حلتي إلى سيريلانكا ودليلك إليها بالصور

  • بادئ الموضوع بادئ الموضوع hearty
  • تاريخ البدء تاريخ البدء

hearty

:: مسافر ::
إنضم
24 سبتمبر 2012
المشاركات
249
مستوى التفاعل
11
النقاط
18
العمر
63
الإقامة
united arab emirates
رحلتي إلى سيريلانكا ودليلك إليها بالصور بقلم قاسم حتو

13925442_1725180837747112_8715788579858097515_o-738x355.jpg


كانت الساعة التاسعة صباحا من يوم الأحد لمّا قرّرت إني بدي أسافر يوم الإثنين إلى سيريلانكا.. أسرعت بالذهاب إلى أحد مكاتب الطيران لأحجز تذكرتي بسبب عطل في موقعهم الإلكتروني منعني من الحجز أونلاين.. كان يوم معجوق جداً, عندي رحلة في اليوم التالي ظهراً وأنا ما بعرف شي عن البلد اللي رح أسافرلها ولسّا لازم أجهّز شنتتي, قضّيت اليوم وأنا بقرأ أونلاين عن سيريلانكا وبحكي مع أصدقائي اللي وصلوها من قبل إلى أن صار عندي فكرة مبدئية عن شو ممكن أعمل هناك.. تاني يوم وصلت المطار وطلعت بالطيارة وبدأت المغامرة
1f483-1f3fc.svg


كانت رحلة عفوية جدا, لم تكن مخطط لها ولم يكن عندي أي خطة خلال وجودي هناك, كنت كل يوم صباحا أقرر وجهتي التالية حسب نصائح المسافرين الذين تعرّفت عليهم في الهوستلات التي كنت أنام فيها ولم تخذلني هذه الطريقة في الذهاب إلى أجمل الأماكن وأفضلها والتعرف إلى الكثير والكثير من المسافرين الرائعين الآخرين.. هذا كان أجمل مافيها, العفوية والناس اللي تعرّفت عليهم, تعرفت على ناس الهم سنين مسافرين وتعلّمت من خبراتهم في السفر.
قد تكون قرائتك لهذه المقالة نوع من التسلية في العمل أو قصّة ما قبل النوم لكن ما أريده منك بعد قراءتها هو أن تتحمّس, أن تبدأ بالبحث عن تذكرة الطائرة المناسبة وتحجزها وتعيش مغامرتك الخاصّة, الموضوع أسهل مما يبدو عليه, فقط إتبع ما ستقرأه واسترخي.
هذه المقالة هي مجرد رؤوس أقلام تساعدك في رحلتك لكن الباقي عليك إنك تستكشف وتبحث.
تابعوني على سنابتشات – تويتر – إنستاغرام: @IbnHattuta
كل الصور في هذا المقال ما عدا الصورة الأخيرة هي من تصويري



ملخّص سريع عن رحلتي

  • المدّة: ١٤ يوم
  • الطيران: فلاي دبي (٢٦٥ دينار أردني)
  • التكلفة الإجمالية: ٤٩٠ دينار (٢٢٥ ٢٢٥ دينار دون الطائرة)
  • المدن التي زرتها بالترتيب:
    (كولومبو – كاندي – دامبولا – سيجيريا – نوارا ايليا – إيلّا – ميريسا – چول – هيكادوا – بنتوتا – نيچومبو )
التكاليف بالتفصيل (دون تذكرة الطائرة):
12771847_10154208197241756_5252633675464495497_o.jpg
القيمة الإجمالية لما صرفته هناك: ٢٢٥ دينارمعلومات هامّة وعامّة

