فندق و منتجع شانغريلا المالديف Shangri-La's Villingili Resort and Spa - المالديف

ماليزيا 2013 · 8 يوليو 2012

صور فندق و منتجع شانغريلا المالديف Shangri-La's Villingili Resort and Spa - المالديف

المالديف

المالديف هي وحده من دول اسيا تعتبر وتقع بالمحيط الهندي تبعد مسافة 4 ساعات تقريبا عن مطار دبي مناخها استوائي اقتصادها معتمد على السياحه بالدرجه الاولى وثم الزراعه ديانة الشعب الاسلام واقرب مالهم الشعب السيرلانكي

شعب المالديف طيب جدا ومسالم وبشوش وهالشي راح تلاحظونه من اول ماتنزلون مطارهم
الاغلب يجمع بانها تعتبر افضل جزر بالعالم وانا اقول نعم هي (وحده) من افضل الجزر بالعالم وليست الأفضل الأفضل لان الكل لديه مقاييس في الافضليه !

التخطيط والترتيب تم مع الامارت للعطلات اخذت من عندهم باكج كامل للرحله وانا انصح لما تحجزون للمالديف انكم تقارنون الاسعار مابين المواقع ومكتب الامارات وغيرها من المكاتب لان المفأجاه انها طلعت ارخص من مواقع الحجز وفوق هذا اضمن !!

صوره من خارج المطار وتحديدا عن ميناء القوارب اللي توصل للمنتجعات القريبه منتجع الشانغريلا هو ابعد منتجع بالمالديف الوصول له عن طريق طائره لجزيرة غان مدة ساعه + قارب سريع 5 دقائق لجزيرة فينجيلي للوصول للمنتجع لكن تستاهل التعب

خارطة المالديف وموضح عليها موقع جزيرة غان وبعدها عن مطار مالي العاصمه في اقصى جنوب جزر المالديف والشانغريلا بجزيرة فينجيلي قريبه من جزيرة غان وهو المنتجع الوحيد هناك

طبعا اذا وصلتوا هناك وبعد مارتبتوا مع الفندق راح يستقبلونكم في لونج بار مكيف ومزود بخدمة انترنت وماكولات خفيفه ومشروبات وعصائر اذا كان الانتظار راح يطول بالمطار انا انتظرت ساعه ونصف تقريباً على ماتجهز الطائره

جت الطياره ووصلنا لجزيرة غان واستقبلوني مندوبين الشانغريلا مع الفوط البارده والزنجبيل وعصير جوز الهند قلت ياسلام من اولها دلع كذا وركبوني قاربهم انا كان التعب مسيطر علي لكن وقتها سبحان الله راح التعب مدري ليه

الشانغريلا كثير ذكرني بمنتجع لابريز سيلهويت بسيشل اول ماوصلت الليل لكن بعد ماصبحنا لا الشانغريلا افضل بمراحل

Shangri-La's Villingili Resort and Spa, Maldives - Shangri-La.com

حجزي بالشانغريلا ماكان بفيله وحده كان بفلتين
انا كان ودي اخليها بمنتجعين لكن يوم شفت كيف هي صعوبة التنقلات خليتها بمنتجع واحد واغير بنوعية الوحدات بنفس الجزيره وخاصة اذا عرفنا ان الهدف من السفره هو راحه واستجمام
اول 5 ايام كانت Beach Villa مع مسبح خاص
وثاني 7 ايام Water Villa
المجموع 12 يوم

اترككم الان مع صور لفلة الشاطيء اللي هي Beach Villa

صور فندق شانجريلا المالديف - المالديف

ماليزيا 2013 · 8 يوليو 2012

رحلتى الى المالديف فى فندق شانجريلا الماليدف بالصور

رحلتى الى المالديف فى فندق شانجريلا المالديف بالصور

اولا الطيران انا اخترت الاماراتيه واسعارها هي
السياحيه تقريبا 5,000
الافق 15,300
الاولى 21,000

اما وحدات الشانغريلا اللي يبي يعرف التكلفه يقدر يطلع على اسعارها من خلال بوكينغ او موقع الفندق نفسه وحطيته باول رد من الموضوع
وعلى فكره الفندق مسوي عرض تسكن 5 ايام تدفع قيمة 4 ايام وتسكن 7 ايام تدفع قيمة 5 ايام وهذا اللي خلاني اخليها مدة 12 يوم
اما موقع بوكينغ المعفنين ماتقيُدوا بالعروض عشان كذا اقولكم تشيكون على موقع الفندق والامارات للعطلات الامارات للعطلات متقيدين بالعروض

طبعا جزيرة فيلينجيلي تعتبر اكبر جزيره خاصه فيها منتجع وتتميز بوفرة الحياة النباتيه
مو مجرد نخلتين وفلل وشاطيء وبحر زي باقي المنتجعات

عند كل غرفه متوفره سياكل لزوم التنقل لان بعض الفلل تكون بعيده عن المطعم والمرافق الاخرى
وعندهم خدمة الباغي سيارة الغولف تطلبها بالتلفون ويجون او الوسيله الثالثه وهي الاصح المشي

وواضح هنا بعد كيف ان الجزيره كبيره ومليانه ممرات
واحلى شي انهم حاطين مقاعد وحمامات بالطريق للي يبي يستريح وياخذ راحته

هذا النادي الصحي والبوتيك والسبا كلها حوالين بعض

صور المالديف

ملعب غولف وش خلوا ماوفروه المصيبه كلها ياخذونها من ظهور النزلاء

صور المالديف

وحده من البحيرات المتواجده بالجزيره

الشانغريلا عندهم 3 مطاعم المطعم الرئيسي جافو Javvu بوفيه افطار يومي
ويومي الاربعاء والسبت بوفيه عشاء اكلات بحريه والسبت بوفيه اكلات اسيويه وهنديه والبقيه الا كارت
ولاحظت انهم حريصين جدا ببوفيه الافطار على الاكلات الصينيه واليابانيه والاسيويه بشكل عام
لان وقت تواجدي كان مليان نزلاء من الصين وهونغ كونغ

صور المالديف

واكتشفت ان هالاسيوين يقدسون لحم الخنزيز لدرجة حتى بزارينهم يوكلونهم بيكون خنزير
ولاحظت فيهم شي انهم طول الوقت كاشخين على سنقة عشره
عكس الاوروبين والامريكان خلاقين وانا معهم

وبالمطعم يتكدسون كلهم بركن معين كانيبهم شفني واشوفك فيهم من هيط الخليجيين

بس ياهو فيهم بياض ونظافه عجيبه