنا نركب معظم الالعاب الكبيرة والمشوقة والصغار أيضاً أستانسوا هم أيضاً، في ساعتين تقريباً قبل ما تسكر الحديق وصلنا في حدود الساعة 3 والالعاب تغلق في الساعه الخامسة والنصف او السادسة، المهم بعدها وقبل الخروج صورنا مع بعض المجسمات الجميلة تم صنعها بالمكعبات بأيدي مهرة،

هذا المجسم لملعب إليانز أرينا محطتنا للحلقة القادمة،

وهذا لمطار ميونخ الدولي،

من جهة اخرى،

وبعض المباني لمدينة ميونخ،

والنهر والسفن،

ومن جهة اخرى،

وهذا منظر عام للحديقة عن المجسمات،

وبعدها غادرنا الحديقة والرجوع الى مدينة ميونخ، والطريق كان سالك والحمدالله الى ان وصلنا ميونخ وبعدها كنا جوعانين لان ما تغدينا وفي الحديقة كنا ناكل الخفايف من الشيبس والبسكويت والايس كريم وخلافه...
لما وصلنا لميونخ قلنا للاخ جارمن جوعانين ممكن تشوفلنا مطعم قريب ناكل منه وقال فالكم طيب ودانا مطعم تركي حلال واكلنا دونر كباب (شاورما) وصورة من المطعم والشباب ياكلوا

وبعد ما اكلنا ورجنا للفندق والخلود للراحة

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة الثاني عشر

عدنا اليكم مشاهدينا الاعزاء اسعد الله اوقاتكم بكل خير، بسم الله ونبدأ الحلقة الثاني عشر وأهديها لمحبي الرياضة والكورة والفريق البافاري : تاريخ 30-6-2012م أستاد إليانز أرينا (Allianz Arena)

بعد ما صحينا الصبح وفطرنا البوفيه مال الفندق، وبعدها الاستعداد للذهاب إلى ملعب إليانز أرينا وحقيقة زيارة هذا الملعب كان من ضمن البرنامج المعد قبل المجي الى ميونخ لشهرته بين الاوساط الرياضية واحنا ما مال الرياضة بس في شوي بعض الاحيان، واسمع عنه كثير وقلنا ما دام واصلين لازم نشوفه، المهم قررنا نروح له بالقطار لأن أسهل وأسرع أتوقع من السيارة لأن ميونخ زحمه مثل ما خبرتكم.

المهم بعدها خرجنا من الفندق والجو مشمس طبعا وحر شوي، ما اعرف صار فجأة صار حر في ميونخ لما كنا موجودين ودرجة الحرار في الثلاثينات فكرت نفسي في عمان

المهم بعدها توجها الى موقف الباص والى محطة القطار، وحقيقة في نقطة نسيت اخبركم عنها عند ركوبنا للباص النقل العام عليك شراء التذكرة بنفسك اظاهر يختلف من دولة الى دولة لانه في بريطانيا تشتري التذكرة من عند السائق واما في ميونخ لاحظت انك تشتريها بنفسك من الباسط يوجد جهاز، بس مكتوب بلغتهم فانا ما فهمت لغتهم وسالت راعي الباص كيف اقص تذكرة قال ما مشكلة ما يحتاج

، قال في نفسه ما فيني بارض اقوم له واشرح له كيف الطريقة،،

بعدها وصلنا في المحطة الرئيسية وفي سلالم كهربائية لتحت قطاراتهم تحت الارض وفوق الارض سبحانه الله

بعدها رحنا لشراء التذاكر ولا اتذكر اسعاره بس شي رمزي، المهم قلنا للجماعه باغين نروح اليانز ارينا قالولنا اتبعوا لوائح الكورة الخريطة مالهم مال القطارات في محطة مرسوم عليها كرة قدم هية محطة اليانز ارينا المهم تابعنا المحطة الى ان وصلنا عند المحطة القريب من الملعب،

صورة من محطة القطارات،

بعدها مشينا الى الملعب، بس لما وصلنا للمحطة ونزلنا منها تفاجئنا ما في مصعد يوديك فوق بس سلالام عادية وغير كهربائية استغربنا قلنا افا كيف كذا احيد هذول الجماعه يهتموا للصغير والكبير والمعوقين وكل الناس، بس هذيك النقطة ما عجبني اتذكرها، بعدها قلنا ما شي حيلة احنا بغينا المصعد حال عربة اميرتي الصغيرة، المهم شليت العربة فوق بنفسي وبعدها في جسر مشينا عليه وهذه بعض الصور يوم مشينا عليه،والشلة متحمسة والجو مشمس،