  • ستسمع سؤال ”You are from where؟“ من كل شخص تقابله هناك, سائق التكتك (التكسي), بائع البقّالة, كل بني آدم ماشي بالشارع, رح تسأل حالك هاد السؤال بالغلط أكتر من مرة, في بعض الحالات رح يكون السائل بحاول يتقرّب منّك عشان يشحد, لمّا تحكيله إنك من الأردن رح يبدأ يحكي عربي ويحكيلك قصة حياته وكيف قاتل مع الصحابة في معركة بدر وكيف الإسلام أثّر في حياته وأنه تزوّج من بوذية وجعلها تسلم لكن الزمن غدر به وجعله فقير ومحتاج فلوس لتصليح بيته المهترئ, لمّا تعتذر منه رح يسب عليك ويمشي ”ترو ستوري“.. إذا حكتله إنك من بلد تاني رح يبدأ يحكي بلغتهم ويحكي قصة ثانية فلا تحاول تتشاطر.. المهم, تعوّد على أن تجاوب هذا السؤال من دون التوقف للحديث لإنه عالأغلب بده يحاول ينصب عليك.
  • المدينة الوحيدة اللي فيها عدّاد في التكتك هي كولومبو, باقي المدن إنت قدّر المسافة وفاصل السائق على أساسها لكن يفضّل عدم إستخدامه إلّا للضرورات وإنما استخدم الباصات.. لمّا تركب تكتك إسأله عن السعر للمكان, لما يعطيك السعر أعطيه النصف وإبدأ المفاصلة من هذه النقطة.
12795186_10154217766211756_2940832392701516693_o.jpg
التكتك

  • كل شيء هناك قابل للمفاصلة, حتى لو كان الموقف لا يستحمل المفاصلة حاول وما رح تخسر شي.. أنا كنت أتعجّب لمّا أرمي أسعار عشوائية لأتهرّب من الشراء لكن السيريلانكيين لن يخيّبوا أملك ورح يعطوك سعر لم تكن تؤمن انه يشتري جناح بعوضة.
  • المقعد الأوّل من كل باص مخصص للرهبان البوذيين, إذا اجا راهب وإنت قاعد عليه قوم وإنت ساكت لإنه مش مزحة الموضوع ورح يستحوذ عليك بقوه تركيزه السحرية إذا ما بتقوم
    1f631.svg
  • قد تكون المعابد البوذية مكان اهتمام عندك, لكن بعد عدة أيّام رح تزهقهم.. بوذا موجود في كل مكان, رح يبطّل الموضوع إنترستنج, لذلك أنصح إنك ما تروح على أي معبد تذكرته غالية لإنه كلهم نفس الشي.
الطعام
  • القاعدة الأهم لصحتك هي إنّك تبعد عن مياه الحنفيّات ولا تشرب إلا من مياه الشرب المعبّئة وعن كل شيء مغسول فيها
  • أغلب الهوستلات وبيوت الضيافة بكون الفطور مشمول بالسعر, لكل في حال ما كان مشمول ادفعوا وافطروا بالفندق أحسن وأرخص بدل تضييع الوقت في التدوير على مطاعم, بالعادة الوجبة المقدّمة بتكون بيض أومليت.
  • بالنسبة للغداء, الأكل الشعبي هو واحد من خيارين:
رز وكاري: بالعادة ما بكون شكلها زي اللي بالصورة, هاي كانت أغلى وجبة رز وكاري أكلتها هناك بمبلغ ٥ دنانير تقريبا (بالعادة دينار).
12841422_10154217928896756_7454842016345770071_o.jpg
رز وكاري
رز أو نودلز مقلي مع خلطات متنوعة
12828269_10154217933911756_5842449862412485670_o.jpg
Fried Noodles



كيف تجهّز رحلتك
ما قبل السفر:

