ولاية اوهايو

[لوجىى]

ابي هذولا


​

وهذولا

وهذولا

وهذولا

وهذولا

والعربانه بعد ابيها

وهذولي وبس

يلا حاسبيهم ونتفاهم بعدين





​

 

[لوجىى]

اليوم الخميس

9/27

أصبحنا و اصبح الملك لله

الريوق برا نفس مطعمنا اللي كل مره نتريق فيه

عقب الريوق قصيت تذكرة الباص ليوم كامل بسعر 5.5 دولار ..

وصلت محطة 105 st

ومنها اكمل مشي 9 دقايق الى

المنطقه تسمى يونيفيرستي سيركل هذي العماره ممتازة جريبه من المستشفى و يديده

عرفتوا و ين رايحة ؟؟

الى متحف كليفلاندللفنون

 

[لوجىى]

المتحف حلو و شرح للي يحب الفنون
وبصراحة انا رايحة عشان متحف المرايا بس للأسف طلع له فترة و كان بادي من شهر 7 و 9/30 اخر يوم..
ولازم حجز تذكرة وماكنت ادري لما سألت قالوا مافي كل التذاكر مباعه

تحسفت عليه لأني شفت الصور حلوه .. مالي نصيب فيه ..

خذيت لفه سريعه و مشيت

وندخل المتحف

 

[لوجىى]

المتحف حلو و شرح للي يحب الفنون
وبصراحة انا رايحة عشان متحف المرايا بس للأسف طلع له فترة و كان بادي من شهر 7 و 9/30 اخر يوم..
ولازم حجز تذكرة وماكنت ادري لما سألت قالوا مافي كل التذاكر مباعه

تحسفت عليه لأني شفت الصور حلوه .. مالي نصيب فيه ..

خذيت لفه سريعه و مشيت

وندخل المتحف

 

[لوجىى]

القسم المصري

القسم الاسلامي

هذه الصورة تم تصغيرها . الحجم الافتراضي لها هو 1242x1656.

هذه الصورة تم تصغيرها . الحجم الافتراضي لها هو 1242x1656.

هذه الصورة تم تصغيرها . الحجم الافتراضي لها هو 1242x1656.

 

[لوجىى]

اهني ينزلون الى متحف المرايا

ولقيت هالمشروم

المستشفى

ورجعنا البيت ريحنا شوي و طلعنا

 

[لوجىى]

وطلعنا على الحبيب ولمارت

وعقبه الى مول بيتش وود بليس

والعشا كان في البيك الأردني

إيمان سألت عن المنسف كل يمعه يسونه وباجر بتغدا عندهم منسف ان شاءالله

وطلباتتنا

اللهم لك الحمد والشكر على النعم

الى لقاء يوم يديد

 

[لوجىى]

اليوم السبت

9/29

أمس خالي اشوي تعب علينا و مخلينه تحت الملاحظة اليوم الحمدلله وايد احسن و صعدوه الجناح

وهذا ريوقنا

و الهاوس كيبينغ حاطين هالكروت

و عقب رحنا تارقت

انتهينا من تارقت و رجعنا المستشفى عند خالي وخذينا عشا من علاء الدين في المستشفى

وصب وي موجود و ستاربكس وعدة مطاعم

والعشا فلافل و حُمُّص

الحمدلله على النعمه
وانتهى يومنا اليوم على خير
ألقاكم باجر بحيل الله

 

[لوجىى]

أمس
يوم الأحد

9/30

اشوف الطوارئ الله يعينهم الإسعافات ما يوقفون

وهذا الريوق


عقب الريوق زرقنا على ايتون بوليفارد

وصلنا إيتون و من قبل كاتبه عنه

وبعدين رحنا يونيفيرسيتي سكوير university square


مرينا ميسز و ول فود ماركت whole Foods Market



ول فود ماركت

والغدا كان من الجمعية نفسها عيش زعفران و شيكن ماسالا

ونهاية اليوم مع الغروب الحلو


وانتهى يومنا على خير

 

[لوجىى]

اليوم الاثنين

10/1

وهذا شكل الغرفه في المستشفى

الحمام عزكم الله

اليوم بس في غدا من chick- fila

اللي عاليمين فندق انتركونتننتال وبعده المستشفى

نصيحة للي رايحين علاج اول يسكنون في هذا و بعدين يدورون لهم سكن و في اثنين انتركونتننتال الثاني ملاصق وفِي قلب المستشفى ما انصح فيه وانصحكم في الاول احسن لانه خارجي و كنوع من تغير الجو ..