على يمين الجسر تبين محطة القطار الى نزلنا منه،

وعلى يسار الجسر تبين الملعب اليانز ارينا،

وفي الحقيقة كان فيها مشي الى ما وصلنا الملعب بس الشلة متحمسة ومشينا،

طبعا هذا كله ممشى للناس ما تحصل سيارات هذا المكان، وبعد مشينا ونقترب من الملعب،

وهنا نقترب من بوابة الدخول المشجعين،

وبعدها وصلنا الى الملعب ويوجد بها عدة مداخل بس بعضها مغلقة المهم تابعنا اللوائح تشير الى الاستقبال وسياحة للملعب، الى ان وصلنا المكان لشراء التذاكر ويوجد هنا مصعد تصعد فوق ما اتذكر بالضبط اي طابق بس مكتوب على المصعد بعدها الى الكاونتر واشترينا التذاكر ما اتذكر سعره كم بس ما غالي كثير وايضا يمكنك مع التذكرة الحصول على مشروب ماء او بعض الخفائف البسيطة، وهذا هو الموقع الرسمي لملعب اليانز ارينا على النت لأني نسيت كل بو قاله المرشد السياحي هههه، وعسى تستفيدوا منه،

موقع الملعب على النت: https://www.allianz-arena.de/en/bilder

وصورة من التذكرة،

بعدها قالوا لنا عليكم الانتظار تقريبا نصف ساعه لبدء الجولة السياحية باللغة الانجليزية ترا في مجموعات كثيرة الي باغي بالماني والي باغي بالفرنسي والي باغي بالايطالي وهكذا، المهم انتظرنا عند المقاهي وفي محلات ايضا لشراء بعض منتجات القريق البافاري وفي شاشات تشوف متأ بدأ العمل في هذا الملعب والمراحل والمبارايات التي اقيمت فيها وهكذا...

المهم بعد مضي نصف ساعه نادونا للجولة بس قالوا ما يصير تشلوا معاكم العربة، قلنا ما مشكلة خليناها عل الطرف بعدها بدءنا الجولة وإليكم بعض الصور عند دخولنا مقصورة المشجعين،

وإبني كان متحمس،

وإبنتي كذلك،

والمرشد السياحي يلعي ويلعي وانا اشاهد الملعب ما منتبه له هههه ومشغول في التصوير،

والتصوير من مختلف الزوايا،

والمدرجات،

والمدرجات المغطاة اتوقع حال كبار الشخصيات او ما شابه ذلك او للصيانه،

وتشوفوا هذاك الشي بو طالعين من تحت الارض من هناك يدخلوا اللعيبة والحكام للملعب حال المبارايات، بنروحله بعد شوي خليكم متابعين،

واحنا في طريقنا الى النزول للاسفل من مختلف الاماكن،

ومن جانب آخر،

وأميرتي فوق أكتافي ما تقدر تمشي المسكينة،

وفي مجموعات اخرى والشرح بمختلف اللغات،

واماكن اخرى، ولاحظو معي المراوح على ارضية الملعب،

وبعد ما تمشينا حولين الملعب من الخارج، ومن ثم الى داخل كواليس الملعب واحنا ماشين بين الممرات شفنا صور نجوم الفريق البافاري ومنهم، ويلعب للمنتخب الهولندي،

وأيضا هذا اللاعب الخطير، يلعب للمنتخب الفرنسي،

وغرف تبديل الملابس للاعبين،

ومن ثم اكملنا المسير الى ان وصلنا في هذا الممر والسلالام في النزول والصعود،

وهذا المكان الي قصدته قبل قليل الي يدخله منه اللاعبين والحكام للملعب،

وهذه المراوح الي تكلمت عنها قبل قليل ايضاً،

والجماعه عندهم التقنية يحافظوا على حشيش الملعب من التهويه المناسبة ودرجة الحرارة وخلافه.... علم وتكنولوجيا يا ناس عشان بس الحشيش ما يضيع....

والنتيجة،

عجيب الملعب صح، المهم بعدها ودانا المرشد السياحي خارج الملعب وهذا صورة منها،

وتكلم ولعيان كثير بس قال بعدها عندنا محل اذا باغين تشتروا قمصان فنايل اكواب وخلافه... للفريق.... وبعدها قلنا نشوف بالفعل رحنا ومحل كبير غير المحل الي دخلنا منه من البداية وابني راسه دار لما شاف القمصان والشورتات مال الفريق وقال بابا لازم تشتريلي قلنا يا ابوي بشتريلك لما نروح مسقط هناك ارخص لأنه اسعارهم غاليه القميص الواحد يوصل قيمته ما يقارب 20 ريال لانه اصلي

، بس الولد جاب الواسطة القوية من امه وبعدها قلنا يالله ناخذ حاله للذكرى، وبالفعل هذا القميص لحد يومك هذا لا طلع منه خيط ولا اشترخ لانه اصلي وفي قمصان ثانية ما خذ له هنا من السوق بو عندنا مال ريالين او ثلاث شهر ما كمل واشترخ.. دعاية حال القميص الاصلي.....