  • بتقدر تطلّع الفيزا من المطار فور وصولك هناك أو الأفضل: شراءها أونلاين من موقع الحكومة السيريلانكية وستصلك الفيزا بالإيميل بأقل من ساعة بالعادة وتكلفتها ٣٥ دولار. إصدارها من هنا
  • أفضل الأشهر للسفر هناك ما بين شهر ١١ وشهر ٤.
  • نزّل الأبليكيشنز والخرائط اللي رح تحتاجها هناك على تلفونك, من أهم التطبيقات هي TripAdvisor وتطبيق الخرائط CityMaps2Go. ممكن تلاقي تطبيقات تساعدك في رحلتك هون
  • فلوسك خليهم بالدولار وهناك بتصرّفهم بالمطار.
  • يفضّل إنك تسافر بحقيبة ظهر (Backpack) مش حقيبة سفر كبيرة لإنه مع كثرة التنقّلات رح تغلبك إذا كنت لا تستطيع حملها على ظهرك.
  • إقرأ هذه التدوينة بحرص وعناية.
خطة السفر اللي سلكتها أنا للمدن بالترتيب ومعلومات كل مدينة:
أنا لم أقم بزيارة كل المدن والأماكن التي تستحق الزيارة, الطريق اللي سلكتها مش الطريق الوحيدة وإنما تستطيع إختيار طريقك والأماكن براحتك, ودائما تستطيع أن تسأل الشخص المسؤول بالفندق اللي بتنزل فيه ورح يساعدك بالخرائط والأماكن وكلشي مجاناً.. هاي الخريطة قد تساعدك في إختيار الطريق والأماكن:
10644204_10154217826176756_9200516008784285941_o.jpg
Sri Lanka Tourist Mapكولومبو:

  • العاصمة محطّتك الأولى, مدينة مملّة جدا
  • فندق: ClockInn Hostel (مستوى متوسط, يقدم وجبة الإفطار ضمن السعر)
  • إطلع من المطار وروح عاليسار لمحطّة الباصات وخذ باص 187 إلى مدينة كولومبو
  • أماكن:
حديقة Viharamahadevi
12841253_10154217840751756_3806468677588465745_o-1024x538.jpg
Viharamahadevi Park
ساحة الإستقلال (Independence Square)
886253_10154215030871756_4424828704915102690_o.jpg
Independence Square
معبد Gangaramaya البوذي
12823461_10154215033531756_7897626811841831984_o.jpg
Gangaramaya Temple
بحيرة Beira
12792152_10154215036566756_626711668376382754_o.jpg
Beira Lake
كاندي

  • مواصلات: قطار من كولومبو
  • فندق: Kandy Hostel by Backpackers Sri Lanka (المستوى متوسط, جوّه حلو مع المسافرين الآخرين)
  • تعتبر مدينة كاندي مركز للتحرّك لإنه مكانها متوسّط في الدولة وفيها مواصلات لكل المدن الثانية
  • فيها نكهة المدن الغربية, مطاعم عالمية وكلها سائحين وموسيقى إنجليزية
  • أماكن:
معبد بقايا السن المقدّس
1487996_10154215058496756_3867662147239441945_o.jpg
Tooth Relic
بحيرة كاندي
1075577_10154217831096756_7868429467579140013_o.jpg
Kandy Lakeدامبولا وسيچريا

  • مواصلات: باص من كاندي وحاولوا تطلعوا بكّير أحسن
  • مدينة دامبولا تحتوي على معبد تحت الأرض Dambulla Cave Temple
  • سيچريا فيها Lion Rock وفيها Pidurangala Rock للتسلق.. تسلق إحداهما فقط يكفي وأنصح بزيارة صخرة Pidurangala لأنه تذكرتها ٥٠٠ روبية ومطلة على الصخرة الأخرى بينما الأخرى تذكرتها ٤٠٠٠ روبية وهو مبلغ كبير جدا لا يستحق عناء دفعه
  • يفضّل تكون زيارة يوم واحد للمدينتين والعودة للمبيت في كاندي.
12794834_10154215063016756_6056768107664020690_o-1024x576.jpg
Kandy Lake



نوارا ايليا

  • مواصلات: قطار من كاندي
  • فندق: Happy Inn (مستوى ممتاز, ليس هوستل بالتالي لا يوجد غرف مشتركة لذلك أغلى)
  • مدينة نوارا إيليا مدينة هادئة وجميلة, موجودة بين جبال وفيها بحيرة لزيزة.. يوجد بالقرب منها مزارع ومصانع شاي تستطيع زيارتها لترى كيفية صنع الشاي وشراءه من هناك.. ويوجد أيضا شلالات تستطيع سؤال الفندق عنها
12819247_10154215067641756_8331978282822028195_o.jpg
Midnight in Nuwara Eliyaإيلا