وهذا غدانا

والحمدلله على النعم
ألقاكم في يوم يديد ان شاءالله

 

[لوجىى]

اللهم لك الحمد حتى ترضى

ولك الحمد اذا رضيت

ولك الحمد بعد الرضا


ربي لك الحمد والشكر على الصحه والعافية

رديت معاكم أتنفس الصعداء على ما يقولون

بعد أزمة مرت على خالي ولله الحمد عدت على خير و بركه من ربي

اعتذر عن الانقطاع اصعب ايّام حياتي مروا علي خلال الأيام اللي طافت والحمدلله الله لطف فينا

وردت عافيته ربي لك الحمد

والله يشافي كل مريض ويرفع عنه يا رب

عقب يوم الاثنين

وصلنا يوم الثلاثا

10/2

رايحه المستشفى عند خالي

تذكرة مواقف السيارات لمدة أسبوع بسعر 30 دولار احسن لكم من يوم بيومه وايد أغلى تقريبا 4 ساعات 8 دولار هذي اوفر للي قاعد و رايح راد على المستشفى مثلنا ..

تحصلونها عند الفاليه في المبنى الرئيسي

تم الوصول للمستشفى

الريوق اليوم

وانا قاعده احوس بتلفوني جان أقول خل اشوف لي محل كاكاو اشتري منه حق عقب عملية خالي ولقيت هذا اقرب شي. على المستشفى



وأخذ السياره و انطلق حزتها غيم و برّد في هاليوم

وهذا المحل

واطلع من المحل ولا ذيچ المطره ماشاءالله اتهبل و قويه

ووصلت المستشفى بسلام

وهذي هيلكوبتر المستشفى تنقل الأعضاء البشرية للزراعه


وانتهى يومنا على خير الحمدلله

 

[لوجىى]

يوم الاربعا

10/3

الساعه 6 الصبح لازم نكون في مركز العلميات

يدخلون المريض بنفس اليوم للعملية مو مثلنا قبلها بجم يوم يجهزونه حسيت حلو ويخوف يعني احس لازم يجيكون ويهيئون بس عادي عندهم

المهم دخلنا وبدوا في التجهيز
.

يعطون بيجر لكل مرافق و يعطي تنبية عند كل خطوه يسونها في العمليات

عاد كويتيين و عطوهم بيجر وفي أبديت شنو يصير اخذوا حنه اشفيه ما يعطي تنبيه صارلهم ساعه اشفيه ما يعطي تنبية ثاني صارلهم نص ساعه حنه و رنه وإذا ماعطونا رحنا نسأل الرسبشن ماكو فايد مصرقعين كل شي نبيه بعيله

وهذا الكرت يكتبون في اسم الشخص اللي يكلمونه و يكتبون اسم شخصين اللي يقدرون يدشون على المريض في الافاقه..

ويعطون كود بأحرف اسم المريض و يطلع على الشاشه للابديت شنو قاعد يصير للمريض


وهذي الشاشة الزرقا


يعلمونا على طريقة الشاشه


وهذا مبنى العمليات من داخل



الريوق حليب كاكاو


اشوي تمشي عشان يضيع الوقت ومن بعيد فندق هوليدي ان و انتركونتننتال


ويوصل تنبيه في المسج

وقاعدين في جسر مبنى العمليات ننطر مسجات و اسامينا

نادوا علينا وقالوا كلمي الدكتور في التلفون كل عائله بغرفه امر عليهم ألقى ناس منهاره الله يكون في عونهم .. ويكلمني الدكتور و يطمني بنجاح العملية ولله الحمد..

وانتهى يومنا الساعه 10 تقريبا ورجعنا البيت ..

انتهى اليوم على خير ولله الحمد

 

[لوجىى]

يوم الخميس

10/4

الساعه 6:30 ص الى المستشفى

قعدت مع خالي وعلى الساعه تقريبا 9 اشوف ضغط خالي كل ما له وينزل و يحس بألم ويأخذونه على السونار و يشوفون في نزيف اشوي و قال الدكتور راح ندخله عملية ثانيه

ليش شنو في مو قلت العمليه ناجحة اي بس في اشوي نزيف ونرجع العمليات الساع 12 ..
وبعد 3 ساعات رجع وقالوا تعالوا الى SICU وحدة العناية المركزة الخاصة بالعمليات ..
لا حول ولا قوة الا بالله ليش العناية مو الجناح اشفيه خالي كان في نزيف و سوينا العمليه بس نبي نخليه في العناية احسن عشان نراقب ضغطه لان لما الحين نازل .. بس وضعه زين ..