المهم بعد ما اشترينا قميص للولد وحطينا اسمه عليه في مهاهم خدمة ممكن تكتب اسمك والرقم الي تريده من ورا القميص... وبعدها ودعنا الملعب والى محطة القطار...

وبما انه كان في وقت الى المغرب قلنا نروح السوق مال ميونخ المشور بـ مارين بلاتز عبارة عن محلات كثيرة ومقاهي ما بينها طبعا للشوبنج شوي شوي الى موعد الرحيل، وأخذت بعض الصور من امام المجلس البلدي مالهم او الكنيسة

والي يروح ميونخ لازم يشوفه والزحمة والعالم تمشي يمين ويسار ...

وايضاً اولادي تعبوا من يوم شاق،

وهذه ما اعرف اتوقع كنيسة مالهم،أو البرج المشهور..

وبعدها تسوقنا على الخفيف، وفي الحقيقة كنا جوعانين وشفنا مطاعم ما بين المحلات وفي مطعم ايطالي حلال يشتغلوا فيها هنود، وطلبنا بيتزا وكان اكلهم طيب بس نسيت اسم المطعم للاسف،

وكنا نتمشى في سوق الى أن بدأت المحلات تتسكر، وبعدها رجعنا للشقة واحنا في محطة قطار شفت قطار طابقين واستغربت اول مرة اشوف قطار طابقين شفت باص طابقين بس قطار اول مرة ،

وبعدها رجعنا للفندق والراحة والنوم والاستعداد للغد وزيارة حديقة اولمبيا بارك وما حولها... الى هنا انتهت حلقة اليوم اشكر متابعتكم وتشجعكم لي، ونلتقي بكم في الحلقة القادمة الى اللقاء،

 

[الورد البلدى]

رد: اجمل رحلة الى اوروبا(المانيا،النمسا) صور رائعة جدا

الحلقة الثالث عشر

بعد ما صحينا الصبح وفطرنا مع الاولاد في البوفيه مال الفندق، وبعد الاستعداد للذهاب إلى الحديقة الاولمبية وتعد هذه الحديقة مشهورة في اوساط ميونخ حيث قامت عليها الالعاب الاولمبية الصيفية في عام 1972، حيث يوجد ملاعب السباحة بها والملعب الرئيسي المغطاة على شكل خيمة لجميع الالعاب القوة الاخرى وايضا يوجد بها برج الذي يبلغ ارتفاعه حوالي 290 مترا حيث يمكنكم مشاهدة مدينة ميونخ من على هذا البرج،

ورحنا لهذه الحديقة بالسيارة لأنها شوي بعيدة عنا والجو كان ممطر شوي لذلك قررنا نروح بالسيارة، على العموم انطلقنا الى اولمبيا بارك وبعد الوصول اليها والبحث عن المواقف القريبه منها والحمدالله حصلنا موقف واخذنا التذكرة اتوقع كان 3 او 4 يورو ليوم كامل، بعدها مشينا ودخنا الحديقة طبعا ما شي بوابه ولا تذاكر للحديقة مفتوحه من كل جهات وعباره عن منتزه وممشى وناس تمش وتسوي رياضه وفي ناس تسوق سياكل والخ... احنا طبعا مشينا كما تشوفو والشلة متحمسة، وجنب الحديقة يقع معرض البي ام دبليو والمتحف ماله...

وبعدها مشينا ومشينا ووصلنا عند هذا الجسر الى يوديك الى الملاعب الاولمبية ،

وإبنتي الكبيرة قالت بابا صورني هنا قلت لها حاضرين وفي الخلف يظهر البرج الذي سوف نروح له بعد المشي الطويل....

وزوووووم للبرج...

وبعدها مشينا ومشينا الاطفال الى ان وصلنا عند الملاعب الاولمبية وبينما احنا ماشين كشكات للمقاهي يسوب بعض الخفائف مثل السندويتشات والقريصات الالمانية

وبعدها دخلنا للمسبح الاولمبي وفي تذاكر الي يريد يتسبح في هذا المسبح... بس احنا فقط بغينا نشوف الاولاد متحمسين بابا خلا نسبح

بعض الصور من الممشى باحة الممشى في المنتره...

ومن مكان آخر ولاحظو معي يبين كشاف ملعب الاولمبياد بس ما دخلنا له... الشلة ما انترستد

ومن جانب الاخر بعد ما عدينا البرج،

وأيضاً حصلنا مكان للعب الاطفال، والشلة استانسوا،

واحنا نتمشى شوفنا هذه الدراجات، الغريبة الي توقف عليها وتسوقها، كانت للايجار بس احنا ما بغينا صعبة مع الشلة...