  • مواصلات: قطار من نوارا ايليا
  • لا تحجز سكنك فيها قبل ما توصل لإنه الأماكن الرخيصة هناك مش موجودة أونلاين, هي مدينة صغيرة جدا, سيكون من السهل جدا أن تجد سكن فور وصولك
  • إقضي يومين هناك إذا كان عندك متّسع من الوقت لإنها جدا جميلة وما رح تندم على قضاء وقت أطول هناك
  • أماكن:
جبل آدم الصغير: الطريق إليه سهل جدا ومش متعب زي صخرة إيلا, تحتاج أقل من ساعة للوصول إلى القمة.. إسأل المحليين عن الطريق.
صخرة إيلا: أغلب السيّاح يضيعون في الطريق لذلك رح أحاول أسهّلها عليكم.. إسألوا المحليين عن بداية الطريق إلى أن تجدوا أنفسكم تمشون مع سكة القطار.. لما توصلوا محطة Kithaella ضلكم رايحين إلى الأمام.. رح تلاقوا دخلة عالشمال عليها كرسي خشبي, لا تدخلوها وكملوا إلى الأمام وأدخلوا اللي بعدها.. رح تمشوا على جسر فوق نهر صغير وتلاقوا مفترق طرق يمين وشمال.. روحوا شمال وضلّوا دغري إلى الأبد
1f604.svg
نزلوا خريطة سيريلانكا في تطبيق CityMaps2Go وستجدون عليها الطريق في حال ضعتوا.. الطريق للقمة ساعة ونصف تقريبا..
12795012_10154215074151756_2663926588085956003_o.jpg
Top of Ella Rockميريسا

  • مواصلات: باص من إيلا إلى ماتالا (ينطلق الساعة ١١), وباص من ماتالا إلى ميريسا.. المناظر الطبيعية بالطريق رائعة
  • تقتصر النشاطات فيها على رحلات بحرية لمشاهدة الحيتان والسباحة على الشاطئ
چالا
  • مواصلات: باص أو قطار من ميريسا
  • فندق: Pedlar‘s Inn Hostel
  • مدينة قديمة وجميلة جدا, يلتف حولها حصن وعليه منارة في أحد الزوايا
  • إستأجر درّاجة لتدور في زقاق المدينة القديمة
  • يوجد في هذه المدينة نزُل بعيد قليلا عن الوسط, فيه أكواخ على شاطئ خاص, ورخيص جدا (٦ دنانير للّيلة) اسمه: Bara Beach House أنصح جدا بقضاء ليلة هناك للإستجمام على شاطئ البحر والسباحة..
12829178_10154215121596756_2797185793772161003_o.jpg
One of the alleys in Galle
12719305_10154215153191756_373810944817432397_o.jpg
Galle Fortهيكادوا

  • مواصلات: باص من چول
  • فندق: Monkey Hostel (المستوى ضعيف, مجتمع المسافرين فيه جميل لأنه رخيص جدا)
  • مدينة شاطئية وسياحية جدا, نشاطات بحرية من غوص وتزلج على الماء وغيرها, يوجد بحيرة تستطيع الذهاب برحلة على القارب فيها لمشاهدة المخلوقات المائية
  • أماكن:
متحف تسونامي: متحف فيه صور ومعلومات عن تسونامي.
حضانة بيريليا للسلاحف (Pereliya Turtle Farm and Hatchery)
12792268_10154215139711756_7736344273025416259_o.jpg
Turtle Farm and Hatcheryنيجومبو

  • مواصلات: قطار من هيكادوا
  • فندق: Colombo Airport Luxury Hostel @ Negombo Beach (مستوى متوسط, جوّه حلو)
  • مدينة قريبة من المطار, لذلك تبدأ وتنتهي فيها رحلات أغلب المسافرين, لا شيء لتراه غير الشاطئ, إقض يومك الأخير هناك لترتاح قبل طائرتك
  • مدينة سياحية لذلك من السهل أن تجد فيها فنادق رخيصة والكثير من محلّات التذكارات.
وقبل الختام, من الأماكن الجميلة جدا التي لم أزرها هي قمة آدم, ويقال أنها مكان نزول سيدنا آدم عليه السلام على الأرض.
1093857_10154228431666756_7780702213646068434_o-1024x683.jpg
View From
 
أعلى