وفعلا لما دشينا عنده عقب العمليه الثانية كان شكله وايد زين الحمدلله ..

تم اخوي معاه زام الليل وانا زام النهار 12 ساعه ب 12 ساعه ..

وانتهى اليوم على خير والحمدلله

 

[لوجىى]

يوم اليمعه

10/5

رحت المستشفى وابتدأ زامي

ولي الحين ضغط خالي نازل

واشوي يرد يصعد ..
انا خلص زامي وكانت اموره بدت تتحسن ولله الحمد في العناية و مسك اخوي زام الليل ..

انتهى يوم اليمعه ولله الحمد على أعصابنا ..

 

[لوجىى]

وانتهى يومنا المتعب و الحمدلله على كل حال ..

يوم الأحد

10/7

الى المستشفى

الحمدلله بدت حالته تتحسن و النزيف و قف

وهذا ريوقي

وهذا ريوق خالي من بعد 5 ايّام من غير اكل ..

وغداي من البيك

والحمدلله انتهى يومنا على خير

 

[لوجىى]

الأثنين

10/8

الى المستشفى

الريوق

وهذا غدا خالي الحمدلله عطوه اكل


وغداي من البيك عرايس و شوربة عدس


الحمدلله على الصحه و الراحه خلص يومنا على خير

اليوم الثلاثا

10/9

الحمدلله والشكر تحسنت حالة خالي للأحسن و بدا يمشي ربي لك الحمد

ووصاني اشتري هدايا بسيطه للممرضات

ورحت مول
Great northern
وخلصت من الهدايا و رجعت له


الإطلالة من الغرفة


على فندق الانتركونتينتال اللي قلب المستشفى

والعشا اليوم chick-fil- a الحمدلله

وانتهى يومنا ولله الحمد على خير و بركه من رب العالمين

 

[لوجىى]

يوم الاربعا
10/10

الى cvs وبعدها المستشفى

دشيت هالسكه بالغلط و شفت بيوت حلوه

وال cvs

ورجعت المستشفى

غرفة استراحه

وغداي اليوم

وخلص اليوم على خير

 

[لوجىى]

يوم الخميس

10/11

الحمدلله رخصوا خالي و قالوا خلاص يقدر يروح البيت
الحمدلله على السلامه
هذا قشنا من بعيد والحمدلله على التيسير

بعد اسبوعين كاملين في المستشفى الحمدلله طلعنا والحين ما عندنا غير مراجعات أسبوعية والله يسهل ..

وخلص اليوم ورجعنا البيت الحمدلله مع خالي

يوم اليمعه

10/12

في البيت ماعندنا شي بس صرت ممرضه على الدرس اللي عطوني إياه للتغير حق خالي ومتابعة حالته اليومية و الحمدلله ..

وبعدين رحت جمعيتي
.

هذه الصورة تم تصغيرها . الحجم الافتراضي لها هو 1242x1656.

عشاي اليوم

وخلص اليوم على هالجو

 

[لوجىى]

يوم السبت

رحت المول اللي صوب الكازينو اجدد الإنترنت

وخلص السبت الحمدلله

يوم الأحد

10/14

مزاجي اطبخ برياني خضار
بس اللي طلع معاي عيش خضار

الحمدلله هذا طلع معاي

اللهم أدمها من نعمه و احفظها من الزوال
وخلص الأحد على خير

 

[لوجىى]

يوم الاثنين

2018/10/15

خالي عنده مراجعه روتينية راح مع اخوي
وانا قاعده بالشقه

وهذا ريوقي

بيضة بنديكت

وخلص اليوم

يوم الثلاثا

2018/10/16

رحت اشتري ريوق من جمعية علاء الدين العربية بس عندهم اكل عربي جمعية صغيره .. أسواق القرية فيها متطلبات عربيه اكثر من أدوات تنظيف اواني والخ ..

اما علاء الدين اكل وفطاير

من الطريج وانا رايحه

هذا ملعبهم لكورة القدم الأمريكية