وبعدها اكملنا سيرنا الى ان وصلنا الى هذا المنظر للبرج من الناحية الثانية، وأيضا كنا قاصديق مهرجان سمعنا عندهم مهرجان مثل مهرجان مسقط بو عندنا

ومن جهة ثانية،جميل النهر مالهم استرجعت ذكريات النمسا شوي،

وأخرى،

واصلنا السير الى ان وصلنا بالقرب من المهرجان وهذه صورة من بعيدة للمهرجان،

المهرجان مالهم يشبه شوي مهرجان مسقط وكان فيه محلات كثيرة لبيع مختلف المنتجات وايضا في مقاهي ومطاعم وفي الحقيقة كنا جوعانين وبالصدفة شفنا مطعم لاخوانا الجزائرين او مغاربه ما اتذكر زين بس المهم قلنا خلاص من هنا نتغدنا بعدها ورحت وقلت له باغين شاورما بس بعدني بغيت اتاكد من انه حلال او لا قال بصراحه احنا نشتري اللحم من المحلات الالمانية واستغربت يعني ما متاكدين بالحلال والحرام، واخرنا شوي وقلنا لا الموضوع في ان المهم كان عندهم بعد سندويتشات فلافل فقلنا خلاص بناكل فلافل،

صورة للمطعم والسندويتش الفلافل جوعتكم ولا شي

واحنا نتمشى ما بين المطاعم والمقاهي شفنا هذا المطعم وكان يشوي !!!!

الحمدالله على نعمة الاسلام... آسف يمكن لوعتكم

وبعدها أكملنا سيرنا ورجعنا الى بالقرب من البرج والنية الصعود للبرج ورؤية ميونخ من الاعلى، وشفنا هذه القوراب عند البحيرة للايجار،

والقوارب،

واحنا تمشي مرينا بالقرب عند هذول الضيوف كل مكان منتشرين عند البحيرات ما شاءالله،

وبعدها الاطفال شافو لعبة البالونات مال البحيرة، وطبعا بابا نريد نلعب هذه اللعبة، وأنا إن شاءالله حاضرين للطيبين،
الاستعداد للدخول في البالونه،

وأثناء المغامرات،

وأميرتي الصغيرة مشغوله مع الضيوف،

وبعد ما خلصوا الصغيرين من اللعب قلنا خلا نشوف البرج ورحنا للبرج واشترينا التذاكر والسعر شي رمزي بعدها صورونا صورة تذكارية، بعدها صعدنا في اللفت والى اعلى البرج، وهذه بعض الصور اعلى البرج،
صورة الملعب الاولمبي الي ما دخلنا تحت شفنا ببلاش من فوق هههه

وصور للمشى الى رحنا للمهرجان ويبين المهرجان من بعيد،

وأيضا الشلة باغين يشوفوا عن طريق التلسكوب للاماكن البعيدة لميونخ،

ومناظر اخر لمدينة ميونخ،

ومعرض البي ام دبليو والمتحف بتاعه على اليسار المبنى المغطى على شكل مثلث،

واحنا نشوف المناظر من فوق حتى شفنا اليانز ارينا الملعب الي رحناله في الحلقة الماضية،

وبعدها شفت سلالم يوديك لفوق بعد وتقدر تشوف من خارج الغرفة الدائرية للبرج انا رحت والجو كان ممتع وفجأة بدأة تمطر شوي شوي وأنا شفت جدار وفيها تواقيع الناس وقلت في نفسي لازم اوقع انا بعد،

وبعدها رجعنا تحت والعودة الى السيارة والمعرض ما رحنا له لان الجو بدأ يمطر شوي شوي وبدا يزداد بقوة لكن لحقت اصور شوي سيارات مال البي ام من خارج المعرض ،

وبعدها بدأ المطر يزداد بقوة، ورجعنا للسيارة وكان عند الموقف مطعم يبع دونر كباب حلال للاخوة مال كوسوفو، أخذنا من هناك عبارة عشانا وبعدها شردة الى الفندق، وهكذا انتهت حلقة اليوم أتمنى انها عجبتكم ونلقاكم في الحلقتين القادمتين التسوق النهائي ومجمع ريم اركادن... والطريق الى المطار والعودة لأرض الوطن والحلقة النهائية

 

[ابوعلي2014]

رد: اجمل رحلة الى اوروبا(المانيا،النمسا) صور رائعة جدا

اخي الورد البلدي تقرير رائع وانا من محبي المانيا والنمساء
ولي اسئلة كثيرة عن رحلتك الجميلة جدا والمخطط لها بإتقان ومن اهم الأسألة كيف اضع تلك العناوين او كيف احل على العناوين التي تمكني من التجول بهذه الدول ووضعها بالجارمن الخاص بالسيارة وانت تقول في احد حلقاتك بحثت عن اقرب بحيرة تحياتي وارجو الرد لاني سفري لتلك الدولة الجميلة قريب.